Matyu 8:29 - Mape

²⁹ Yokoji Yesu bofukeru jojoraku iŋi oŋga jorabu, “Ae! Go Anuture Made fukege. Go uruŋu enoreiŋgo warege? Joiserereŋ mamane damaŋineji so ware fukeko ronekoŋ oi joineke enoremiŋ ore yo warege me?”

Matyu 8:29 Referans Kwoze

Bobiaŋ Biŋe Makji quraŋgaya 1:24

“O Yesu, Nazaret ŋi! Go uruŋu eru enoreiŋgo ege? Bosembe nobeiŋgo ore warege me? Noŋ fuŋnego mane mukugo. Go Anuture ŋi Roosiŋine fukege.”

Bobiaŋ Biŋe Lukji quraŋgaya 4:34

“Ae! Yesu, Nazaret ŋi! Go uruŋu enoreiŋgo ege? Niŋo sibiri nobeiŋgo ore warege me? Noŋ fuŋnego mane mukugo. Go Anuture ŋi Roosiŋine fukege.”

Jeims 2:19

Go “Anutu moakoŋ goga, oi manesiŋ gago,” mige, oi fiine! Gemokaku yoŋoji oŋuakoŋ oi manesiŋ gagobi. Oi manesiŋ gagobiyoŋ, oiji kukuga yareme Anuture maŋyaŋuŋ yoyowogaega.

Bobiaŋ Biŋe Makji quraŋgaya 5:7

Dikanji bakaigame Yesuji gemoine oi iŋi ojiiŋgo eya, “Gemo sembene, go bio ŋi yo bokeru ra!” Oŋu miiŋgo eme fonuŋ ooŋ soguine oŋga rurugaru miya, “Ae! Yesu, go Anutu ropekiinere Made fukege. Go uruŋu eru enoreiŋgo warege? Nonji Anuture jiŋo maio karieru weu garego: Go buŋo kiperu mimipaŋ buŋoji misanaŋgaru joiserereŋ joineke so enareigoŋ.”

Bobiaŋ Biŋe Lukji quraŋgaya 8:28

Gemoji damaŋ joroine poreru qoimo eteko ŋi kokoineji meine maŋguine qaku kufuine gbediji (niginji) kiperu siŋaŋ garu gobuŋyoŋ, nigiŋine oi poreme tiŋako gemoji bapakareko moreŋ buroineo raru kosa goya. Ore eru Yesuji gemoine oi iŋi mitigaiŋgo eya, “Gemo sembene, go waperu ŋi yo bokeru ra.” Oŋu miiŋgo eko Yesu ŋoneru jojoraku moreŋgo bembeŋgo rakaru oŋga jojoraku iŋi oŋgaya, “Ae Yesu, go Anutu ropekiinere made fukege. Go uruŋu enaremiŋgo ore yoo warege? Nonji karie garego: Go joiserereŋ joineke so enareigoŋ.”

2 Pita 2:4

Ketoqototie fukeiŋ ore siŋaŋ bobo buŋo goine oi iŋi: Sombuŋ mimerereŋ goineji Anuture mi qomukuru agiburaŋ ebuŋ, Anutuji oi ŋone yabe emboŋ so eyayoŋ, igo yabeko misi korugo yukube rakabuŋ. Igo yaberu qisiri didi dikiineo rua yaberu aeŋ gbediji (chain) nigiŋ yabeya. Nigiŋ yaberu siŋaŋ yabeko buŋoyaŋuŋ mitariiŋgo ore odi ŋe wapegobi.

Matyu 4:3

Uqore komeko gemokaku qoruyaŋuŋ tinaine Eesoi Rauine iŋoji fukeru iŋi ojiya, “Go Anuture Made fukege ine, go usuŋgo naduru ko yo mitigande qowirieru poroŋ fukeme noigoŋ.”

Bobiaŋ Biŋe Jonji quraŋgaya 2:4

Oŋu ojime iŋi ojiya, “Maŋgone, oi uruŋu ebemiŋ ore mige? Mitiga narege me? Nonde mosi qoqowirie bobo damanji so wareru fukeme gogo.”

Bobiaŋ Biŋe Lukji quraŋgaya 4:41

Gemo yoŋoji oŋuakoŋ ŋiŋigo kokoine yoŋore maŋgone wape jojoraku iŋi oŋgabuŋ, “Go Anuture made fukege.” Yesuji Munaŋqoqo Rauine Kristo fukega, yoŋoji oi manebuŋ ore Yesuji miyareru miyaŋuŋ qojigaru yobe yabeya. Oŋu.

Juda 1:6

Oŋuakoŋ Anutuji Sombuŋ mimerereŋpuine siŋaŋyayabe jokoroŋyaŋuŋ rua yabeme gobuŋyoŋ, yoŋoreone goineji manjo eru buŋo yukuineo so raru yoŋoyaŋunde siŋaŋyayabe jokoroŋ siŋaŋ yabenimiŋgo maŋmoakoŋ so eru sayaŋuŋ tiebuŋ. Buŋo qoqomuku ebuŋ ore eru Anutuji oi igo yabeme morumboŋ ŋeŋe piyaŋuŋ bokeru wakibuŋ. Wakibi “Damaŋ sogoo buŋoyaŋuŋ mitaribemiŋ,” miku gbediji nigiŋ yaberu qisiri maŋgo rua yabeko ŋe wapebuŋ damaŋ tatariine tomiri ŋe ropenimiŋ. Siŋaŋ bobo buŋo oi ŋoŋore eru moke migo.

Aposol 16:17

Iŋoji Pol eru niŋo ŋone noberu niŋore ŋadio wareru iŋi miku oŋgaya, “Ŋi yo yoŋoji Anutu ropekiine sogore kiŋaŋ qaku Sombunde biŋe fukeiŋ ore fuŋine mitaniŋga yareegobi.”

Bobiaŋ Biŋe Makji quraŋgaya 3:11

Gemoine gemoine yoŋoji Yesu ŋoneru jiŋo maiineo moreŋgo rakaru iŋi oŋgabuŋ, “Go Anuture Made fukege!”

Matyu 8:30

Oo akoŋ jorigo matayoŋ, maŋfuŋyaŋuŋgo oo kaneŋ kubu soguine mo kegbaŋ maŋineo qojugaru gobuŋ.