Si do Aposela ki kera ilidaki 13:48 - Ṉa Alaofua Falu 1923 1949

⁴⁸ Ma si maṉa na Jenetaele ki kera roṉoa si do eri, kera seethathala, keka faainotoa bae lana ṉa Lord: ma toa eki sui bana na kera filida ana marukia tatha keka fitoo.

Si do Aposela ki kera ilidaki 13:48 Referans Kwoze

Efesasi 1:4

’Uria lau boo e fili kulu ani nia si maṉa na kesi boa u fanua nei iano, fasi kuki abu ma kuki dodoloa inaofana ana liothau la:

Roma 11:7

Si ta ni lau? Si do Isirela e rofe uria, e ai si fulatoona; toa eki ne filida kera fulatoona boo, ma kera faarorodoa maana oroṉana toa:

Jone 10:16

Ma nau akua tei sifi lau, na kesi to i la thakali nei: kera lau boo kwai tolea mai e ai si ei boo, ma keki roṉoa liṉana ṉata laku; ma toto keki ofu ana tee aini sifi, ma tee wane ni fono toi la kalida.

Jone 11:52

Ma talitoona uria kulee toa eri e ai, fasi kai ofua lau boo ana tee si do wela tha God ki na kera foatata anida.

Efesasi 1:19

Ma sukwaia nia eri ne baita asia naa uri kulu na kulu fitoo, alafana si ra eri ana sukwaia inoto nia

Si do Aposela ki kera ilidaki 2:41

Sui toa na kera faamamanea bae lana ana seethathala la, kera babataesida: ma afa boṉi eri kera safua figua eri ana fuliṉana ulu tooni imole ki.

Si do Aposela ki kera ilidaki 22:10

Ma nau ku sorea, Si ta na kwai ilia, Lord? Ma ṉa Lord ka soree isaku, Oki tatae, oki lae uri Damasikasi: ma kula eri naa, keki bii faaroṉo oe asi do ki sui bana na kera alua maakwali oe oki ilia.

Luke 7:8

Uria ni nau lau boo kera alu nau keka inoto iaku, ku inoto ana toa ana firua: ma ku soree isana wane nei, Lae, ma nia kai lae; ma ku soree isata wane lau, Lae mai, ma nia kai lae mai; ma ku soree isana wane ni ra nau, Ilia si do nei, ma nia kai ilia.

Roma 13:1

Kamulua sui muki roo sulia toa gwauwai ki: sulaania e ai ta do gwauwai si to lau, talitoona bana si do eki ne ita mai atha God; ma toa eki na kera gwauwai asi maṉa eri tha God e faainotoda.

Si do Aposela ki kera ilidaki 28:23

Ma buriana na kera gwalua tee fa boṉi ifana, toa oro iada keka ofu mai isana i la biu ne to mai iei; ma nia fatai nia maalutana kwaifamanatai la eri, ka faamamanea si do ne thaitoomana sulia tooa tha God, ma ka ṉata sulia tha Jesus ana ṉa lo tha Mosesi ma ana porofeta ba ki, fasi kai bulasia ruruuda, too i uusuwadia ka ṉaṉata fanua ka rodo.

Si do Aposela ki kera ilidaki 2:47

Keka taṉoa tha God, ma toa eki sui bana kera ala fafida. Ma tha Lord e safua figua eri sulia boṉi ana toa na kera faamarukida mai.

Si do Aposela ki kera ilidaki 20:13

Ma ni kamilia mili lae inao uri la faka, mika lae uri Asoso, manatamilia na miki ṉalia tha Polo iei: uria si do ne sorea neri, manatana na nia kai lae tala i tolo.

Mathui 28:16

Sui akwala eri ma tee wane ne toleda kera lae uri Galili, uri gwa tolo eri na tha Jesus e gwalua u boo isada.

Fa Ṉu Abu ki 138:2

Nau kwai lio uria biu baita oe ne abu, ma kwai foa, kwai sore lea ana thatamu sulia ade lea lamu ma mamana lamu: uria no faabaitaa bae lamu ka tatha ana thatamu sui boo.

II. Thesalonika 3:1

Si do iisi, doora kera, muki foa uri kamilia, fasi bae lana ṉa Lord kai lae fofoa ma fasi keki faainotoa, ’uria lau boo i maalutamulua;

I. Korinitha 16:15

Nau ku ṉata kwaitakoi, ku soree isamulua, doora kera (mulu thaitoomana toa i maafera tha Sitefanasi, na kera foee do totonao ki i Akaia, ma kera alua manatada ana tee si lio keka ra ṉado ifana toa na kera abu),

Si do Aposela ki kera ilidaki 15:31

Ma buriana na kilu teemai nia e sui, kiku bii seethathala uria si do eri ne faalea manatada.

Si do Aposela ki kera ilidaki 15:2

Ma si maṉa na tha Polo ma tha Banabasi kero ṉata ni firua faamau ma keko oli susuu bia toa eki, manatana baree wai doorana na tha Polo ma tha Banabasi, bia tei wane iada lau boo, keki tae uri Jerusalema isana aposela ki ma ulunao ki uria si do eri na kera oli susuu fafia.

Si do Aposela ki kera ilidaki 13:42

Ma si maṉa na Ju ki kera kotho i maa faisia biu ni ofu la eri, Jenetaele ki keka ṉata kwaitakoi keka sorea sa si baea eri keko ṉata sulia isada afa boṉi mamaloa iburi.

Si do Aposela ki kera ilidaki 8:8

Ma seethathala la baita ka ni ana toaa susu eri.

Mathui 25:46

Ma toa eki keki lae kau ana kwae la na kai to tatha: ma toa na kera kokoto keki to ana marukia tatha.

Si do Aposela ki kera ilidaki 13:12

Sui wane eri na toa i Roma kera alua ka inoto, si maṉa ne rikia si do na kera ilia, ka fitoo, urea ne kwele ana kwaifamanatai la ṉa Lord.

Roma 8:28

Ma kulu thaitoomana na si do ki sui bana ka ra ofu uria lea la ifana toa na kera liothau atha God, toa eki na kera ailida mai sulia si do manatana e thathamii ilia.

Efesasi 1:5

Uria ne too kulu u boo totonao kuki fulatoona thathagoni lakulua la isana kuki kaluwane nia ki atha Jesus Christ, sulia si thathami la lea nia,

Efesasi 1:11

Wane eri lau boo na mika inamaruki ani nia asi do miki fulatoona, uria na kera alu kamilia ania u mai inao sulia si do ni nia e thathamii ilia ne ilia si do ki sui bana sulia si do manatane thathamia;