Luke 16:15 - To'abaita Scripture NT

¹⁵ Ma nia ka sore'a 'i sada, “Kamalu'a na to'a mulu ili bamalu'a ura too kokotolaa 'i maana imole ki, sui taa tha God 'e thaito'omana bana mangomulu'a. Sulia si taa na imole ki kera riki 'inoto 'ania, tha God 'e mamagu 'ania.”

Ṉa Alaofua Falu 1923 1949

¹⁵ Ma nia ka soree isada, Kamulua toa na mulu tala sorea inaofana imole na mulu kokoto; ma tha God e thaitoomana ruruumulua: uria si do na kera faabaita i maalutana imole ki si do na tha God e rikia ka mamagu ania.

Luke 16:15 Referans Kwoze

Luke 11:39

Ma tha Lord ka ba'e 'una 'eri fana, “Kamalu'a Farasi ki, mulu manata isifuufuli 'asia na'a ura sa'ulana bana na bali 'i maa 'ana tiitiu ni ku'u ma fangalaa ki. Sui taa, 'i laa na ruuru'umulu'a 'e fungu 'ana ta'alaa ki sui.

Luke 10:29

Sui ta, wane to'odoo 'eri, 'e thathamia kai faatania na marukia nia 'e kokota bana, ma nia ka soeto'ona la'u tha Jisas ka 'una 'eri, “Ma tei na wane nau 'eri?”

Luke 18:21

Wane 'eri ka olisia ka 'una 'eri, “Doo 'eki sui ku ade mai sulia si manga ku fa'ekwa 'uu.”

Luke 18:11

Na Farasi 'eri 'e takwe talifili nia ka fo'a, ‘God, nau ku tango 'oe sulia nau 'e a'i kwasi 'uria tei imole ki la'u mala to'a ni bili ki, to'a ililana doo ta'aa ki, to'a olodola ki ma wane ne'e ni konilana takisi.

Luke 20:47

Keka bilia aludooa kini 'oru ki, ma ura rikilana bana, keka fo'a 'ana fo'aa ki na 'e tekwa. To'a 'eki keki todaa kwaakwa'ea na kai ta'a 'asia na'a.”

Luke 20:20

Ma keka lio laalae suli nia, keka falea to'a na kera abula mala to'a na kera kokota, ura keki ura'i nia. Kera thathamia keki fulato'ona ta si doo na tha Jisas kai sore'a na kai garo fasi keka ra'u nia faafia, fasia keki fale nia fana wane gwaunga'i 'i Rom.

Luke 18:9

Jisas ka fa'arongoa la'u na tarifula ne'e sana imole ki na kera manata ngado bana 'ana kokotolaa kera 'i tala'ada, ma keka lio fa'ekwa 'ana tei imole ki la'u.

Luke 18:14

“Ku fa'arongo kamalu'a na wane abula ta'aa ne'e, na 'e oli luma nia, ma ka kokota maana tha God, a'i la'u na Farasi ba. Sulia na to'a na kera fafaka'o kera tala'ada keki fa'afa'ekwa kera, ma to'a na kera fa'afa'ekwa kera tala'ada na keki fa'aba'ita kera.”