Si do Aposela ki kera ilidaki 17:23 - Ṉa Alaofua Falu 1923 1949

²³ Sulaania si maṉa nau ku liliu, ma ku lio sulia si do eki na mulu foa ana thatada, ku fulatoona lau boo tee fulii era ni foa la kekeda la nai ni fafia, ANA ṈA GOD NA KESI THAITOOMANA. Mania nia na mulu faabaita si maṉa na mulu dora ani nia, nia boo neri na nau kwai fatai nia isamulua.

Si do Aposela ki kera ilidaki 17:23 Referans Kwoze

Jone 4:22

Kamulua muka foa ana thatana do na mulu dora ania: ni kamilia mika foa ana thatana ni nia na mili thaitoomana naa: uria marukia eri thafalia mai ana Ju ki.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 17:25

Maka kokoto ae, fanua nei iano e ai si thaitoomamu; nau ku thaitoomamu; ma toa nei ki kera thaitoomana no arasi nau mai;

I. Korinitha 1:21

Uria na sulaania ana liotooa tha God fanua nei iano ana liotooa nia i talaana e dora ania tha God, tha God e thathamia ana oewanea la si do na kera ṉata sulia kai faamarukia toa na kera fitoo.

Roma 1:28

Ma talafana na kera lalakwee thaitoomana tha God, alafana lau boo tha God e lukatai kera asi lio ne taa bonaa, keki ilia si do ne ai si kokoto ki;

Si do Aposela ki kera ilidaki 17:30

Mania si maṉa ba asi lio ni dora la ani nia ki tha God e doanita ania; ma sui si maṉa eri nia soree isana imole ki sui, ta si kula si ei, keka akeletania manatada:

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

I. Timothi 1:17

Ma Kiṉa eri ne to ladoa ne toto si fufuraa, ne to bana ma kesi riki nia, tha God na tee nia boo, keki fare baita ma keki fare inoto ani nia toto si sui. Emeni.

II. Thesalonika 2:4

Wane na kai suusia ma kai faabaita nia fafia si do ki sui bana na kera alaṉia ana God mado na kera faabaita; adedea kai ono i la biu baita tha God, kai fatai nia i talaana ’uria sa nia tha God.

Efesasi 2:12

Mulu toto eeta faisia tha Christ asi maṉa ba inao, toa Isirela kera lalakwatai kamulua, mulu toa eeta ki na kesi ṉata suli kamulua ana alaofua ba ki sulia alaṉaia eri, kamulua e ai amulua ta si do lea na muka manatatoo ṉado uria, ma tha God e ai faisi kamulua i fanua nei iano.

I. Korinitha 8:5

Uria na boro so tei do kera to bada na kera alaṉida ana god ki, mado i thalo mado i fanua nei iano; talafana lau boo god oro ki, ma lord oro ki kera to bada;

Jone 8:54

Tha Jesus e luuda, ka una eri, Mada sa kwa faainoto nau i talaaku, inotoa nau e ai si mamana: Maka nau ana na kai faainoto nau; nia na mulu alaṉia ana God kamulua;

Mathui 15:9

Keki tona faabaita nau, Keki to’oa si ṉata fifi imole ana kwaifamanatai la kera ki.

Fa Ṉu Abu ki 147:20

E a’i si ade una eri uria atona bana ta kulee toa lau: ma sulia si ṉataa fifi oolo nia ki, kera dora ana maalutana. Kamulua sui muka taṉoa tha Jihova.

Fa Ṉu Abu ki 50:21

O ade asi ade la una eki, ma ni nau ku bona bakua; manatamu so ni nau ku ’uri oe bonaa: ma sui ni nau kwai sore oe fafia, kwai tharaṉania inaofana maamu.