Luke 7:19 - To'abaita Scripture NT

¹⁹ ma ka fale keero'a keka lae sana tha Lord, ma keka soeto'ona keka 'una 'eri, “mani 'oe na'a na wane ba kai fula mai, mada a'i miki ma'asia 'amali'a ta wane 'ee'eta?”

Ṉa Alaofua Falu 1923 1949

¹⁹ Ma tha Jone e ailia ro wane ana toa nia ne toleda, ka arasida isatha Jesus, ka una eri, Oe na wane ba na kai lae mai, mado miki lio uria ta wane eeta?

Luke 7:19 Referans Kwoze

Luke 10:1

'I buira na doo 'eki, Lord ka filia fiu taafulu wane ki ma roo wane ki, ma ka faleda keka lae to'o rooroo wane ki, fasi keka lae 'i na'o 'ani nia ura kula ki sui na nia kai lae uria.

Luke 7:13

Si manga na Lord 'e rikia gwa 'oru 'eri, nia ka kwaimanatai 'asiana'a fana, maka ba'e 'una 'eri, “'Osi angi la'u.”

Luke 7:20

Ma si manga keero'a fula sana tha Jisas, keka soeto'ona 'una 'eri, “Tha Jon Thababtis 'e arasi kamare'a mai ura soeto'omulaa, 'una 'eri ma 'oe na'a na wane ba na kai fula mai, mada a'i miki ma'asia 'amali'a ta wane 'ee'eta?”

Luke 11:1

'Ana te'e fa thato, tha Jisas 'e fo'a 'ana te'e si kula. Ma si manga 'e fo'a ka sui na'a, te'e wane 'ana disaepol nia ki ka ba'e 'una 'eri uri nia, “Wane'inoto 'ae, 'o to'olangania fo'alaa 'i samili'a, 'uria la'u bo'o tha Jon 'e to'olangania fo'alaa 'i sana disaepol nia baa ki.”

Luke 11:39

Ma tha Lord ka ba'e 'una 'eri fana, “Kamalu'a Farasi ki, mulu manata isifuufuli 'asia na'a ura sa'ulana bana na bali 'i maa 'ana tiitiu ni ku'u ma fangalaa ki. Sui taa, 'i laa na ruuru'umulu'a 'e fungu 'ana ta'alaa ki sui.

Luke 12:42

Nga Lord 'e lu'ua ka sore'a, “Nga wanenira na 'e raa mamana maka kokota na wane'inoto kai alu nia ura liolaa sulia wanenira nia ki, ura falelana si moringa 'ana fangalaa kera ki 'ana si manga ni fangalaa.

Luke 13:15

Ma tha Lord ka lu'u nia 'una 'eri, “Mulu lole'e too 'ana kokotolaa! Kamalu'a 'ana sabat, musi lukea bo'o buluka mada dongki kamalu'a fasia bi'u ni toolaa nia, ura talailana uria ku'ulaa?

Luke 17:5

Ma 'aina aposol nia ki keka sore'a sana Lord, “'O fa'asuukwa'ia fiito'oa kamali'a!”

Luke 17:6

Ma nia ka sore'a 'una 'eri, “Mada sa 'oko too mena 'amu'a 'ana na fito'oa mala ta kali mige'e mastad, 'e tala'ana bana 'oki sore'a sana thaame'e 'ai ba'ita ne'e, ‘'oki tata'e fa lalimu ma 'oki fa'ata'e 'oe 'i tala'amu 'i laa 'amali fuu,’ ma nia kai adesuli 'oe.

Luke 18:6

Ma tha Lord ka sore'a, “Rongoa taa na wane ni soredoo 'ana keeketoa 'e sore'a.

Luke 19:8

Sui ma tha Sakeas ka tata'e ma ka ba'e 'una 'eri ura tha Lord, “Lord, nau kwai falea te'e bali 'ana aludooa nau ki fana imole siofa'a ki, ma mada sa ta imole na kwa kaubarea 'ana takisi, kwai du'ua fai si manga la'u 'i fada.”

Luke 22:61

Lord 'e bulasi ma ka lio kokota bona'a kau uria tha Pita. Si manga 'eri tha Pita ka onoto'ona, na ba'ea ba na Lord 'e 'aratania 'i sana, “Sui fata'i na kukua ka a'i tara'ena, 'oe 'oki tofe nau ulu si manga.”

Luke 24:34

ma keka sore'a, “Nia 'e mamana! Tha Lord 'e tata'e fasi maea ma ka faata'i sana tha Saemon.”