Luke 6:21 - To'abaita Scripture NT

²¹ 'E le'a famalu'a imole ki na mulu thaofa si manga 'eri, sulia kamalu'a muki aabusu. 'E le'a famalu'a imole ki na mulu aangi si manga 'eri, sulia kamalu'a muki waela.

Ṉa Alaofua Falu 1923 1949

²¹ Lea iamulua, toa na muki thaofa maṉa eri: uria na toto muki abusu. Lea iamulua, toa na muki aṉi maṉa eri: uria na toto muki waela.

Luke 6:21 Referans Kwoze

Luke 1:53

Ma wane ki na kera thaofa, nia 'e thareda 'ana doo le'a ki, ma ka arasia wane riki'i doo ki bia 'abe'e doo gwa'u.

Luke 6:25

'E ta'a ka tatha famalu'a imole ki na mulu fanga aabusu si manga 'eri, sulia kamalu'a muki thaofa. 'E ta'a ka tatha famalu'a imole ki na mulu waela si manga 'eri, sulia kamalu'a muki liodila, ma muki aangi.

Luke 6:20

Tha Jisas 'e lio kau fana disaepol nia ki ma ka sore'a, “'E le'a famalu'a imole ki na mulu siofa'a, sulia 'inotoa tha God doo kamalu'a.

Luke 6:22

'E le'a famalu'a si manga na imole ki kera lalakwata'i kamalu'a, keka kwalangi kamalu'a, keka ngata labata'i kamalu'a, ma keka su'a 'ani kamalu'a nunufana Kaluwane imole.