Luke 7:39 - To'abaita Scripture NT

³⁹ Ma si manga Farasi ba 'e rikia si doo 'eri, nia ka manata 'ana 'una 'eri, “Laalae sa wane ne'e ta profet mamana, doo kai thaito'omana kwa'i imole 'ufita na kini ne'e neri, kini abulalana ta'a.”

Ṉa Alaofua Falu 1923 1949

³⁹ Ma si maṉa na Farisi eri ne sorea nia ka lae mai e rikia, nia ka ṉata i manatana, ka una eri, Wane nei, mada sa nia ṉa porofeta, do nia ka thaitoomana ai nei ma ka thaitoomana to lana kini nei ne sua nia, uria nia ai ne abula taa.

Luke 7:39 Referans Kwoze

Luke 7:16

Ma imole ki na kera rikia si doo 'eri, keka kwele 'asiana'a, ma keka tangoa tha God, keka 'una 'eri, “Te'e profet ba'ita 'e fula mai ma'alutakalu'a. Tha God 'e fula na mai ura kai adomia imole nia ki.”

Luke 15:2

Sui na Farasi ki ma wane ni to'odoo ki 'ana biibirangaa keka 'uu'ubulu 'una 'eri, “Wane ne'e 'e thathagonia to'a abula ta'a ki ma ka fanga biida.”

Luke 18:4

“Ma sulia si manga 'e tau nia 'e a'i si ilia. Sui laalae ka sore'a 'i sana tala'ana, ‘Do'anitaa ma'ulaa tha God 'e a'i si ni 'ani nau, ma a'i kwasi manata ba'ita bo'o 'ana imole ki,

Luke 16:3

“Ma wanenira na lio sulia aludooa baa ki ka manata 'una 'eri, ‘Taa na'a na kwai ilia? Nga wane'inoto nau 'e fa'asui nau fasia raa nau ne'e. Ma nau 'e a'i kwasi suukwa'i ura 'ililana kilu, ma se'eku ka noni ura ganilaa.

Luke 7:37

Ma te'e kini olodola 'e too la'u bo'o 'i laa ma'etoaa 'eri. Si manga na kini 'eri 'e rongoa na tha Jisas 'e ni luma Farasi 'eri, nia ka ngalia mai te'e bi'i waiwai na makwa le'a 'asiana'a.

Luke 3:8

Muka ilia doo ki na 'e faatania mulu manata oli na'a fasia abulata'alaa kamalu'a ki! Ma a'i musi manata 'una 'eri 'i laa na liomulu'a, ‘Kamali'a wane mili futa mai 'ana kwalafaa tha Abraham ki ne'e, 'e 'afeta'i ta kwaakwa'ea fasia tha God kai fulato'omali'a.’ Ku fa'arongo kamalu'a, 'e kwaiakura bana fana tha God kai ngalia fau ne'e ki, maka thaungania bana kwalafana tha Abraham fasida!

Luke 12:17

Ma nia ka manata 'ana tala'ana, ka 'una 'eri, ‘Taa na kwai ilia? Nau 'e a'i kwasi too na'a 'ana ta si kula ura betalana foana o'ola nau ki.

Luke 7:38

Nia 'e kotho kau 'i luma, maka takwe 'i buira tha Jisas otofana 'aena, ma 'e angi maka fa'agwinaa 'aena tha Jisas 'ana kafona maana. Sui, ka usua 'ana ifuna gwauna, maka nono'ia 'aena. Sui nia ka 'ikia na waiwai makwa le'a 'eri fafona 'aena tha Jisas.

Luke 7:40

Tha Jisas 'e lu'ua maka ba'e 'una 'eri fana, “Saemon 'ae! Kwai fa'arongo 'oe fasi 'ana te'e si doo.” Nia ka ba'e 'una 'eri, “Iu wane ni to'o doo 'ae, 'o fa'arongo nau mai.”