Si do Aposela ki kera ilidaki 10:11 - Ṉa Alaofua Falu 1923 1949

¹¹ Ma nia rikia ṉa thalo ka ifi, ma tee butee do ka sifo mai, ’uria ta maku ne baita, na kera sifolaṉai nia ana fai susui do ki fafia fanua nei iano:

Si do Aposela ki kera ilidaki 10:11 Referans Kwoze

Efesasi 3:6

Ma si do eri nai nia, Jenetaele ki keki fulatoona si do lea ki ofu bi kamilia, ma kera lau boo si do ki na ana seedo eri, ma keki ṉalia ofu bi kamilia ta si ana alaṉaia eri atha Christ sulia si faaroṉoa lea,

Jone 1:51

Ma nia ka soree isana, Mamana, mamana, ku soree isamulua, Toto muki rikia thalo lo kai ifi, ma angel tha God ki keki tae kau ma keki sifo mai sulia ṉa Kaluwane imole.

Si do na kera fatai nia 19:11

Ma nau ku rikia ṉa thalo e ifi; ma rikia fasi, tee hosi kwakwaoa, ma nia ne ono i suila, na kera alaṉi nia ana Fitoo ma Mamana; ma ana kokoto la nia kai ṉata mala Wane ni Kotu ma kai firu.

Si do na kera fatai nia 11:19

Ma kera ifinia biu baita tha God nai thalo: ma keka rikia ṉa aka ana alaofua nia i la biu baita nia eri; ma si manu ka fula mai iburi, ma liṉana si ṉata la ki, ma kukururua, ma anunu, ma si dani ne ṉilo.

Si do na kera fatai nia 4:1

Buriana si do eki ku lio, ma rikia fasi, kera ifinia maa i thalo, ma liṉana si ṉata la na nau ku roṉoa totonao na ba, ne ’uria liṉana buṉu ne ṉata mai isaku, ka una eri, Oki tae mai uri kunei, ma nau kwai fatai nia si do eki isamu na toto kai fula ki mai e ai si ei boo.

Kolose 3:11

Kula ne ai ta wane i Girisi ma ka ai ta Ju, e ai ta kwai kakali la ma ka ai ta toa kesi kwai kalida, e ai ta wane ṉata lane eeta, ma ka ai ta Sithiana, e ai ta wane na kai tona ra, ma ka ai ta wane na kai tona to: tha Christ na ṉa do ki sui bana, ma ka ni ana toa eki sui boo.

Efesasi 1:10

Uria si ra ne takofale nia ania asi maṉa na kai kokoto ania, fasi kai ofua si do ki sui bana atha Christ, si do nai thalo ki, ma si do nai fanua nei iano; ani nia,

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

Galesia 2:15

Ni kamilia na mili Ju ki ana seena imole, ma toa ana abula taa la ana Jenetaele ki e ai,

Roma 9:4

Na kera kwalafa tha Isirela; na si do kera ki na ṉa thathagoni lada la eri keki wela tha God ki, ma ṉa inotoa, ma alaofua ba ki, ma ṉa fale la na kera falea ana ṉa lo, ma ṉa ra ifatha God, ma alaṉaia ba ki;

Roma 1:16

Sulaania e ai kwasi seenoni asi faaroṉoa lea tha Christ: uria sukwaia tha God ana marukia neri fani tei na kai fitoo; ṉa Ju totonao, ma ṉa wane i Girisi ni lau boo.

Si do Aposela ki kera ilidaki 7:56

Ma nia sorea, Rikia fasi, nau ku rikia kera ifinia thalo lo ki, ma Kaluwane imole kai takwe ana aba aola tha God.

Jone 12:32

Ma ni nau, mada sa kera tafo nau ia faisia fanua nei iano, kwai ilia toa ni sui keki lae mai isaku.

Jone 11:52

Ma talitoona uria kulee toa eri e ai, fasi kai ofua lau boo ana tee si do wela tha God ki na kera foatata anida.

Luke 3:21

Ma lalae mai, si maṉa na kera babataesia naa toa eki sui bana, tha Jesus kera babataesia lau boo, me foa, thalo lo ka ifi,

Mathui 8:11

Ma nau ku soree isamulua, Toto toa oro keki too mai ibali tae lana thato ma ibali su lana thato, keki lae mai ma keki teoreri isatha Aberahamo, ma tha Aesaka, ma tha Jekofo, ana tooa i thalo:

GENESIS 49:10

Si ’ei ana inotoa nia kei e’i si sui faisia tha Juda, mado kubau nanaona wane faisia imaalutana ro ’ae nia ki; kai to bana maasia si maṉa na tha Saelo toto kai fula mai; ma kulee toa eki sui bana keki roo sulia bae lana.

Si do Aposela ki kera ilidaki 10:12

Ma do maruki oro ana fai ae nai fanua nei iano ki ni iei ma do maruki na kera kwasi ki ma do na kai aṉo ki ma thaaro i mamatalea ki.

Si do Aposela ki kera ilidaki 11:5

Nau ku toto i la toaa susu i Jopa, ku foa: ma si maṉa na bubunoto la e fulatooku, ku rikia ana si na kera fatai lalaa ania, tee butee do ne sifo mai, ’uria ta maku ne baita, na kera sifolaṉai nia faisia thalo lo ana fai susui do ki; ma lalae mai ka fula isaku: