Si do Aposela ki kera ilidaki 12:3 - Ṉa Alaofua Falu 1923 1949

³ Ma uria ne rikia na si do eri e faalea Ju ki, nia raua lau boo tha Pita. Ma fa boṉi eki si maṉa ana berede ne ai ta lefena iei.

Si do Aposela ki kera ilidaki 12:3 Referans Kwoze

Si do Aposela ki kera ilidaki 24:27

Ma sui buriana ro fa ṉali, tha Posiasi Fesitasi e taala tha Felikasi; ma uria ne thathamia Ju ki keki ala fafi nia, tha Felikasi e akwasia tha Polo ana nailii thalo eki.

Jone 12:43

Uria na kera thathamia inotoa ita ana wane ki ka tatha ana inotoa ita atha God.

Si do Aposela ki kera ilidaki 25:9

Ma sui tha Fesitasi, ne thathamia Ju ki keki riki nia ka lea, ka luua tha Polo, ka sorea, Oki thathamii tae uri Jerusalema, fasi wane ni kotu kai ṉata suli oe inaofaku i kula eri?

Galesia 1:10

Sulaania wane ki neri na nau ku thathamia keki ala fafi nau, mado tha God? mado wane ki neri na nau ku thathamii faalea kera? mada sa ku faalea wane ki ka fula asi maṉa eri, nau wane ni ra tha Christ e ai.

Si do Aposela ki kera ilidaki 20:6

Ma mili lae i la faka faisia Filifae buriana fa boṉi eki ana berede e ai ta lefena iei, mili lae sulia lima fa boṉi, mika fula isada i Toroasi; ma mili to iei sulia fiu fa boṉi.

I. Thesalonika 2:4

Ma talafana tha God e ala fafi kamilia fasi ka takofale kamilia asi faaroṉoa lea, alafana na mili ṉata; ’uria sa miki faalea imole ki e ai, tha God ne ilitoona ruruumilia.

Jone 21:18

Mamana, mamana, ku soree isamu, Si maṉa o bii baita, o ali oe i talaamu, mo lalae ifei no thathamia: sui lalae oko arai naa, oki tekwasia ro aba oe ki, ma ta wane lau kai ali oe, kai ṉali oe uria si kula noki lalakwee lae iei.

Jone 19:11

Tha Jesus e luua, ka una eri, Soki sukwai fafi nau e ai, mada se ai kesi falea sukwaia iamu ita mai ia: mania wane ne fale nau iamu, abula taa la nia e baita ka tatha.

Mathui 26:17

Afa boṉi totonao ana fafaṉa berede e ai ta lefena iei, toa ne toleda kera fula isatha Jesus, keka una eri, Si kula ifei no thathamia mika naare iei maakwali oe oki ania tathafafi la ba?

Fa Ṉu Abu ki 76:10

Rakeiria imole ki kai taṉo oe mamana boo: oretana rakeiria eri oki suusia kau.

Si do Aposela ki kera ilidaki 4:13

Sui si maṉa na kera rikia seeraa la tha Pita ma tha Jone, ma kera thaitoomana ro wane eki kesi to’oa bada ta si do isadaroa ma kero dora ania maalutana do oro ki, wane inoto eki keka kwele; ma kera thaitoomana lea sulidaroa, na kero toto bia tha Jesus.

Si do Aposela ki kera ilidaki 2:14

Ma tha Pita ka takwe ia bia akwala ma tee nonii wane ba ki, ka bae baita, ka ṉata urida, ka una eri, Kamulua wane i Judia ki, ma kamulua toa nai Jerusalema ki sui boo, muki thaitoomana si do eri, ma muki fafuroṉo fasi uria ṉata laku.

Si do Aposela ki kera ilidaki 12:4

Ma nia raua e sui, ka suusi nia i la lokafu, ka fale nia ifana tee akwala ma ono wane ana firua ki keki suusi nia, ta fai nonii wane, sui ta fai nonii wane, ka fula ana toa eki sui boo; manatana sa kai talaia mai isana toa eki buriana Tathafafi la ba.