Si do Aposela ki kera ilidaki 12:7 - Ṉa Alaofua Falu 1923 1949

⁷ Ma rikia fasi, angel tha Lord ka takwe isana, ma lalaa la ka laa ana kadee biu eri: ma nia kwae i ninimana rakena tha Pita, ka tharasi nia, ka una eri, Oki tatae fofoa. Ma nailii thalo eki ka asia faisia ro aba nia ki.

Si do Aposela ki kera ilidaki 12:7 Referans Kwoze

Si do Aposela ki kera ilidaki 5:19

Ma sui angel tha Lord e ifinia maana lokafu eri la rodo, ka toleda kau, ka sorea,

Si do Aposela ki kera ilidaki 16:26

Ma tee anunu baita ka fula fatonada, adedea gwa fau totonao ana lokafu eri ki ka igiigi: ma si maṉa eri u boo maana olofolo ki sui bana ka ifi; ma nailii thalo ana toa eki sui boo ka luke.

Fa Ṉu Abu ki 146:7

Nia na kai ṉata fifi asi ṉataa ne oolo ifana toa eki na kera faare taa iada; nia na kai falea si faṉa iana toa na kera thaofa: tha Jihova kai lubea toa na kera to i la lokafu, keki lae nada;

Fa Ṉu Abu ki 107:14

Nia ka talaida mai faisia maerodo eri ma nuuna maea, ka kwaemusia nailii thalo kera ki ana ro kadee do.

Fa Ṉu Abu ki 34:7

Angel tha Jihova e talaia omea nia keka to i la biui‐maku kera ki kakalia toa eki na kera faare baita iana, ka faamarukida.

Si do Aposela ki kera ilidaki 10:30

Ma tha Koneliasi ka sorea, Fai fa boṉi e sui, ita asi maṉa na nau ku abu ana faṉa la ka fula asi kadee thato ne ’uria si maṉa eri; ma ana sikwana si kadee thato nau ku foa i maafera nau; ma rikia fasi, tee nonii wane e takwe inaofaku fafia tooni ne iriroa,

Efesasi 5:14

Mania nia sorea, Oki tharai, wane no biṉa liu, ma oki tatae faisia toa mae ki, ma tha Christ kai laa fafi oe.

Si do Aposela ki kera ilidaki 2:24

Wane na tha God e tataea, buriana ne luke nia faisia fiwela la ana maea: uria ne afetai ka tatha sa do eri kai rau ṉado ani nia.

Luke 24:4

Ma lalae mai, si maṉa na manatade nai rua sulia si do eri, rikia fasi, ro nonii wane keka takwe isada fafia maku ne faarora maada:

Luke 2:9

Ma rikia fasi, angel tha Lord ka takwe isada, ma laa lana inotoa tha Lord ka sina kakali kera: ma keka mau faamau.

Si do Aposela ki kera ilidaki 12:23

Ma si maṉa eri u boo angel tha Lord ka kwae nia, uria ne ai si faainotoa tha God: ma wa ki kera aani nia, ka nofi.

Si do Aposela ki kera ilidaki 9:3

Ma lalae mai, ka fula karaṉia Damasikasi: ma lalaa la ita mai i thalo ka fula fatonana, ka laa kakali nia:

Fa Ṉu Abu ki 116:16

Jihova ’ae, ni nau wane ni ra oe mamana boo: ni nau wane ni ra oe ma kaluwane kini ni ra oe: o lukea naa si do eki na kera kania fafi nau.

Si do na kera fatai nia 18:1

Buriana si do eki nau ku rikia tee angel eeta lau ne sifo na mai faisia ṉa thalo, ana gwauwai la baita; ma laa lana inotoa nia ka laafia fanua nei iano.

Hibaru ki 1:14

Ta na sa ni kera sui kera spirit ni ra ki, na kera arasida mai keki ra ifana toa eki na keki fulatoona marukia, mado?

Si do Aposela ki kera ilidaki 12:6

Ma lalae e karaṉia naa si maṉa na tha Heroda kai talai nia mai, afa rodo eri boo tha Pita kai biṉa ana i maalutana ro wane ana firua ki, fafia ro nailii thalo na kera kani nia ania: ma toa ni kwaisuusi la kera takwe i maa, keka suusia lokafu eri.

Fa Ṉu Abu ki 68:6

Tha God ka ofua bia baree wela ki toa eki na kera toto tee kera: nia kai talaia mai uria si kula lea toa eki na kera kani fafida ana nailii thalo ki: toa eki molo na kera ade faisia bae lana, keki to bada i la fanua thaeferaa.

Mathui 2:13

Ma buriana na kera lae naa, rikia fasi, angel tha Lord e fula fatai isatha Josefa i la moosubolea, ka una eri, Tatae, oko tolea kali wela nei bia thainana, oko thaka uri Ijifita, ma oki to kula eri maasia si maṉa kwai faaroṉo oe ania; uria na tha Heroda toto kai rofea kali wela nei uria thauṉi lana.

Si do Aposela ki kera ilidaki 12:8

Ma angel eri ka soree isana, Oki ali oe, ma oki kania butu oe ki i aaemu. Ma nia ilia si do eri. Ma nia soree isana, Oki tooni oe, ma oki lae mai iburiaku.