Si do Aposela ki kera ilidaki 10:4 - Ṉa Alaofua Falu 1923 1949

⁴ Ma nia lio tete uri nia, ka aanu, ma ka sorea, Ta neri, Lord? Ma nia soree isana, Foa la oe ba ki ma si do ba no tona faledaki e tae naa inaofatha God fasi keki manatai oe ania.

Si do Aposela ki kera ilidaki 10:4 Referans Kwoze

Filifae 4:6

I la ruruumulua si ototo fufuli uria atona bana ta si do; ma asi do ki sui bana ana foa la ma ana ṉata fifi la isana bia si sore lea la muki fatai nia si do na muki ganidaki isatha God.

Hibaru ki 6:10

Uria na tha God e ai si abula kekeo fasi kai lio dora asi ra kamulua ma ulafu la kamulua ba ana liothau la na mulu fatai nia uria thatana, asi kula, eri na mulu rara mai ifana toa abu eki ka fula asi maṉa eri.

Si do Aposela ki kera ilidaki 10:31

Ma ka sorea, Koneliasi ae, kera roṉoa foa la oe, ma si do ba no tona faledaki tha God e rikia ka manataia.

Si do na kera fatai nia 8:4

Ma thasuna do makwa lea eri, bia foa la eki ana toa abu ki, ka tae inaofatha God faisia abana angel eri.

Fa Ṉu Abu ki 141:2

Keki alua fasi foa la nau nei kai tae inaofamu ’uria si do thasune makwa lea; tafo lana ro aba nau ki kai ’uria do ni foa la na keki falea i thaulafia.

Filifae 4:18

Ma akua si do ki sui bana, ma nau ku rikii do: ku abusu naa, uria na nau ku ṉalia i abana tha Epaforodaetasi si do ba ki ne ita mai ani kamulua, do makwa lea, ma do ni foa la na keki ala fafia, na kai faalea tha God.

Hibaru ki 13:16

Ma ili lana lea la ma fale tataka la, do musi lilio dora ania: uria na ka lea faamau atha God uria do ni foa la una eki.

Luke 1:29

Ma si maṉa na thari eri ka rikia, nia ka mau faamau asi ṉata eri, ma ka manata uria maalutana kwaiaratai la eri.

Mathui 26:13

Mamana ku soree isamulua, Nifei bana toto keki ṉata sulia faaroṉoa lea nei iei la fanua ni sui bana, si do eri lau boo na kini nei e ilia toto keki ṉata sulia ana manatai lana.

Si do Aposela ki kera ilidaki 22:10

Ma nau ku sorea, Si ta na kwai ilia, Lord? Ma ṉa Lord ka soree isaku, Oki tatae, oki lae uri Damasikasi: ma kula eri naa, keki bii faaroṉo oe asi do ki sui bana na kera alua maakwali oe oki ilia.

Luke 24:5

Ma si maṉa na kera mau, ma kera agwaoro fafia maada uri theegano, keko soree isada, Uria ta na muki rofea wane ne maruki isana toa mae ki?

Fa Ṉu Abu ki 20:3

Kai onotoona do ni foa la oe ki sui bana, kai ala fafia do ni afufu oe; (Totoo fasi.)

Si do Aposela ki kera ilidaki 3:4

Ma tha Pita maana ka tede ani nia, bia tha Jone, ka sorea, Oki lio uri kamarea.

Si do Aposela ki kera ilidaki 14:9

Wane eri e roṉoa ṉata lana tha Polo: ne lio tete uri nia, ka rikia na fitooa ni isana fasi keka faamaruki nia,