Luke 8:37 - To'abaita Scripture NT

³⁷ Sui imole ki sui na kera too 'ana balifanua 'eri, keka fa'arongoa tha Jisas kai lae fasida, sulia ma'ulaa 'e kwa'e kera. Sui tha Jisas ka ta'e 'i laa baru ba, ma keka lae bona'a.

Ṉa Alaofua Falu 1923 1949

³⁷ Sui toa eki sui bana ana fanua i Gadara asi kula kakali ki mai keka thafee ṉata isana fasi nia ka lae faisi kera; uria na mau la baita e durufida: ma nia ka tae i la foorua, ka oli nana.

Luke 8:37 Referans Kwoze

Luke 10:16

Sui tha Jisas ka ba'e 'una 'eri fana bare'e disaepol nia ki, “Tei na ka rongo kamalu'a, nia 'e rongo nau la'u bo'o. Ma tei bana ka lalakwata'i kamalu'a, 'e lalakwata'i nau la'u bo'o. Ma tei bana ka lalakwata'i nau, nia 'e lalakwatania la'u bo'o tha God na 'e fale nau mai.”

Luke 9:56

Sui keka lae nada ura ta ma'etoaa 'ee'eta.

Luke 9:5

Ma laalae ta kula bana ne a'i kesi thathagoni kamalu'a, muka lae 'amalu'a fasia, ma muka kwa'etafasia geegeo fasia 'aemulu'a ura faata'ilana 'i sada na tha God kai keto kera, sulia kera lalakwa rongoa ba'elana tha God.”

Luke 8:28

Si manga 'oro ki ne sui na mai, kera kani faafia roo 'aena ma roo 'abana, ma keka alua wane ura liolaa suli nia. Sui taa, nia ka muusia bana naili'i thalo 'eki, ma ano'edoo ta'a 'eki keka tari nia ura laa na fanua kwasi. Ma si manga 'e rikia bo'o tha Jisas, nia ka 'ai ba'ita, ma ka boururu na'a 'i maana 'aena tha Jisas. Tha Jisas ka ba'e 'una 'eri fana, “Ano'edo ta'a, 'o kotho mai 'i maa fasia tha wele'e.” Ma wane 'eri 'e 'ai ka 'una 'eri, “Jisas 'ae, 'oe wela tha God ne 'inoto ka Tatha! Taa na 'o thathamia 'oki ilia 'ani nau? Na ku gani 'oe, 'osi falea ta kwaakwa'ea faku.”

Luke 5:8

Ma si manga tha Saemon Pita 'e rikia doo ne fuli neri, nia 'e lae mai ka boururu 'i maana 'aena tha Jisas, ma ka ba'e 'una 'eri, “Wane'inoto 'ae, lae 'amu'a fasi nau! Nau wane ku abula ta'aa!”

Luke 8:36

Ma imole ki na kera rikia si manga na tha Jisas 'e taria na ano'edoo ta'a 'eki fasia wane 'eri, keka ngata na'a sulia sana imole ki na kera ofu mai neri.

Luke 8:38

Ma wane baa na ano'edo ta'a 'e lae fasia, 'e kwaitakoi sana tha Jisas ka 'una 'eri, “'o alamata'i nau kwai lae 'aku bii 'oe.” Ma tha Jisas 'e arasi nia kau, ka 'una 'eri 'i sana,