Si maṉa nia kai ono ana do ni ono la ana kotu, kwaina e kwaiarasi isana, ka una eri, Oko to faisia wane kokoto ena: uria na do oro e uri nau itaraena i la moosubolea sulaani nia.
Ma tha Heroda rakena e aṉofia toa i Taera ma i Saedona: ma kera lae mai isana ana tee si lio, keka adea tha Bilasitasi, wane ne beta sulia si kula na kiṉa eri ka biṉa iei, kai ado bi kera, sui keka gania sa keki to kwaimani lau, sulia faṉa na keki ania i fanua kera kai lae mai ana fanua kiṉa eri.
Ma lima fa boṉi e sui, aofia ni foa na tha Ananiasi ka sifo bia tai ulunao ki, ma tee nonii wane, thatana tha Tatalasi, ne thaitoomana lea ṉata la; ma kilu alaṉia tha Polo asi do ki isana wane inoto eri.
Mania afa boṉi iburiana, si maṉa na tha Agiripa e lae mai, bia ni Banisi, ana inotoa faamau, ma kero kotho naa asi kula ana roṉo lana si ṉata iei, bia wane inoto ana omea ki, ma wane inoto ana toaa susu eri ki, tha Fesitasi e sorea, ma keka talaia mai tha Polo.