Matyu 4:12 - Mape

¹² Ore ŋadiineo Jon Mitimeso ŋi witi pigo ruabi ŋeko Yesuji oi maneru Judia prowins bokeru Galili raya.

Matyu 4:12 Referans Kwoze

Bobiaŋ Biŋe Makji quraŋgaya 1:14

Jiki Jon witi pigo ruabi ŋeya. Yesuji damaŋ oo Galili prowinsgo kirieru raya. Raru Anuture Bobiaŋ Biŋe mitaniŋgaru goya.

Bobiaŋ Biŋe Lukji quraŋgaya 3:20

Miteme sembeneine mo jikigaru eru Jonde gio ketigaru mamari siŋaŋine miko Jon roru witi pigo ruabuŋ. Oŋu.

Matyu 14:3

Oi yoore eru miya: Herodji gboine Filipre ŋonuŋ Herodias kamiine roko Jon Mitimeso ŋiji kiŋ buŋo miteme kambanti sore yabeme raru Jon roru nigiŋgaru witi pigo ruabuŋ.

Bobiaŋ Biŋe Jonji quraŋgaya 3:24

Damaŋ oo Jon iŋo witi pigo so ruabuŋ ŋeya.

Bobiaŋ Biŋe Lukji quraŋgaya 4:14

Yesuji moreŋ buroine bokeme Moro Tiriinere usunji iŋoke dimako Galili prowinsgo kirieya. Kirieme buŋo biŋeineji saueru pi kae roregaru ŋe rabuŋ, oi sosowo sagaru raya.

Bobiaŋ Biŋe Makji quraŋgaya 6:17

Oi iŋi ore miya: Herodji gboine Filip ŋonuŋine Herodias sumuŋgaru roko Jon Mitimeso ŋiji kiŋ koito ojiku miya ore kambanti sore yabeme raru Jon roru kiperu witi pigo ruabi.

Bobiaŋ Biŋe Jonji quraŋgaya 4:54

Yesuji Judia bokeru Galili prowins maŋgo wareru mosi qoqowirie mo yo eme ateine yoyoka fukeya. Oŋu.

Bobiaŋ Biŋe Jonji quraŋgaya 4:43

Yesuji Samaria goko una yoyoka tariko boke yaberu Galili prowinsgo raya.

Bobiaŋ Biŋe Lukji quraŋgaya 4:31

Yesuji Galili prowins maŋineo Kaperneam taoŋgo wakiru roperu Sabat kombaŋgo ŋiŋigo kubu qaji yareya.

Matyu 11:2

Damaŋ oo Jon Mitimeso ŋiji witi pigo ŋeku Kristoji gio oŋu baya, oi maneru kiŋariŋyokaine yoyoka sore yapeme Yesureo rabu.

Bobiaŋ Biŋe Lukji quraŋgaya 23:5

Oŋu yajiko moke yameŋ keku bapakareru mibuŋ, “Iŋoji ŋiŋigo kubu bapakare yaberu Biŋe buŋoine Galili prowinsgo fuŋgaru qaji yareru moreŋ sagame wareru Judia prowins yoo oŋuakoŋ oi misaueega.”

Bobiaŋ Biŋe Jonji quraŋgaya 1:43

Kae fureme Yesuji Galili prowinsgo raiŋgo raru kadio ŋi tinaine Filip bofukeru iŋi ojiya, “Go noŋ boyobe nuru ware!”

Bobiaŋ Biŋe Jonji quraŋgaya 2:11

Yesuji mosi qoqowirie fuŋfuŋgaine yo oi Galili prowinsre kae tinaine Kana oo baya. Oi baku oo usuŋine totogo barariŋga yareya. Oŋu barariŋga yareko kiŋariŋpuineji manesiŋ gabuŋ.