Si do Aposela ki kera ilidaki 12:4 - Ṉa Alaofua Falu 1923 1949

⁴ Ma nia raua e sui, ka suusi nia i la lokafu, ka fale nia ifana tee akwala ma ono wane ana firua ki keki suusi nia, ta fai nonii wane, sui ta fai nonii wane, ka fula ana toa eki sui boo; manatana sa kai talaia mai isana toa eki buriana Tathafafi la ba.

Si do Aposela ki kera ilidaki 12:4 Referans Kwoze

Luke 22:33

Ma nia ka soree isana, Lord, nau ku to naa uria lae la bi oe i la lokafo ma uria maea.

Luke 21:12

Ma si do totonao sui do eki ka bii fula, keki rau ani kamulua, ma keki tona ilamatai kamulua, keki fale kamulua ifana biu ni ofu la ki ma lokafu ki, keki talai kamulua inaofana kiṉa ki ma wane gwauwai ki inunufana thataku.

Si do Aposela ki kera ilidaki 4:28

Fasi keka ilia si do eki sui bana no gwalua ana abamu ma manatamu totonao.

Si do Aposela ki kera ilidaki 4:3

Ma kera rau ani keroa, keka suusida i la lokafu maakwalia ka dani: uria ne thaulafia naa.

Jone 21:18

Mamana, mamana, ku soree isamu, Si maṉa o bii baita, o ali oe i talaamu, mo lalae ifei no thathamia: sui lalae oko arai naa, oki tekwasia ro aba oe ki, ma ta wane lau kai ali oe, kai ṉali oe uria si kula noki lalakwee lae iei.

Mathui 26:5

Ma keka sorea, Asi maṉa na fafaṉa e ai, ada toa eri keki ṉalu.

Mathui 24:9

Sui keki fale kamulua ifana malakita la, ma keki thauṉi kamulua: ma toa na fanue ni sui rakeda kai aṉofi kamulua inunufana thataku.

Si do Aposela ki kera ilidaki 8:3

Ma tha Solo e labatania ṉa figua, ka kotho i maafera kera ki sui bana, ka aba wane ki ma kini ki ma ka suusida i la lokafu.

Si do Aposela ki kera ilidaki 5:18

Ma keka aba aposela ki, keka aluda i la lokafu ne to maakwalia toa na kera abula taa ki.

Jone 19:23

Mania toa ana firua, buriana na kera fota fafia tha Jesus ana ’ai rarafolo e sui, kera ṉalia maku nia ki, keka toliṉia ata fai do, toa ana firua ki wane boo si do, wane boo si do; ma tooni nia lau boo: sui tooni eri kesi ladoa ta si kula, kera falia i gwauna ka fula i aaena.

Mako 14:1

Ro fa boṉi e to ana fafaṉa tathafafi la ba bia fafaṉa berede e ai ta lefena iei: ma wane inoto ni foa ki bia wane ni kekeda ki kera rofe fufuli uria si ade la na keki ilia keki uida asi afe, fasi keki thauṉi nia:

Si do Aposela ki kera ilidaki 12:3

Ma uria ne rikia na si do eri e faalea Ju ki, nia raua lau boo tha Pita. Ma fa boṉi eki si maṉa ana berede ne ai ta lefena iei.

Si do Aposela ki kera ilidaki 12:5

Mania kera suusia tha Pita i la lokafu: ma figua eri keka seemabe ana foa la atha God uri nia.