Si do Aposela ki kera ilidaki 11:19 - Ṉa Alaofua Falu 1923 1949

¹⁹ Mania toa na kera faaseesula iada keka lae tataka si maṉa ana unii fualaṉa ne tae mai sulia tha Sitifini na ba kera lalae keka fula ana Fenisi, ma Saeporasi, ma Adioko, kesi ṉata sulia si baea isana ta toa eeta, isana talitoona Ju ki.

Si do Aposela ki kera ilidaki 11:19 Referans Kwoze

Si do Aposela ki kera ilidaki 21:2

Ma si maṉa na mili fulatoona tee faka na karaṉia kai faifolo uria Fenisia, mili tae i la faka eri, mili lae.

Si do Aposela ki kera ilidaki 15:35

Ma tha Polo lau boo ma tha Banabasi kero makafa to fasi i Adioko, keko kwaifamanatai ma keko ṉata sulia bae lana ṉa Lord, bia toa oro ki lau boo.

Si do Aposela ki kera ilidaki 15:22

Sui manatana aposela ki ma ulunao ki, ma figua eri sui boo, ne lea keki talisia tai wane iada, keki arasida uri Adioko bia tha Polo ma tha Banabasi; tha Judasi neri na kera alaṉia atha Basabasi, ma tha Saelasi, ro wane ana toa na kera tatha inaona baree wai doorana eki:

Si do Aposela ki kera ilidaki 15:3

Mania figua eri e adomida ana lae lada kau, sui keka tatha i Fenisi ma i Sameria, keka faaroṉo ana akele la na Jenetaele ki kera akele buri ania: ma kera adea na baree wai doorana eki sui boo keka seethathala faamau.

Si do Aposela ki kera ilidaki 4:36

Ma tha Josefa, wane na aposela ki kera alaṉia atha Banabasi (ma toolaṉai lana thata eri, Kaluwane ana kwaifamanatai la), wane ana kwalafa tha Lifae, ana toa i Saeporasi,

Galesia 2:11

Ma si maṉa na tha Pita e fula i Adioko, ku ṉata lalaa isana, ku sore nia, uria ne ilia si do kera thaitoomana e taa.

Si do Aposela ki kera ilidaki 21:16

Ma tei toa ana toa nai Sesaria na tha Jesus e toleda kera lae lau boo bi kamilia, keka talaia tee nonii wane, thatana tha Masono, wane i Saeporasi na tha Jesus e tole nia u mai inao, wane na miki to i biu nia.

Si do Aposela ki kera ilidaki 18:22

Ma lalae sifo i Sesaria, nia tae ka aratai lea la ana figua eri, sui ka sifo uri Adioko.

Si do Aposela ki kera ilidaki 15:39

Ma oli susuu la baita ka tae mai, adedea keko lae eeta kwailiu, ma tha Banabasi ka talaia tha Mako bi nia, ka lae i la faka uri Saeporasi;

Si do Aposela ki kera ilidaki 13:46

Ma tha Polo bia tha Banabasi kero ṉata seeraa, keko sorea, Do kera ilia e ai si ei boo, keka faaroṉo kamulua totonao ana bae lana tha God. Ma sui uria na mulu usutania faisi kamulua, manatamulua na musi farana marukia tatha, lio fasi, meki akele uria Jenetaele ki.

Si do Aposela ki kera ilidaki 13:4

Mania, uria na tha Spirit Abu e arasidaroa, keko sifo uri Seleusia; ma too i kula eri keko lae i la faka uri Saeporasi.

Si do Aposela ki kera ilidaki 13:1

Ma tei porofeta ma tei wane ni kwaifamanatai ki ni Adioko, i la figua nai kula eri, tha Banabasi, ma tha Simiona na kera alaṉi nia ana Wanebulu, ma tha Lusiasi wane i Saerini, ma tha Manena na kera thare ni safu atha Heroda na kiṉa eri bi nia, ma tha Solo.

Si do Aposela ki kera ilidaki 3:26

Ma ni kamulua totonao, tha God, buriana ne tataea Kaluwane nia tha Jesus, e arasi nia mai isamulua fasi kai falea lea la ifamulua, ana bulasi lamulua la, ta imole iamulua si ei boo, faisia abula taa la kamulua ki.

Jone 7:35

Mania Ju ki kera ṉata kwailiu uri kera, keka una eri, Ma ṉa wane nei kai lae urifei fasi kulu kusi rofetoona? kai lae isana toa na kera lae tataka i maalutana Jenetaele ki, kai kwaifamanatai isana Jenetaele ki?

Mathui 10:6

Ma sifi ne garo ana toa tha Isirela molo muka lae isada.

Si do Aposela ki kera ilidaki 6:5

Ma malului wane eki sui boo kera roṉoa ṉata lada ka lea: ma kera filia mai tha Sitifini, wane ne fuṉu ana fitooa ma tha Spirit Abu, ma tha Filifi, ma tha Porokorasi, ma tha Nikano, ma tha Timona, ma tha Pamenasi, ma tha Nikolasi tee Jenetaele i Adioko na ka ade mala Ju:

Si do Aposela ki kera ilidaki 11:20

Ma sui tei toa iada wane i Saeporasi ma i Saerini ki, na si maṉa na kera fula i Adioko, keka ṉata isana toa i Girisi ki, keka ṉata sulia tha Lord Jesus.

Si do Aposela ki kera ilidaki 11:22

Ma si faaroṉoa sulia toa eki e talo i aliṉana figua nai Jerusalema: ma kera arasia kau tha Banabasi kai lae uri Adioko:

Si do Aposela ki kera ilidaki 14:26

Ma keko akwasia kula eri, keko lae i la faka uri Adioko, si kula ba na kera takofale keroa ana lea la tha God iei uria si ra eri na kero ilia sui naa.

Si do Aposela ki kera ilidaki 15:30

Mania si maṉa kera alamatanida keka lae, keka sifo i Adioko; ma buriana na kera figua mai malului wane eri, keka falea leta eri.