Si do Aposela ki kera ilidaki 1:13 - Ṉa Alaofua Falu 1923 1949

¹³ Ma lalae kera fula naa, kera tae uria kadee biu laṉi eri, si kula na kera to mai iei; tha Pita bia tha Jemesi lau boo ma tha Jone ma tha Adaru, tha Filifi ma tha Tomasi, tha Batholomiu ma tha Mathiu, tha Jemesi kaluwane tha Alafeasi, ma tha Saimona wane Selota, ma tha Judasi doorana tha Jemesi.

Si do Aposela ki kera ilidaki 1:13 Referans Kwoze

Si do Aposela ki kera ilidaki 20:8

Ma laeta oro ki ni ana kadee biu laṉi eri, na kera figu mai iei.

Luke 22:12

Ma nia kai fatai nia tee kadee biu laṉi ne baita isamaroa na do oro ni naa iei: muki naare i kula eri.

Mako 14:15

Ma wane eri talani nia kai fatai nia tee kadee biu laṉi ne baita isamaroa, na do oro ni naa iei ka kwaimaakwali: moki naare iakulua i kula eri.

Mako 2:14

Ma si maṉa nia kai tatha, nia rikia tha Lifae kaluwane tha Alafeasi kai ono asi kula ni ṉali lana takisi ki, ma nia ka soree isana, Lae mai iburiaku. Ma nia tatae ka lae iburiana.

Jemesi 1:1

Tha Jemesi, wane ni ra tha God ma tha Lord Jesus Christ, kai aratai lea la ana tee akwala ma ro kulee toa ba ki na kera lae tataka.

Si do Aposela ki kera ilidaki 12:17

Ma ni nia ka faabona kera ana abana, ka uunu sulia ade la eri isada na tha Lord e ilia si maṉa ne talai nia faisia lokafu. Ma nia sorea, Lae, muki faaroṉoa tha Jemesi ma baree wai doorana ba ki, asi do eki. Ma nia lae nana, ka tatha uria ta kula eeta lau.

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

Jude 1:1

Jude, wane ni ra tha Jesus Christ, doora tha Jemesi, isana toa eki na kera ailida mai, na kera liothau ani kera atha God na Maka, ma kera beta sulida atha Jesus Christ:

Galesia 2:9

Ma si maṉa na kera thaitoomana lea la eri na kera falea ifaku, tha Jemesi ma tha Kifasi, ma tha Jone, na kera alaṉida ana betana biu ki, kera rau i aba aola nau ma tha Banabasi ana kwaimani lea la, fasi meki lae isana Jenetaele ki, ma ni kera isana toa eri ana kwai kakali la;

Galesia 1:19

Ma ta wane lau ana aposela eki e ai kwasi rikia, talitoona bana tha Jemesi doorana ṉa Lord.

Si do Aposela ki kera ilidaki 15:13

Ma buriana na kero bona, tha Jemesi e luua, ka una eri, Doora kera, muki roṉo nau:

Si do Aposela ki kera ilidaki 4:19

Ma tha Pita ma tha Jone kero luuda, keko soree isada, Muki manatatoona, E kokoto inaofatha God meka roṉo kamulua ma mesi roṉoa tha God?

Si do Aposela ki kera ilidaki 4:13

Sui si maṉa na kera rikia seeraa la tha Pita ma tha Jone, ma kera thaitoomana ro wane eki kesi to’oa bada ta si do isadaroa ma kero dora ania maalutana do oro ki, wane inoto eki keka kwele; ma kera thaitoomana lea sulidaroa, na kero toto bia tha Jesus.

Si do Aposela ki kera ilidaki 2:14

Ma tha Pita ka takwe ia bia akwala ma tee nonii wane ba ki, ka bae baita, ka ṉata urida, ka una eri, Kamulua wane i Judia ki, ma kamulua toa nai Jerusalema ki sui boo, muki thaitoomana si do eri, ma muki fafuroṉo fasi uria ṉata laku.

Jone 21:2

Toa na kera to ofu na tha Saimona Pita, ma tha Tomasi na kera alaṉia atha Didimasi, bia tha Nathaniala, wane i Kena fanua i Galili, ma ro kaluwane tha Sebede, bia ro wane ki lau ana toa nia ne toleda.

Jone 18:17

Mania kini eri ne ifinia maa ka soree isatha Pita, Ma ni oe lau boo wane ana toa ba ki na wane nei e toleda? Nia sorea, Ni nau e ai.

Jone 11:16

Mania tha Tomasi, na kera alaṉi nia atha Didimasi, ka soree isana toa keki tole nia bida, Kuki lae lau boo, fasi kuki mae bi nia.

Mako 14:33

Ma nia ka talaia tha Pita ma tha Jemesi ma tha Jone bi nia, ka bii maata, ma kai taa faamau iana.

Mako 9:2

Ma buriana ona fa boṉi tha Jesus e talaia tha Pita, ma tha Jemesi, ma tha Jone bi nia, ka talaida tee kera uria tee gwa tolo ne fane da ia: ma nia seena ka tatala isada:

Mako 5:37

Ma nia e ai si alamatania ta wane si lae iburiana, talitoona boo tha Pita, ma tha Jemesi, ma tha Jone doorana tha Jemesi.

Mathui 9:9

Ma si maṉa na tha Jesus e tatha faisia kula eri, nia rikia tee nonii wane, kera alaṉia ana tha Mathiu, kai ono asi kula ni ṉali lana takisi ki: ma nia ka soree isana, Lae mai iburiaku. Ma nia tatae, ka lae iburiana.

II. Jone 1:1

Wane ulunao isana gwaulii ei na tha God e filia, ma isana baree wela nia ki, na nau ku liothau mamana boo ani kera; ma talifili nau e ai, toa eki sui boo na kera thaitoomana mamana la eri;

I. Korinitha 15:7

Sui e fatai nia isatha Jemesi; sui isana aposela eki sui boo;

Jone 14:22

Tha Judasi (Isikarioto e ai) ka soree isana, Lord, si ta ne fula na ni oe toto oki fatai oe isamilia, ma isana fanua nei iano ka ai?