Si do Aposela ki kera ilidaki 14:2 - Ṉa Alaofua Falu 1923 1949

² Ma sui Ju eki na kesi fitoo keka faasurake ana Jenetaele ki, manatada ka esia baree wai doorana eki.

Si do Aposela ki kera ilidaki 14:2 Referans Kwoze

Si do Aposela ki kera ilidaki 13:50

Ma sui Ju ki kera faasurake ana kini inoto na kera faabaita tha God ki, ma wane inoto ki ana toaa susu eri, keka areda uria tona ilamatai lana tha Polo ma tha Banabasi, keka taridaroa i thara faisia oli lana fanua kera.

Si do Aposela ki kera ilidaki 17:5

Ma sui Ju na kesi fitoo ki, uria na uga la e fa’ara kera, keka ofua tei wane taa ana maalutana wane ki isada, keka ailia mai ofu la baita, keka faaseesula i la toaa susu eri; keka alasia biu tha Jasono, manatada sa keki abadaroa mai isana toa eki.

Si do Aposela ki kera ilidaki 14:19

Ma sui Ju ana Adioko ma Ikoniama ki kera fula mai: kere gaea toa oro eki, keka ufauna tha Polo, keka tara i thara faisia toaa susu eri, manatada sa nia mae naa.

Si do Aposela ki kera ilidaki 13:45

Ma si maṉa na Ju ki kera rikia malului wane eki, keka fuṉu ana uga la, keka aea si do na tha Polo kai soredaki, keka bae asi baea ni faretoliṉi lana tha God.

Si do Aposela ki kera ilidaki 17:13

Ma si maṉa Ju nai Thesalonika ki kilu thaitoomana na tha Polo ka ṉata sulia bae lana tha God i Berea, kiku lae lau boo uria si kula eri, kiku faasurake ana malului wane eki.

Si do Aposela ki kera ilidaki 18:12

Ma si maṉa na toa i Roma kera alua tha Galio kai inoto ana Akaia, Ju ki kera tae ana tee si lio, keka firu bia tha Polo, keka talaia inaona do ni ono la wane ni kotu eri,

Jone 3:36

Wane na kai fitoona ṉa Kaluwane ana marukia tatha; ma wane ne ai si ade sulia ṉa Kaluwane toto si rikia marukia, ma rakeiria tha God kai to bana fafi nia.

Si do Aposela ki kera ilidaki 1:15

Ma afa boṉi eki tha Pita e takwe ia i maalutana baree wai doorana eki, ka sorea (ma malului wane kera figu mai, fuliṉana tee taleṉee imole ma ro akwala).

Si do Aposela ki kera ilidaki 14:4

Ma toa eki sui bana i la toaa susu eri kera to ana ro si lio; ta bali keka bira fafia Ju ki, ma ta bali keka bira fafia ro aposela eki.

Si do Aposela ki kera ilidaki 14:5

Ma si maṉa na Jenetaele ki ma Ju ki lau boo bia wane gwauwai kera ki kera alasi keroa, fasi keki fare taa iadaroa, ma keki ufaudaroa,

I. Thesalonika 2:14

Uria ni kamulua, doora kera, mulu ade ’uria ade la na mulu rikia ana figua tha God nai Judia ki na ni atha Christ Jesus: uria ni kamulua lau boo mulu to ana taa la ana kulee toa kamulua ki, ’uria ni kera ana Ju ki;