Si do Aposela ki kera ilidaki 13:2 - Ṉa Alaofua Falu 1923 1949

² Ma si maṉa na kera ra ifana ṉa Lord, ma kera abu ana faṉa la, tha Spirit Abu e sorea, Muki filia tha Banabasi ma tha Solo ifaku asi ra na nau ku ailida mai uria.

Si do Aposela ki kera ilidaki 13:2 Referans Kwoze

Galesia 1:15

Sui si maṉa na tha God, ne fili nau ania, ita mai asi maṉa ku fula mai ana rakena thainaku, me aili nau mai ana lea la nia,

Si do Aposela ki kera ilidaki 9:15

Ma ṉa Lord ka soree isana, Oki lae amua: uria nia do ni taiṉei la na nau ku filia ifaku, fasi kai ṉalia thataku inaofana Jenetaele ki ma kiṉa ki, ma kwalafa tha Isirela:

II. Timothi 1:11

Na kera alu nau nau wane ni ṉata la sulia, ma aposela, ma wane ni kwaifamanatai ifana Jenetaele ki.

I. Korinitha 12:11

Ma si do eki sui bana tee Spirit eri boo ka ilia, kai toliṉia iakulua sulia si do ni nia kai thathamia.

Roma 1:1

Tha Polo, wane ni ra tha Jesus Christ, na kera aili nau fasi kwai aposela, ma kera fili nau ifana si faaroṉoa lea tha God,

I. Timothi 2:7

Sulia si do eri kera alu nau nau wane ni ṉaliṉata ma aposela (Nau ku ṉata mamana atha Christ, nau kwasi lole), wane ku kwaifamanatai isana Jenetaele ki ana fitooa ma mamana la.

Si do Aposela ki kera ilidaki 22:21

Ma nia soree isaku, Oki lae: uria ni nau kwai arasi oe oki lae da faisia si kula eri uria Jenetaele ki.

Si do Aposela ki kera ilidaki 14:26

Ma keko akwasia kula eri, keko lae i la faka uri Adioko, si kula ba na kera takofale keroa ana lea la tha God iei uria si ra eri na kero ilia sui naa.

Kolose 4:17

Ma muki soree isatha Akipasi, Oki seemabe asi ra eri na kera falea ifamu ana ṉa Lord, fasi oki ilia.

Luke 2:37

Sui ka oru sulia kwalu tafulu fa ṉali ma fai fa ṉali), ne ai si lae faisia biu baita eri, ka ra ana abu la ana faṉa ma foa la ki afa rodo mafa thato.

II. Timothi 2:2

Ma si do ba ki no roṉoa ani nau i maalutana toa oro na kera roṉoa, si do eki oki takofalea ana wane mamana ki, na kera talaana kwaifamanatai la lau isana tai toa lau boo.

Efesasi 3:7

Na kera alu nau ṉa wane ni ra la ania, sulia lea lana tha God neri na kera tona falea iaku sulia ra lana sukwaia nia.

Si do Aposela ki kera ilidaki 13:3

Sui buriana na kera to faisia faṉa la ma kera foa, keka alua abada fafi keroa, sui keka alamatanidaroa keko lae.

Si do Aposela ki kera ilidaki 10:30

Ma tha Koneliasi ka sorea, Fai fa boṉi e sui, ita asi maṉa na nau ku abu ana faṉa la ka fula asi kadee thato ne ’uria si maṉa eri; ma ana sikwana si kadee thato nau ku foa i maafera nau; ma rikia fasi, tee nonii wane e takwe inaofaku fafia tooni ne iriroa,

Si do Aposela ki kera ilidaki 10:19

Si maṉa na tha Pita kai onotoona si eri na kera fatai lalaa ania, tha Spirit ka soree isana, Rikia fasi, ulu nonii wane kera rofe uri oe.

Si do Aposela ki kera ilidaki 8:29

Ma tha Spirit ka soree isatha Filifi, Oko idu karaṉia, oki lae bia do eri hosi kai aba.

Mathui 9:38

Mania muki gani ana Lord ana unii do eri, fasi nia kai arasia kau toa ni ra ki la unii do nia ne rafo.

Mathui 6:16

Ma sui lau boo si maṉa na muki abu ana faṉa, musi ’uria lau toa na keki olodola, musi lio mala ta wane ne liodila: sulia keki lautania maada, uria bana fasi imole ki keka rikida keki abu ana faṉa. Mamana ku soree isamulua, Kera ṉalia naa kwaiara kera.

Hibaru ki 5:4

Me ai ta wane si faabaita nia i talaana fasi kai ilia si do eri, ma wane eri ana na tha God ka aili nia mania, ’uria lau boo tha Erona.

II. Timothi 4:11

Talifilia tha Luke ne to isaku. Oki tolea tha Mako kai lae mai bi oe: uria ni nia e faraku ana ra la.

II. Timothi 4:5

Ma ni oe oki inoto ana seemu asi do ki sui, oki susuu i la taa la, oki ra ana ra wane ni ṉata la sulia si faaroṉoa lea, oki ili teefau ana ra oe.

II. Korinitha 11:27

Ana ra nau ku ulafu ania ma ana ra ne kulua, ana tharai la afa rodo oro ki, ana thaofa ma ana liolalaṉa, asi maṉa oro na kwasi faṉa, ana seeku ne gwagwari ma karaṉia kwai talu.

II. Korinitha 6:5

Ana aliliboa la, asi maṉa ba ki na kera suusi kamilia i la lokafu, ana ṉalu la ki, asi ra eki na mili ulafu ania, ana tharai la ki, ana thaofa ki;

I. Korinitha 7:5

E ai mosi abula dodora iamoroa, talitoona bana ta kasi maṉa faekwa si maṉa na moka to ana tee si lio ania, fasi moki fale kamaroa teefau ana foa la, sui moki to ofu lau, ada tha Satan ka bae aliṉamoroa uria na mosi inoto ana seemoroa.

Roma 15:16

Kwa wane ni ra tha Jesus Christ uria Jenetaele ki, kwa ra asi faaroṉoa lea tha God, fasi fale lana Jenetaele ki ’uria do ni foa la keki ala fafia, uria na tha Spirit Abu e faaabua.

Roma 10:15

Ma nifana ade lana fasi keki ṉata suli nia si maṉa na kesi arasida uria? ’uria si do na kera keda, Riki lana aaeda e lea asia, toa eki na kera ṉata sulia si faaroṉoa lea ana enenoa ma kere ṉalia mai si faaroṉoa lea sulia si do lea ki!

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

Si do Aposela ki kera ilidaki 6:4

Ma ni kamilia miki seemabe ṉado ana foa la, ma ana ra la asi baea eri.

Luke 10:1

Iburiana si do eki ṉa Lord e alua ta fiu akwala lau, ma ka arasida, too ro wane, keka lae inaona maana uria toaa susu eki sui boo ma si kula eki sui boo, na nia toto kai lae uria.

Si do Aposela ki kera ilidaki 4:36

Ma tha Josefa, wane na aposela ki kera alaṉia atha Banabasi (ma toolaṉai lana thata eri, Kaluwane ana kwaifamanatai la), wane ana kwalafa tha Lifae, ana toa i Saeporasi,

Si do Aposela ki kera ilidaki 13:4

Mania, uria na tha Spirit Abu e arasidaroa, keko sifo uri Seleusia; ma too i kula eri keko lae i la faka uri Saeporasi.

Mathui 17:21

Una ena mena, si do unei kai lae kau ana talitoona boo foa la bia abu la ana faṉa.