Si do Aposela ki kera ilidaki 13:10 - Ṉa Alaofua Falu 1923 1949

¹⁰ Ma ka sorea, Wane no fuṉu ana lole la ni sui bana ma abula dodora la ni sui bana, kaluwane tha devil, wane no maalimae asi do ki sui ne kokoto, osi to faisia bulasi garo la ana tala kokoto ṉa Lord ki?

Si do Aposela ki kera ilidaki 13:10 Referans Kwoze

Jone 8:44

Kamulua wela maka kamulua na tha devil, ma si lio taa ki, do maka kamulua eri, muki thathamii ilia. Nia thauwane ita mai i thafali la, me ai si to ana mamana la, uria ne ai ta do ne mamana si ni ani nia. Si maṉa nia lole, nia ṉata asi do nia ki u boo: uria nia do na kai lole, ma maka ana lole la.

Galesia 1:7

Ma ta si faaroṉoa lea eeta lau e ai neri: tei toa kera sore kamulua, ma kera thathamii bulasia si faaroṉoa lea tha Christ kai eeta.

II. Korinitha 11:3

Ma nau ku mau, ada mado e ai, ’uria lau boo wa aala eri e lolea ni Eve ana lole la nia, keki faataalia manatamulua faisia si lio ne mamana uria tha Christ.

Mathui 13:38

Ma ra ba ṉa fanua nei iano; ma foee do lea ba ki, kera ṉa kaluwane tooa ki; ma si lolo bubula ba ṉa kaluwane tha Taa ki;

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

Luke 11:52

Taa la kai thauṉi kamulua, wane na muki kwaifamanatai ana ṉa lo! uria na mulu ṉalia naa ṉa ki ana thaitoomana lana si do ki: kamulua musi kotho iei, ma toa na sa keki kotho iei mulu suusida.

II. Pita 2:15

Kera akwasia tala kokoto eri, keka lae garo, uria na kera sulea lae lana tha Balama kaluwane tha Beo, ne thathamia foli lana abula la ne ai si kokoto;

Si do Aposela ki kera ilidaki 20:30

Ma faisia i maalutamulua tei wane keki tae mai, keki ṉata garo, sa keki bulasi garo ana toa na tha Jesus e toleda keki lae iburiada.

Mathui 23:13

Taa la kai thauṉi kamulua, wane ni kekeda ki ma Farisi ki, toa na muki olodola! uria na mulu fonoa tooa i thalo faisia imole: kamulua e ai musi kotho iei, ma toa na sa keki kotho mena e ai musi alamatanida kesi kotho iei.

Mathui 15:19

Sulaania si lio taa ki kai lae mai faisia ruruuna wane, thauwanea, oe la, oe la toa keki oe fafia kwaida, bili la ki, lole la fafia imole, ṉata taa la seena imole:

Mathui 3:7

Sui si maṉa nia rikia wane oro ana Farisi ki bia Sadiusi ki keki lae mai ana babataesi la nia, nia ka soree isada, Kamulua kwalafana baekwa i toloki, ni tei ne faaroṉo kamulua muki thaka faisia rakeiria ne ni u?

Jone 1:23

Ni nia e sorea, Nau liṉana ṉata lana tee wane kei ’ei la fanua kwasi, Muki beta tala tha Lord ka kokoto, ’uria si do na tha Aisaia ṉa porofeta e sorea.

Luke 11:39

Ma ṉa Lord ka soree isana, Si ade la ni kamulua Farisi ki muki ilia maṉa eri, muki faafalua seena titiu ma labeṉa; ma i la ruruumulua e fuṉu ana laulau la ma taa la.

GENESIS 18:19

Uria nau ku thaitoomana ni nia na wane na kai ṉata fifi isana kwalafana ma toa na i maafera nia iburiana, ma keki lae nada sulia tala tha Jihova, keki ilia kokoto la ma oolo la; fasi tha Jihova kai adea kai mamana fafia tha Aberahamo si ade la eri ne ṉata sulia na ba suli nia.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

Efesasi 4:14

Fasi ni kulu kusi wela faekwa lau, toa na atona bana ta thauthau ka isuda ka toto bana, ma thauthau eki na ṉa kwaifamanataia eeta ki ana kaura lana imole, do ni lole la, sulia manata taa lada, ana tole garo la iakulua;