Si do Aposela ki kera ilidaki 15:9 - Ṉa Alaofua Falu 1923 1949

⁹ Ma nia e ai si adea ’uria sa kera eeta faisi kulu, ka faafalua ruruuda ana fitooa.

Si do Aposela ki kera ilidaki 15:9 Referans Kwoze

Efesasi 3:6

Ma si do eri nai nia, Jenetaele ki keki fulatoona si do lea ki ofu bi kamilia, ma kera lau boo si do ki na ana seedo eri, ma keki ṉalia ofu bi kamilia ta si ana alaṉaia eri atha Christ sulia si faaroṉoa lea,

Si do Aposela ki kera ilidaki 10:28

Ma nia ka soree isada, Kamulua mulu tala thaitoomana na kera lufia wane ne Ju e ai si to isata wane ata toa eeta ma ka ai si lae isana; ma sui tha God e fatai nia isaku ne ai si lea kwai alaṉia atona bana ta wane ana do ne ai si lea mado ne sua:

Kolose 3:11

Kula ne ai ta wane i Girisi ma ka ai ta Ju, e ai ta kwai kakali la ma ka ai ta toa kesi kwai kalida, e ai ta wane ṉata lane eeta, ma ka ai ta Sithiana, e ai ta wane na kai tona ra, ma ka ai ta wane na kai tona to: tha Christ na ṉa do ki sui bana, ma ka ni ana toa eki sui boo.

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

I. Korinitha 1:2

Isana figua tha God nai Korinitha, toa na kera faaabu kamulua atha Christ Jesus, na kera aili kamulua muki toa abu, bia toa eki sui boo i fanua ni sui bana na kera ’ai thatana tha Jesus Christ, ne Lord kera ma Lord kulu lau boo:

Roma 3:22

Kokoto la ne ita mai atha God ana fitoona lana tha Jesus Christ neri, ifana toa eki sui boo na kera fitoo; uria ne ai kesi eeta kwailiu;

Si do Aposela ki kera ilidaki 11:12

Ma tha Spirit e soree isaku kwa lae bida, manataku si rurua. Ma ono doorakulua nai ki kera lae lau boo bi nau; ma mili kotho i biu wane eri:

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

Si do Aposela ki kera ilidaki 10:34

Ma tha Pita e ifinia fokona, ka sorea, Ku rikia mamana na tha God e rikia imole e totoo boo:

I. Korinitha 7:18

Kera ailia mai ta wane na kera kwai kali nia inao? sa nia kai ’uria wane na kesi kwai kali nia e ai. Kera ailia mai ta wane ne ai kesi kwai kali nia inao? wane eri sa keka kwai kali nia iburi ka ai lau boo.

Roma 9:24

Ni kulu neri, ne aili kulu lau bomai, faisia talitoona bana Ju ki e ai, faisia Jenetaele ki lau boo?

Roma 3:9

Ma ṉa ta ni lau? kamilia lea ka tatha ani kera? E ai dodoloa: uria na mili bii alaṉia Ju ki ma toa i Girisi ki asi do eri, na kera sui boo kera to ana abula taa la;

Si do Aposela ki kera ilidaki 14:27

Ma lalae kero fula, keko bii ailia mai figua eri, keko uunu sulia si do eki sui bana na tha God e ilia ani keroa, me ifinia maethaka ana fitooa ifana Jenetaele ki.

Si do Aposela ki kera ilidaki 14:1

Ma lalae mai i Ikoniama, kero kotho ofu i la biu ni ofu la Ju ki, keko ṉata, adedea malului wane ana Ju ki bia toa i Girisi ki lau boo keka fitoo.

Si do Aposela ki kera ilidaki 10:15

Ma liṉana si ṉata la ruana lau ka fula isana, Si do na tha God e faafalua naa, osi alaṉia asi do ne ai si lea.

Fa Ṉu Abu ki 51:10

Oko thauwai nia do faalu i la ruruuku, God ae; oko adea spirit nau kai kokoto lau bana.