Bobiaŋ Biŋe Makji quraŋgaya 6:41 - Mape

⁴¹ Ŋe rabi poroŋ 5 eru jembaeŋ yoyoka oi roru Sombuŋgo pime ropeme mifiagaru poroŋ bajiku kiŋariŋpuine yareme ŋiŋigo qoko so boroiŋgaru botuyaŋuŋgo ruabuŋ. Jembaeŋ yoyoka oi oŋuakoŋ qoko sosowo yoŋore boroiŋgaya.

Bobiaŋ Biŋe Makji quraŋgaya 6:41 Referans Kwoze

Matyu 14:19

Oŋu yajiru ŋiŋigo kubu sogo yoŋo kegbaŋgo wakiru ŋeninde mitiga yareko ŋebuŋ. Ŋebi poroŋ 5 eru jembaeŋ yoyoka oi roru Sombuŋgo pime ropeko mifiagaru poroŋ bajiru kiŋariŋpuine yareme ŋiŋigo kubu so boroiŋ yabebuŋ.

Bobiaŋ Biŋe Makji quraŋgaya 7:34

Bouoru Sombuŋgo pime ropeme gobogobo oŋga wosiru iŋoyoŋunde buŋoo “Efata,” noŋunde buŋoo ‘Unto,’ oŋu miya.

Bobiaŋ Biŋe Lukji quraŋgaya 24:30

Ŋeku yokoke uqo noiŋgo ore eru poroŋ roru mifiagaru bajiku yateiŋgo eko ya iŋi fukeya:

Bobiaŋ Biŋe Lukji quraŋgaya 9:16

Ŋe rabi poroŋ 5 eru jembaeŋ yoyoka oi roru Sombuŋgo pime ropeko mifiaya. Mifiagaru poroŋ bajiru kiŋariŋpuine yareme ŋiŋigo kubu so boroiŋgaru botuyaŋuŋgo ruabuŋ.

1 Korint 10:31

Ore eru uqo obu nonimiŋ, eru oi me oi enimiŋ, oi sosowo Anuture tinabiŋeji saueiŋgo ore eru eku goinebi.

Bobiaŋ Biŋe Jonji quraŋgaya 17:1

Yesuji buŋo oŋu mitariru Sombuŋgo oobe pime ropeko iŋi oŋga wosiya, “Mamane, goji moreŋ so ŋiŋigo sosowo Madego nonde rurumaŋgo rua yabende usuŋ paio Ofoŋ eyarego. Ŋiŋigoji Madego nonde buŋo soine so ŋadi gaku odureru gonimiŋ. Goji ŋiŋigo botuyaŋuŋgone goine bomukuru nonde meo rua yaberu iŋi mitiga naremeŋ, ‘Go oi sosowo qaji yabende gogo sanaŋine bofukeru goinebi.’ Gio oi ba forebe Madegoji tinabiŋego mi sogueiŋgo ore kuririquraŋgo nareigoŋ. Nonde damaŋ oi muŋambe yo ware fukeme dimaku oŋu oŋga wosigo.

Bobiaŋ Biŋe Jonji quraŋgaya 11:41

Oŋu miko ko qoririkebi rako Yesuji paibe pime ropeko iŋi miya, “Mama, go oŋgawowosine manege ore eru ‘Beufii fiine!’ migarego.

Bobiaŋ Biŋe Makji quraŋgaya 14:22

Uqo noku ŋeku Yesuji poroŋ roru mifiagaru baji yareru iŋi miya, “Yo nakene fu. Oi roru noniŋ.”

Kolosi 3:17

Eebobo oi me oi miji me eeboboji eku enimiŋ oi sosowo Ofoŋ Yesure tinao eku goinebi. Oŋu ebi Kristoji maŋgo eŋareko Mama Anutu ohowe ohowe miteku goinebi. Oŋu.

Rom Quraŋ 14:6

Goineji unaine unaine osoeru roperu wakiru ruaegobi, yoŋoji oi Ofoŋ tinabiŋe oteiŋgo maneru eegobi. Goineji joma sosowo noegobi, yoŋoji Anutu miteŋ garu Ofonji oŋu tinabiŋeineke fukeiŋ ore noegobi. Goineji joma goinere sowo goegobi, yoŋoji Ofonji tinabiŋeineke fukeiŋ ore maneru oi eegobi eru oŋu goku Anutu miteŋ gaegobi.

Bobiaŋ Biŋe Jonji quraŋgaya 6:23

Oŋu manesuku goineji iŋi mibuŋ, “Ogâ moakoŋgo rabuŋyoŋ, fofori, Taiberias taoŋgone ogâ goine warebuŋ. Ogâ oi Ofonji poronde daŋge miku oŋga wosigako noku ŋebeŋ, moreŋ ore bembeŋgo warebi Yesuji ogâ yoŋoreone mogo roperu raya me uruŋu?”

Bobiaŋ Biŋe Jonji quraŋgaya 6:11

Wakiru ŋebi Yesuji poroŋ oi roru daŋge miku oŋga wosiru ŋiŋigo ŋebuŋ, oi boroiŋgaru yareya eme jembaeŋ oi oŋuakoŋ boroiŋgaru aŋiyaŋunji mibuŋ ore so yareya.

Matyu 26:26

Uqo noku ŋeku Yesuji poroŋ roru mifiagaru bajiku yareru iŋi yajiya, “Yo nakene fu. Oi roru noniŋ.”

Matyu 15:36

Waki ŋebi poroŋ 7 eru jembaeŋ oi roru Anutu oŋga wosiru daŋge miku bajiru kiŋariŋpuine yareme yoŋoji oi ŋiŋigo kubu so boroiŋga yarebuŋ.

Aposol 27:35

Oŋu miku Polji poroŋ roru sosowo yoŋore jiŋo maio Anuture daŋge miku ketigaru fuŋgaru naya.

Bobiaŋ Biŋe Makji quraŋgaya 6:40

Oŋu mitiga yareme bembeŋgo qokoine qokoine roiŋgaru ŋebuŋ. Kubu goine 100 eru goine 50 oŋu oŋu qodureru ŋe rabuŋ.

Bobiaŋ Biŋe Makji quraŋgaya 6:42

Boroiŋgame ŋiŋigo sosowo noku gaba yabeya.

Bobiaŋ Biŋe Makji quraŋgaya 8:19

Nonji poroŋ 5 oi ŋiŋigo 5,000 yoŋore bajibe ore mobeine roru qojugabi jambe wojimu rakaru puseya?” Weu yareya “Jambe 12,” ojibuŋ.