Si do Aposela ki kera ilidaki 10:22 - Ṉa Alaofua Falu 1923 1949

²² Ma keka sorea, Tha Koneliasi ṉa senitiurione, wane kokoto ma wane ne mau atha God, na Ju ki sui bana kera ala fafi nia, tha God e faaroṉo nia ana angel abu sorea kai kwaiarasi iburiamu, oki lae uri biu nia, oki faaroṉo asi baea.

Si do Aposela ki kera ilidaki 10:22 Referans Kwoze

Si do Aposela ki kera ilidaki 11:14

Wane na kai faaroṉo oe asi baea, na keki faamaruki oe ania, oe bia toa eki sui boo ana maafera oe.

Si do Aposela ki kera ilidaki 10:2

Wane eri e faabaita tha God, ma ka mau ani nia bia toa eki sui boo ana maafera nia, wane ne tona fale baita ana toa na kesi rikii do, ma ka foa ṉado ana thatana tha God.

III. Jone 1:12

Tha Demetiriasi ana faamamane lana toa eri sui boo na kera thaitoomana, ma faamamane lana mamana la eri talani nia: iu, kamilia lau boo mili faamamanea si do mili thaitoomana; ma mulu thaitoomana faamamane la kamilia e mamana.

II. Pita 3:2

Fasi muka onotoona si baea ba ki na porofeta abu eki kera ṉata sulia dini u mai inao, ma si ṉata fifi ṉa Lord na Wane ni Kwaifaamaruki ana aposela kamulua ki:

Hibaru ki 12:23

Isana ofu la baita eri na figua toa ulunao eki na kera keda thatada i thalo, ma isatha God na Wane ni Kotu ifana imole ki sui bana, ma isana spirit wane kokoto ki na kera faasukwai teefau anida,

Hibaru ki 11:2

Uria na asi do eri maka nai nao ki kilu fulatoona na kera faamamanea si do lea na kera thaitoomana sulida.

Hibaru ki 10:38

Ma wane kokoto nau kai maruki uria fitooa: Ma mada sa nia kai dua falaburi, manataku sa ka lea uri nia e ai dodoloa.

I. Timothi 3:7

Ma sui lau boo toa nai thara keki ala fafi nia; ada keka esi nia ma ka liu ana aikwai tha devil.

II. Korinitha 5:18

Ma si do ki sui bana ita mai atha God, ne ilia na mili kwaimani lau bi nia sulia tha Jesus Christ, me falea si kulu eri iamilia miki ra ana kwaimani la eri;

Roma 1:17

Sulaania asi kula eri kera fatai nia kokoto la ne ita mai atha God ana fitooa ma uria fitooa: ’uria kera keda, Ma wane kokoto kai maruki uria fitooa.

Si do Aposela ki kera ilidaki 24:15

Ku manatatoo ṉado atha God uria si do eri, na ni kera keka maakwalia lau boo, na si maṉa ana tatae lana toa mae ki kai fula mai, tatae lana toa kokoto ki ma toa na kesi kokoto lau boo.

Si do Aposela ki kera ilidaki 22:12

Ma tee nonii wane thatana tha Ananiasi, ne faabaita tha God sulia ṉa lo, na Ju nai kula eri ki sui bana kera ṉata lea suli nia,

Si do Aposela ki kera ilidaki 10:33

Nia na ba kwa kwaiarasi kau uri oe si maṉa eri u boo na ba; mo abula lea no fula naa. Mania si maṉa eri kamilia sui boo mili ni kunei inaofatha God, fasi miki roṉoa si do eki sui boo na tha God e soree isamu.

Si do Aposela ki kera ilidaki 10:6

Nia to ni laea isana tee nonii wane, thatana tha Saimona, wane ni ra la ana uṉana do ki, na biu nia ni fafo amali: nia kai faaroṉo oe asi do noki ilia e ai si ei boo.

Si do Aposela ki kera ilidaki 6:3

Mania, doora kera, muki talisia mai fiu nonii wane iamulua, toa na kera ṉata lea sulida, na kera fuṉu atha Spirit Abu ma ana liotooa, miki aluda keki ana asi ra eri.

Jone 17:20

Ma nau e ai kwasi gani uria toa nei ki talifili kera, uria toa eki lau boo na lalae keki fitooku sulia ṉata lada;

Jone 17:8

Uria na si baea ba ki no falea mai iaku ni nau ku falea iada; ma kera ṉalia, kera thaitoomana mamana boo na nau ku lae mai ku ita ani oe, ma kera fitoo no arasi nau mai.

Jone 13:20

Mamana, mamana, ku soree isamulua, Wane na kai thathagonia ni tei bana na nau kwai arasia isana, kai thathagoni nau; ma wane na kai thathagoni nau kai thathagoni nia ne arasi nau mai.

Jone 6:68

Tha Saimona Pita e luua, ka una eri, Lord, miki lae sani tei lau? oe si baea ni marukia tatha ni isamu.

Jone 6:63

Na spirit ana kai faamarukia ta do; seena e ai si ilia boo ta do ania: si baea ba ki na ku soree isamulua, kera na spirit, ma marukia.

Jone 5:24

Mamana, mamana, ku soree isamulua, Wane na kai roṉoa bae laku, ma kai fitoona nia ne arasi nau mai, ana marukia tatha, ma Wane ni Kotu toto ka ai si ṉata suli nia, me tatha naa faisia maea uria marukia.

Luke 23:50

Ma rikia fasi, tee nonii wane thatana tha Josefa, wane ana ofu la eri, wane na abula lane lea ma kokoto.

Luke 2:25

Ma rikia fasi, tee nonii wane e to i Jerusalema, thatana tha Simiona; ma wane eri e kokoto ma ka faabaita tha God, kai maasia faainamaruki lana Isirela: ma tha Spirit Abu e to fafi nia.

Mako 8:38

Mania ni tei bana na kai seenoni suli nau ma kai seenoni sulia bae laku maalutana unii wane nei na kera oe ma kera abula taa, Kaluwane imole kai seenoni lau boo suli nia, si maṉa na nia kai lae mai ana inotoa Maka nia bia angel abu ki.

Mako 6:20

Uria na tha Heroda e mau atha Jone, e thaitoomana na nia wane kokoto ma ka abu, ma nia ka suusi nia. Ma si maṉa nia roṉoa, manatana ka rurua; ma nia roṉoa ṉata lana, seena ka thathala.

Mathui 1:19

Ma tha Josefa na kwaina, uria nia wane kokoto, me lalakwa ana fatai lana isana toa oro, ka thathamia sa kai luka thaufuni ania.

Mathui 2:12

Ma uria na tha God e faaroṉo kera ana moosubolea sorea kesi oli isatha Heroda, keka oli uri fanua kera ata tala eeta.

Luke 9:26

Uria ni tei bana na kai seenoni suli nau ma sulia bae laku, Kaluwane imole kai seenoni lau boo suli nia, si maṉa na nia kai lae mai ana inotoa nia i talaana, ma inotoa ṉa Maka, ma angel abu ki.

Si do Aposela ki kera ilidaki 10:21

Ma tha Pita ka sifo isana wane eki na tha Koneliasi e arasia mai, ma ka sorea, Rikia fasi, nau nai nia na mulu rofe uri nau: ta na mulu lae mai uria?

Si do Aposela ki kera ilidaki 10:30

Ma tha Koneliasi ka sorea, Fai fa boṉi e sui, ita asi maṉa na nau ku abu ana faṉa la ka fula asi kadee thato ne ’uria si maṉa eri; ma ana sikwana si kadee thato nau ku foa i maafera nau; ma rikia fasi, tee nonii wane e takwe inaofaku fafia tooni ne iriroa,

Si do na kera fatai nia 14:10

Wane eri lau boo kai kuu ana waene eri na ṉa rakeiria tha God, na kera thathaia ma kesi dola i la titiu ana rakeiria nia; ma keki thau fifi iana ana era ma do thasune makwafifi inaofana angel abu eki, ma inaofana ṉa Lama: