Luke 20:17 - To'abaita Scripture NT

¹⁷ Jisas ka lio fiifii uri kera ka soeto'oda, “Taa na to'olonga'ilana si keekeda abu ne'e, “ ‘Gwa fau na wane ni kasibi'ulaa ki kera lalakwatania, nia na gwa fau to'ongado 'ana bi'u 'eri.’

Ṉa Alaofua Falu 1923 1949

¹⁷ Ma nia e lio urida, ka sorea, Mania si ta neri na kera keda, Gwa fau na toa na kera kasibiu kera lalakwa ania, Fau eri kera alua i gwauna lokosuua?

Luke 20:17 Referans Kwoze

Luke 22:37

Keekeda abu 'e sore'a: ‘Kera te'ema'i nia biia na to'a abula ta'aa,’ ma ku fa'arongo kamalu'a na doo 'eri kai fuli bona'a 'ani nau. Iu, taa na kera kedaa suli nau kai mamana bona'a.”

Luke 24:44

Nia ka sore'a 'i sada, “Ku fa'arongo kamalu'a, si manga na ku too 'uu bii kamalu'a: Si doo ki sui na kera kedaa suli nau 'i laa biibiranga ki tha Mosisi, na Profet ki ma na Saams ki kai fuli te'e fau.”

Luke 22:61

Lord 'e bulasi ma ka lio kokota bona'a kau uria tha Pita. Si manga 'eri tha Pita ka onoto'ona, na ba'ea ba na Lord 'e 'aratania 'i sana, “Sui fata'i na kukua ka a'i tara'ena, 'oe 'oki tofe nau ulu si manga.”

Luke 19:41

Si manga na 'e lae na mai uria 'i Jerusalem ma ka rikia toaa susu 'eri, ma nia ka angi uria.