Si do Aposela ki kera ilidaki 18:6 - Ṉa Alaofua Falu 1923 1949

⁶ Ma si maṉa na kilu ṉata ni firua bi nia, ma kiku faretoliṉia si baea eri, nia tagaraṉai nia tooni nia, ma ka soree isada, Abumulua ki kai tala to u boo ani kamulua; nau ku falu faisia: ita asi maṉa eri kai oli alaa nau kwai lae isana Jenetaele ki.

Si do Aposela ki kera ilidaki 18:6 Referans Kwoze

Nehemiah 5:13

Nau ku tagaraṉai nia lau boo tooni nau, ku una eri, ’Uria si ade la eri tha God kai tagaraṉai nia kau, kei e’i naa faisia maafera nia, ma faisia ra nia ne ulafu ania, ni tei bana ne a’i si ade sulia alaṉaia nei; ’uria si ade la nei keki tagaraṉai nia kau ka a’i naa. Ma ofu lana toa eki sui bana keka sorea, Emeni, ma keka taṉoa thatana tha Jihova. Ma toa eki keka ade boo sulia alaṉaia eri.

Si do Aposela ki kera ilidaki 13:51

Sui ni keroa keko tagaraṉai nia gegeona theegano faisia aaedaroa uri kera, lae keko fula i Ikoniama.

I. Pita 4:4

Ma asi do eki manatada sa do ni kwele la ania na musi roo iada ana abula lada si maṉa na seeda ka inoto faamau fafi kera, kera ṉata taa i seemulua:

Luke 9:5

Ma ni tei bana na kai lalakwee thathagoni kamulua, si maṉa na muki lae faisia toaa susu eri, muki tagaraṉai nia gegeona theegano faisia lofo aemulua ana faamamane la suli kera.

Mathui 27:25

Sui toa eri sui bana kera luua, keka sorea, Abuna kai to fafi kamilia, ma wela kamilia ki.

I. Pita 4:14

Mada sa keka ṉata taa uri kamulua uria thatana tha Christ, kai lea iamulua; uria na Spirit ana inotoa na ṉa Spirit tha God ka to fafi kamulua: ṉi kera keka ṉata taa i seena, ma ni kamulua muka fare inoto ani nia.

II. Timothi 2:25

Kai abula marabibi si maṉa na kai faakokotoa toa na kera maalimae ani nia; fasi mado e ai tha God kai falea manata akele la ifada uria thaitoomana lana mamana la eri,

Roma 3:29

Tha God na God ana talitoona bana Ju ki? God ana Jenetaele ki lau boo e ai? Iu, ana Jenetaele ki lau boo:

Si do Aposela ki kera ilidaki 28:28

Mania muki thaitoomana, keki falea kau marukia tha God neri ana Jenetaele ki: ma ni kera keki roṉoa.

Si do Aposela ki kera ilidaki 26:20

Ku soree isana toa nai Damasikasi totonao, ma i Jerusalema, ma ana fanua i Judia ni sui bana, ma isana Jenetaele ki lau boo, keki akeletania manatada ma keki akele uria tha God, keki ilia si ra ne farana manata akele la.

Si do Aposela ki kera ilidaki 26:11

Ma nau ku ilia si do na sa kai faamanatai kera iada asi maṉa oro ki la biu ni ofu la ki ta si kula si ei, ku aṉasi sa kwai suuwanida keka bae ni fare toliṉi lana tha Jesus; ma uria nau ku rakeiri faamau urida, ku tona ilamatai kera uri la toaa susu ana fanua eeta ki mena.

Mathui 22:10

Mania toa ni ra eki kera lae kau uri la tala ki, keka ofua toa eki sui bana na kera fulatooda mai, toa taa bia toa lea: ma fafaṉa ana lumaa eri ka fuṉu ana imole na kera lae mai uri fafaṉa.

Mathui 10:14

Ma ni tei bana na kai lalakwee thathagoni kamulua mai, ma ka lalakwee roṉoa bae lamulua, si maṉa na muki lae kau faisia biu eri mado toaa susu eri, muki tagaraṉai nia gegeona theegano ana aemulua.

Luke 22:65

Ma tei do oro lau kera sorea i seena, keka faretoliṉia.

Mathui 21:43

Mania ku soree isamulua, Tooa tha God keki ṉalia faisi kamulua, ma keki falea ifana ta toa na keki fuṉu ana foee do ne farana.

Mathui 8:11

Ma nau ku soree isamulua, Toto toa oro keki too mai ibali tae lana thato ma ibali su lana thato, keki lae mai ma keki teoreri isatha Aberahamo, ma tha Aesaka, ma tha Jekofo, ana tooa i thalo:

I. Timothi 5:22

Osi alu fofoa ana abamu fafia ta wane, osi adomia lau boo toa ki ana abula taa la kera: beta suli oe oki thathaulia.

Mathui 21:41

Keka soree isana, Nia kai thaulabatania toa taa eri, ma kai faekwatania oolee faene eri ifana toa ni ra ana oolee faene eeta ki, toa na keki falea foee do ki ana unii faene eki.