Si do Aposela ki kera ilidaki 16:25 - Ṉa Alaofua Falu 1923 1949

²⁵ Ma sui fuliṉana initoona rodo tha Polo ma tha Saelasi keko foa ma keko ṉulia fa ṉu ki isatha God, ma wane na kera suusidaki bi keroa keki roṉoa;

Si do Aposela ki kera ilidaki 16:25 Referans Kwoze

Jemesi 1:2

Manatamulua na do muki seethathala faamau ania, doora kera, si maṉa na muki tatha ana ilitooa oro ki;

Fa Ṉu Abu ki 119:62

I initoona rodo kwai tatae, fasi kwai sore lea iamu sulia si ṉataa fifi oe ki ne oolo ma kokoto.

Roma 5:3

Ma ana talitoona bana si do eri e ai, kulu seethathala ana taa la eki lau boo na kulu to ania: uria na kulu thaitoomana to la ana taa la kai ṉalia mai si lio ni susuu la;

Fa Ṉu Abu ki 77:6

Nau ku onotoona fa ṉu eri na ku ṉuṉulia afa rodo; nau ku tamani bia ruruuku italaaku; ma spirit nau e iro taiṉei.

Hibaru ki 5:7

Ma ni nia afa boṉi eki ne toto ana seena imole, si maṉa ne falea foa la ki ma ṉata fifi la ki ana foa la bia gagafu baita la ma kafona maana fani nia ne sukwai fasi kai oli fafi nia faisia maea, ma si maṉa na kera roṉoa ṉata lana maana fare baita la ne fare baita atha God,

Efesasi 5:19

Muki ṉata kwailiu isamulua ana ṉu ki, ana ṉu ana taṉo la ki, ma ṉu tha Spirit ki; muki ṉu ma ruumulua kai taṉoa ṉa Lord;

Kolose 1:24

Nau na ku seethathala i maalutana taa la eki na nau ku to ania uri kamulua, ma kwai faafuṉua ana seeku si do ne ai si fuṉu u ana taa la eki na tha Christ e to ania uria seena, na ṉa figua;

Roma 12:12

Muki seethathala ana manatatoo ṉado la uria si do lea ki; muki susuu ana taa la na muka to ania; muki seemabe ṉado ana foa la;

Fa Ṉu Abu ki 50:15

Moko ’ai thataku afa boṉi ana taa la; nau kwai faamaruki oe boo, ma ni oe oki bii faare inoto iaku.

Fa Ṉu Abu ki 71:7

Nau ku ’uria do ni kwele la ania ifana toa oro; ma sui si kula sukwai na nau kwai thaka uria na ni oe.

Fa Ṉu Abu ki 34:1

Nau kwai taṉoa tha Jihova sulia boṉi: ana fokoku kwai taṉoa thatana ta si maṉa si e’i boo.

I. Pita 4:14

Mada sa keka ṉata taa uri kamulua uria thatana tha Christ, kai lea iamulua; uria na Spirit ana inotoa na ṉa Spirit tha God ka to fafi kamulua: ṉi kera keka ṉata taa i seena, ma ni kamulua muka fare inoto ani nia.

Filifae 2:17

Iu, ma mada sa keki kiki nau ’uria waene fafia do ni foa la kamulua ma ra ana fitooa kamulua, nau kwai seethathala, ma kwai seethathala ofu bi kamulua sui:

II. Korinitha 6:10

Mala toa na mika liodila, ma mika seethathala ṉado; mala toa na misi rikii do, ma mili ilia na toa oro kera rikii do bada; mala toa ne ai amilia tei si do, ma amilia si do ki sui bana.

Si do Aposela ki kera ilidaki 5:41

Mania kera lae faisia ofu la eri ana seethathala la, uria na manatana tha God e thaitoomana na kera farana to la ana fare faekwa la uria Thatana.

Fa Ṉu Abu ki 119:55

Ku onotoona thatamu, Jihova ae, i la rodo, ku roo sulia lo oe.

Fa Ṉu Abu ki 42:8

Una ena mena, tha Jihova kai soree isana ade lea lana kai fula mai afa thato, mafa rodo fa ṉu nia eri kai ni isaku, foa la neri isana ṉa God ana marukia nau.

Luke 22:44

Ma uria ne taa faamau iana nia ka bii foa fifi: ma iidana ka ’uria naa kwakwee abu baita ki kai asia i theegano.

Fa Ṉu Abu ki 91:15

Nia kai ’ai thataku, ma ni nau kwai luu nia; nau kwai to bi nia asi maṉa ana taa la: kwai faamaruki nia, kwai faabaita nia.

Fa Ṉu Abu ki 77:2

Afa boṉi ana taa la ne thauṉi nau na ba nau ku rofe uria Arai Lo: ku tekwasia abaku i la rodo, kwasi dadaola faisia; maṉoku e lalakwa sa keka faainamarukia.

Jemesi 5:13

Ta wane i maalutamulua e to ana taa la? wane eri kai foa. Ta wane ka seethathala? wane eri kai kwaia fa ṉu ana taṉo lana tha God.

Fa Ṉu Abu ki 22:2

God nau ’ae, nau ku ’ai kau afa thato, ma ni oe osi roṉoi; mafa rodo lau boo, e a’i kwasi bona.

Si do Aposela ki kera ilidaki 15:22

Sui manatana aposela ki ma ulunao ki, ma figua eri sui boo, ne lea keki talisia tai wane iada, keki arasida uri Adioko bia tha Polo ma tha Banabasi; tha Judasi neri na kera alaṉia atha Basabasi, ma tha Saelasi, ro wane ana toa na kera tatha inaona baree wai doorana eki:

Si do Aposela ki kera ilidaki 16:19

Sui si maṉa na wane inoto nia ki kera rikia do eri na kera manatatoo ṉado uria fasi keka todamalefo ania e lae nana, keka aba tha Polo ma tha Saelasi, keka aba keroa uria si kula ni usi la iei inaofana wane gwauwai ki,

Si do Aposela ki kera ilidaki 16:33

Ma nia talaidaroa asi kadee rodo eri boo, ka taua aliliboa la keroa ba ki; ma keko babataesi nia, bia toa nia ki sui bana, si maṉa eri u boo.