Si do Aposela ki kera ilidaki 16:15 - Ṉa Alaofua Falu 1923 1949

¹⁵ Ma buriana na kera babataesi nia, bia toa na ana maafera nia, nia ṉata kwaitakoi isamilia, ka una eri, Mada sa manatamulua na nau ku fitoona mamana ṉa Lord, muki kotho mai i maafera nau, ma muki to iei. Ma nia suuwai kamilia uria.

Si do Aposela ki kera ilidaki 16:15 Referans Kwoze

Si do Aposela ki kera ilidaki 11:14

Wane na kai faaroṉo oe asi baea, na keki faamaruki oe ania, oe bia toa eki sui boo ana maafera oe.

Hibaru ki 13:2

Musi lilio dora ana fatai lana liothau la uria toa kwaita ki: sulaania asi kula eri tei toa kera thathagonia mai angel ki si maṉa na kesi thaitoomana.

Si do Aposela ki kera ilidaki 16:33

Ma nia talaidaroa asi kadee rodo eri boo, ka taua aliliboa la keroa ba ki; ma keko babataesi nia, bia toa nia ki sui bana, si maṉa eri u boo.

Luke 24:29

Ma kero rata iana, keko una eri, Oki to bi kamarea: uria na kai thaulafia, ma thato e lio folo naa. Ma nia ka kotho fasi kai to bidaroa.

GENESIS 19:3

Ma nia ka suwanidaroa faamau, sui keko akele mai isana, keko kotho i maafera nia; ma nia ka thasi faṉa ifadaroa, ka biia ta si berede e a’i ta lefena iei, ma keko rere adaroa.

III. Jone 1:8

Mania e kokoto na kuki thathagonia mai toa una eki, fasi kuki ra ofu bia mamana la eri.

III. Jone 1:5

Wane liliothaua nau, ra mamana no ilia asi do ki sui bana no ilidaki ifana toa na doorakulua ki ma toa kwaita ki lau boo;

I. Pita 5:12

Atha Silafenasi, doora mamana kamulua (manataku neri), ku kekeda ṉuṉuru kau isamulua, ku soree isamulua, ma ku faamamanea si do na nau ku thaitoomana, na lea la mamana tha God neri: muki takwe ṉado ania.

Faelimone 1:17

Mania mada so alaṉi nau ana wane na ku ado bi oe, oki thathagoni nia ’uria sa ni nau i talaaku.

Filifae 1:7

Ma si do kokoto neri na manataku kai una eri uri kamulua sui, uria na mulu to ana ruruuku, sulaania, ana kani la na kera kani nau ania, ma ana luu lana si do na kera alaṉia si faaroṉoa lea ania, ma ana faaṉado lana, kamulua sui boo mulu ṉalia lau boo ta si ana lea la na ni nau ku ṉalia.

Efesasi 1:1

Polo, aposela tha Jesus Christ sulia si do na tha God e thathamia, isana toa abu eki nai Efesasi, ma toa mamana eki atha Christ Jesus:

Galesia 6:10

Mania, asi maṉa ne to u ifakulua, kuki ilia si do ne lea uria wane ki sui boo, ma uria toa eki u boo ana baree wela eri asi do na kulu fitoona.

II. Korinitha 12:11

Nau ku oewanea naa ana faabaita laku i talaaku: kamulua mulu suuwai nau ania; uria do kokoto sa ni kamulua muki ṉata suli nau: sulaania nau kwasi aru buri ana toa na kera inoto ka tatha i maalutana aposela ki, boro so ni nau tonee do ni mena.

II. Korinitha 5:14

Sulaania liothau la tha Christ ka suuwai kamilia; uria na manatamilia e unei, na tee nonii Wane e mae uria toa ni sui bana, mania toa eri sui bana kera mae bonaa;

Roma 16:23

Gaiasi, wane ne thathagoni nau uria toaa nia, me ade una eri uria figua eri sui boo, e thathamia kwai ṉata isamulua ’uria sa ni nia kai ṉata. Tha Erasitasi, wane na kera takofalea ogogonia toaa susu nai i abana, e thathamia kwai ṉata una eri isamulua fani nia, ma doorakulua eri tha Kotasi.

II. Jone 1:10

Mada sa ta wane kai fula isamu, ma ka ai si ṉalia mai kwaifamanatai la eri, osi thathagoni nia mai i maafera oe, ma osi ṉata ana lea la uri nia:

Si do Aposela ki kera ilidaki 18:8

Ma tha Kirisipasi, wane gwauwai ana biu ni ofu la eri, ka fitoona ṉa Lord bia toa eki sui boo nai maafera nia; ma toa oro ana toa i Korinitha kera roṉoa, keka fitoo, ma kera babataesida.

Si do Aposela ki kera ilidaki 8:38

Ma nia ka sorea do hosi kai aba kai takwe ṉado: ma keroa keko sifo uri la kafo, tha Filifi ma aufasu eri lau boo; ma nia ka babataesi nia.

Si do Aposela ki kera ilidaki 8:12

Ma si maṉa na kera fitoona ṉata lana tha Filifi ne ṉata sulia si faaroṉoa lea sulia tooa tha God ma thatana tha Jesus Christ, kera babataesida, wane ki ma kini ki lau boo.

Luke 14:23

Ma wane inoto eri ka soree isana wane ni ra eri, Lae sula tala ana toaa faekwa ki ma i buira lakali ki, ma oki suuwai kera keka lae mai, fasi biu nau kai fuṉu.

Mathui 10:41

Wane na kai thathagonia ta porofeta sulia nia ṉa porofeta toto kai ṉalia kwaiara porofeta; ma wane na kai thathagonia wane kokoto sulia nia wane kokoto kai ṉalia kwaiara wane kokoto.

GENESIS 33:11

Nau ku thathamia oki ṉalia boo si do ku tona falea na kera talaia mai isamu neri; uria na tha God e thasi lea ana kwaiofei la nia uri nau, ma ni nau kwa rikia si do ki sui bana. Ma nia ka gwafea, sui wane eri ka ṉalia.

Mathui 3:6

Ma nia e babataesi kera i la kafo i Jodana, keka faaroṉo ana abula taa la kera ki.

Si do Aposela ki kera ilidaki 16:31

Ma keko sorea, Oki fitoona tha Lord Jesus Christ, ma keki faamaruki oe, oe bia toa i maafera oe.

Si do Aposela ki kera ilidaki 16:34

Ma buriana ne talaidaroa uri maafera nia, nia ka tharaṉania tatafe ni faṉa la ifadaroa, ka seethathala faamau uria ne fitoona tha God, bia toa eki sui boo ana maafera nia.