Si do Aposela ki kera ilidaki 13:39 - Ṉa Alaofua Falu 1923 1949

³⁹ Ma ani nia ni tei na kai fitoo kera ala fafia kokoto lana asi do ki sui bana, na ṉa lo tha Mosesi e ai si sukwai fasi kai ala fafia kokoto lamulua ania.

Si do Aposela ki kera ilidaki 13:39 Referans Kwoze

Galesia 2:16

Una ena mena, uria na mili thaitoomana kesi ala fafia kokoto lana ta wane maana si ra ana ṉa lo ki, talitoona bana ana fitoona lana tha Jesus Christ, ni kamilia mena mili fitoona tha Jesus Christ, fasi keki ala fafia kokoto la kamilia ana fitoona lana tha Christ, ma asi ra ana ṉa lo ki ka ai: sulaania asi ra eki ana ṉa lo kesi ala fafia kokoto la ta imole.

Roma 10:4

Sulaania tha Christ gwauna ṉa lo ana kokoto la fani tei na kai fitoo.

Roma 8:3

Uria si do na ṉa lo e dora ania ili lana, uria ne feda sulia see imole, tha God, uria ne arasia mai Kaluwane nia i talaana sulia nuna see imole ne abula taa ṉado, ma ana do ni foa la uria abula taa la, e sorea kwae lana abula taa la i see imole:

Hibaru ki 7:19

(Sulaania ṉa lo e ai si faasukwai teefau ana ta si do), ma kera bii ṉalia mai do lea ka tatha na kulu manatatoo ṉado uria, si do na kulu idu karaṉia tha God ania neri.

Roma 10:10

Uria imole kai fitoo ana ruruuna kai fulatoona kokoto la; kai faamamanea ana fokona kai fulatoona marukia.

Roma 8:1

Mania si maṉa eri e ai kesi sorea kwae lana toa eki na ni atha Christ Jesus, na kera abula sulia see imole e ai, sulia tha Spirit.

Roma 4:15

Uria ṉa lo ka ṉalia mai rakeiria; ma si maṉa ne ai ta lo, e ai lau boo ta ade garo la faisia.

Roma 3:19

Kulu thaitoomana boo na si do ki sui bana ṉa lo e sorea, e ṉata isana toa eki na kere ni fara ṉa lo; fasi keki faabona fokoe imole ki sui bana, ma keki ofua toa na fanua nei iano ki sui bana keki to ifara si do na tha God na Wane ni Kotu kai sorea:

Roma 5:20

Ma ṉa lo e lae lau bomai, fasi ade garo la eri kai oro alaa; ma asi kula na abula taa la e oro alaa, lea la e oro faamau ka tatha:

Roma 5:9

Sui si maṉa eri na kera ala fafia kokoto la kulu uria abuna, e kwaiakaori ka tatha na keki faamaruki kulu faisia rakeiria eri ani nia.

Jone 1:17

Uria na kera falea ṉa lo atha Mosesi kai falea; lea la ma mamana la ka lae mai atha Jesus Christ.

Hibaru ki 10:11

Ma ni tei ne wane ni foa, ka takwe bana sulia boṉi, kai ra, ma ka falea asi maṉa oro do ni foa la ki ne ’uria do ni foa la totonao ki, si do ne ai dodoloa sa ka faaaia abula taa la ki:

Hibaru ki 10:4

Uria na do afetai ka tatha sa abuna buloka ki ma gota ki ka faaaia abula taa la ki.

Roma 5:1

Mania uria na kera ala fafia kokoto la kulu uria fitooa, kulu kwaimani bia tha God ana Lord kulu tha Jesus Christ;

Roma 4:24

Uri kulu lau boo, na keki alua si do eri ifakulua, toa na kulu fitoona ni nia ne tataea tha Jesus na Lord kulu faisia toa mae ki,

Si do Aposela ki kera ilidaki 10:43

Porofeta eki sui boo keka faamamanea si do na kera thaitoomana suli nia, na ni tei bana na kai fitoona keki doanita ana abula taa la nia ki ana thatana.

Fa Ṉu Abu ki 143:2

Ada oko ṉata sulia wane ni ra oe nei asi ṉataa fifi oolo oe ki; uria na atona bana ta wane na kai maruki i fanua na i iano, soko ala fafia kokoto lana inaofana maamu e a’i.

Galesia 5:3

Iu, nau ku faamamanea lau si do nau ku thaitoomana isana atona bana ta wane na keki kwai kakali ani nia, na wane eri keki suuwai nia kai ilia si do eki sui bana na ṉa lo e sorea.

Galesia 3:8

Ma kekeda la abu eri, ne thaitoomana totonao na tha God kai ala fafia kokoto la Jenetaele ki uria fitooa, e ṉata totonao sulia si faaroṉoa lea isatha Aberahamo, ka una eri, Keki alua lea la ifana kulee toa ni sui bana ani oe.

Galesia 2:19

Sulaania ana ṉa lo ku mae naa faisia ṉa lo, fasi kwai maruki ifatha God.

I. Korinitha 6:11

Ma tei toa iamulua mulu una eri inao: ma sui kera faasiufi kamulua, ma sui kera faaabu kamulua, ma sui kera ala fafia kokoto la kamulua, ana thatana tha Lord Jesus, ma ana Spirit God kulu.

Roma 9:31

Isirela molo, na kera tari buriana lo ana kokoto la, kesi fulatoona lo eri.

Jone 5:24

Mamana, mamana, ku soree isamulua, Wane na kai roṉoa bae laku, ma kai fitoona nia ne arasi nau mai, ana marukia tatha, ma Wane ni Kotu toto ka ai si ṉata suli nia, me tatha naa faisia maea uria marukia.

Luke 18:14

Nau ku soree isamulua, Wane eri e sifo uri biu nia kera sorea nia kokoto, ma ruana wane e ai: uria ni tei na kai tala faainoto nia i talaana keki faafaekwa nia; ma wane na kai tala faafaekwa nia i talaana keki faainoto nia.

Luke 10:28

Ma nia ka soree isana, O luua ka too: oki ilia si do eki, ma oko maruki.

Luke 10:25

Ma rikia fasi, tee nonii wane ni kwaifamanatai ana ṉa lo e tatae ia kai ilitoona, ka una eri, Wane ni kwaifamanatai ae, si ta na kwai ilia fasi kwai fulatoona marukia tatha?

Roma 3:20

Mania maana si ra ana ṉa lo ki kesi ala fafia kokoto lana ta imole inaofana: sulaania ana ṉa lo kera thaitoomana abula taa la.