Luke 8:15 - To'abaita Scripture NT

¹⁵ Ma mige'e doo ki ne 'asia 'i laa na tha'egano na 'e le'a, 'e 'uria imole ki na ruuru'uda 'e kokota ma ka le'a, si manga na kera rongoa ba'elana tha God keka taingania, ma 'ana suusu'ulaa keka fungu 'ana fo'e doo.”

Ṉa Alaofua Falu 1923 1949

¹⁵ Ma si do i fafona si gano lea, kera neri na kera roṉoa si baea eri ana ruruuna imole ne nunufa ma ka lea, keka rau ṉado ania, ma keka fuṉu ana foee do asi lio ni susuu la.

Luke 8:15 Referans Kwoze

Luke 6:45

Na wane le'a 'e ilia la'u bo'o doo le'a ki sulia si manatale'e doo le'a na 'e too 'i liona. Na wane ta'aa 'e ilia la'u bo'o doo ta'aa ki sulia si manatale'e doo ta'aa 'e too 'i liona. Sulia si doo na 'e too 'i liona wane, nia na kai kwalusitafa mai 'ana ba'elana.”

Luke 11:28

Sui, tha Jisas 'e lu'ua ka 'una 'eri 'ana, “Mamana, ma 'e le'a ka tatha fata'i fana imole 'eki na kera rongoa ba'elana tha God, ma keka adesulia.”

Luke 8:14

Mige'e doo ki ne 'asia 'i ma'alutana kwalotootora ki, 'e 'uria imole ki na kera rongoa, sui 'e a'i si tau bo'o, isifuufulilaa sulia na tootodaa, ma se'ethathalalaa bia le'alana fanu nai iano ka su'usida, ma ka adea 'ai 'eri si lukata'i ma a'i si fungu 'ana ta fo'e doo.

Luke 8:16

Tha Jisas ka sore'a la'u, “'e a'i ta wane si fa'atharua ta la'afa, ma ka alua bana 'i faara ta kwade'e doo mada 'e a'i faara ta taatafe. Nia kai alua bona'a 'i fuila, fasia imole na kera kotho mai 'i luma keka rikia.