Si do Aposela ki kera ilidaki 14:1 - Ṉa Alaofua Falu 1923 1949

¹ Ma lalae mai i Ikoniama, kero kotho ofu i la biu ni ofu la Ju ki, keko ṉata, adedea malului wane ana Ju ki bia toa i Girisi ki lau boo keka fitoo.

Si do Aposela ki kera ilidaki 14:1 Referans Kwoze

Si do Aposela ki kera ilidaki 18:4

Ma nia kwaifamanatai la biu ni ofu la afa boṉi mamaloa ki, ta fa boṉi si ei, ka thathamii bulasia ruruuna Ju ki ma toa i Girisi ki.

Si do Aposela ki kera ilidaki 13:51

Sui ni keroa keko tagaraṉai nia gegeona theegano faisia aaedaroa uri kera, lae keko fula i Ikoniama.

Si do Aposela ki kera ilidaki 13:46

Ma tha Polo bia tha Banabasi kero ṉata seeraa, keko sorea, Do kera ilia e ai si ei boo, keka faaroṉo kamulua totonao ana bae lana tha God. Ma sui uria na mulu usutania faisi kamulua, manatamulua na musi farana marukia tatha, lio fasi, meki akele uria Jenetaele ki.

Si do Aposela ki kera ilidaki 14:21

Ma buriana na kero ṉata sulia si faaroṉoa lea isana toaa susu eri, ma keko tolea toa oro iburiatha Jesus, keko oli lau uri Lisitara, ma Ikoniama, ma Adioko.

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

Roma 10:12

Sulaania ṉa Ju e ai si eeta faisia wane i Girisi: uria tee Lord eri boo ne inoto ani kera sui, ka rikii do ifana toa eki sui boo na keki ’ai thatana:

Roma 1:16

Sulaania e ai kwasi seenoni asi faaroṉoa lea tha Christ: uria sukwaia tha God ana marukia neri fani tei na kai fitoo; ṉa Ju totonao, ma ṉa wane i Girisi ni lau boo.

Si do Aposela ki kera ilidaki 19:17

Ma si ade la eri e fula i aliṉana toa nai Efesasi ki sui bana, Ju ki ma toa i Girisi ki lau boo; ma mau la e toe kera sui, ma kera faainotoa thatana tha Lord Jesus.

Si do Aposela ki kera ilidaki 19:8

Ma nia kotho i la biu ni ofu la, ma ka ṉata seeraa sulia ulu madami, ka kwaifamanatai ma ka thathamii bulasia ruruuda uria si do sulia tooa tha God ki.

Si do Aposela ki kera ilidaki 18:8

Ma tha Kirisipasi, wane gwauwai ana biu ni ofu la eri, ka fitoona ṉa Lord bia toa eki sui boo nai maafera nia; ma toa oro ana toa i Korinitha kera roṉoa, keka fitoo, ma kera babataesida.

Si do Aposela ki kera ilidaki 17:12

Mania toa oro iada keka fitoo; ma toa oro ana kini inoto i Girisi ki, ma wane ki lau boo.

Si do Aposela ki kera ilidaki 17:4

Ma tei toa iada kera ala fafia ṉata lana, keka abetai nia tha Polo ma tha Saelasi; ma malului wane ana toa i Girisi na kera faabaita tha God ki, ma toa oro ana kini inoto ki.

Si do Aposela ki kera ilidaki 13:43

Sui si maṉa na ofu la eri e sui, toa oro ana Ju ki ma Jenetaele na kera ade mala Ju ki ma kera faabaita tha God, keka lae iburiatha Polo ma tha Banabasi: na keko ṉata isada, keko faaroṉo fifi ani kera keka to ṉado ana lea la tha God.

Si do Aposela ki kera ilidaki 11:21

Ma abana tha Lord e to bida: ma toa ooro ka oro kera fitoo ma keka akele uria ṉa Lord.

Si do Aposela ki kera ilidaki 9:20

Ma si maṉa eri u boo nia ka ṉata sulia tha Christ i lala biu ni ofu la eki, na nia Kaluwane tha God.

Si do Aposela ki kera ilidaki 21:28

Keka ’ai faamau, keka una eri, Wane Isirela ki, muki kwaiadomi: Wane eri nania, ne to’oa isana toa na fanua, ta si kula si ei, keki fare faekwa ana toa nai, ma ṉa lo, ma si kula eri: ma sui lau boo nia talaia toa i Girisi ki uri la biu baita tha God, me faasua kula ne abu nania.

Si do Aposela ki kera ilidaki 20:21

Ku faamamanea isana Ju ki ma toa i Girisi lau boo si do nau ku thaitoomana sulia manata akele la uria tha God, ma fitooa uria Lord kulu tha Jesus Christ.

Si do Aposela ki kera ilidaki 17:17

Mania e kwaifamanatai la biu ni ofu la isana Ju ki ma toa na kera faabaita tha God ki, ma asi kula ni usi la iei sulia boṉi isana toa na kera toda ania.

Si do Aposela ki kera ilidaki 16:1

Ma nia fula i Debe ma Lisitara: ma rikia fasi, tee nonii wane na tha Jesus e tole nia ni kula eri, thatana tha Timothiasi, kaluwane tee kini Ju ne fitoo; ma maka nia ṉa wane i Girisi.

Si do Aposela ki kera ilidaki 14:2

Ma sui Ju eki na kesi fitoo keka faasurake ana Jenetaele ki, manatada ka esia baree wai doorana eki.

Si do Aposela ki kera ilidaki 13:5

Ma lalae keka ni Salamisi, kera faaroṉo ania bae lana tha God i la biu ni ofu la ki ana Ju ki: ma adaroa tha Jone lau boo wane ni ra keroa.

Jone 12:20

Ma tei toa i Girisi kera lae bia toa na kera tae uria foa la isana fafaṉa eri:

Jone 7:35

Mania Ju ki kera ṉata kwailiu uri kera, keka una eri, Ma ṉa wane nei kai lae urifei fasi kulu kusi rofetoona? kai lae isana toa na kera lae tataka i maalutana Jenetaele ki, kai kwaifamanatai isana Jenetaele ki?

Kolose 3:11

Kula ne ai ta wane i Girisi ma ka ai ta Ju, e ai ta kwai kakali la ma ka ai ta toa kesi kwai kalida, e ai ta wane ṉata lane eeta, ma ka ai ta Sithiana, e ai ta wane na kai tona ra, ma ka ai ta wane na kai tona to: tha Christ na ṉa do ki sui bana, ma ka ni ana toa eki sui boo.

Galesia 2:3

Ma tha Taetasi mena ne lae bi nau, na wane i Girisi, kesi suuwai nia keki kwai kali nia:

Si do Aposela ki kera ilidaki 19:10

Ma nia ade una eri sulia ro fa ṉali; adedea toa nai Asia sui boo kera roṉoa bae lana tha Lord Jesus, Ju ki ma toa i Girisi ki lau boo.

Mako 7:26

Ma kini eri ṉa ai Girisi, ana toa i Saerofenisi. Ma nia ka ṉata kwaitakoi, ka sorea sa nia kai arasia spirit taa eri faisia thari nia.

Si do Aposela ki kera ilidaki 2:47

Keka taṉoa tha God, ma toa eki sui bana kera ala fafida. Ma tha Lord e safua figua eri sulia boṉi ana toa na kera faamarukida mai.

Si do Aposela ki kera ilidaki 14:19

Ma sui Ju ana Adioko ma Ikoniama ki kera fula mai: kere gaea toa oro eki, keka ufauna tha Polo, keka tara i thara faisia toaa susu eri, manatada sa nia mae naa.

Si do Aposela ki kera ilidaki 16:2

Ma wane eri baree wai doorana nai Lisitara ma i Ikoniama kera ṉata lea sulia.

II. Timothi 3:11

Ana ila la na kera tona ilamatai nau ania, ana taa la nau ku to ania; asi do ba ne uri nau i Adioko, ma i Ikoniama, ma i Lisitara; ana ila la ba ki ku susuu ania: ma faisia si do eki sui boo ṉa Lord e faamaruki nau.