Si do Aposela ki kera ilidaki 1:24 - Ṉa Alaofua Falu 1923 1949

²⁴ Ma kera foa, keka sorea, Oe, Lord, no thaitoomana rurui wane ka sui bana, oki fatai nia ni tei ana ro wane nai ki no fili nia,

Si do Aposela ki kera ilidaki 1:24 Referans Kwoze

Si do Aposela ki kera ilidaki 15:8

Ma tha God, ne thaitoomana rurui imole, e faamamanea si do ne thaitoomana suli kera, uria ne falea tha Spirit Abu ifada, ’uria lau boo fani kulu na ba;

Si do na kera fatai nia 2:23

Ma nau kwai thauṉia wela nia ki keki mae; ma figua eki sui bana keki thaitoomana nau ni nia na ku rofe i manatana imole ki ma i ruruuda: ma nau kwai falea si do na kai duua si ra kamulua ki fani kamulua sui, ta imole si ei.

Hibaru ki 4:13

Me ai ta do asi do ne thauwanidaki si to thaufuni ne ai si rikia: si do ki sui bana ka talu ma ka fatai i maana ni nia na kulu to isana.

Roma 8:27

Ma nia na ka rofe i la rurui imole ka thaitoomana manatana tha Spirit, sulaania e lae isana uria toa abu ki sulia si do na tha God e thathamia.

Si do Aposela ki kera ilidaki 14:23

Ma buriana na kero talisia ulunao ki ifada ana figua eki sui boo, ma kero foa bia to la faisia faṉa la, keko takofale kera ana ṉa Lord, na kera fitoona.

Si do Aposela ki kera ilidaki 6:6

Wane eki kera aluda inaofana aposela ki: ma buriana na kera foa e sui, keka alua abada fafi kera.

Fa Ṉu Abu ki 44:21

Tha God kai rofetoona si ade la eri, mado? uria na ni nia ka thaitoomana si do eki ne to thaufuni i rurui imole.

Fa Ṉu Abu ki 7:9

Oko faasuia fasi abula taa lana toa taa ki; ma sui oko faatakwelaṉania toa kokoto: uria na tha God, ne abula kokoto, kai ilitoona rurui imole ki ma manatada.

Jone 21:17

Ula nia ka soree isana, Saimona, kaluwane tha Jonasi, oki thathami nau? Tha Pita liona ka dila uria na nia ula ka soree isana, Oki thathami nau? Ma nia soree isana, Lord, o thaitoomana si do ki sui bana; o thaitoomana na nau ku thathami oe boo. Tha Jesus e soree isana, Oko tharea sifi nau ki.

Luke 16:15

Ma nia ka soree isada, Kamulua toa na mulu tala sorea inaofana imole na mulu kokoto; ma tha God e thaitoomana ruruumulua: uria si do na kera faabaita i maalutana imole ki si do na tha God e rikia ka mamagu ania.