Bobiaŋ Biŋe Lukji quraŋgaya 9:35 - Mape

³⁵ Gburugburu yabeko dimabi kuaŋ maŋineone buŋo maru mo iŋi wakiko manebuŋ, “Ŋi yo oi nakene made. Oi ŋiŋigo munaŋ qa yareiŋ ore roosoeboŋ. Ŋoŋo iŋore buŋo maneru goinebi.”

Bobiaŋ Biŋe Lukji quraŋgaya 9:35 Referans Kwoze

Bobiaŋ Biŋe Lukji quraŋgaya 3:22

Aŋgame Moro Tiriineji kerisieru kabu webo oŋuine fukeru Yesure paio wakiya. Oŋu wakiko Sombuŋgone buŋo maru mo iŋi fukeya, “Goji nakene wombuŋ made fukende beune fiame ŋoneguru aŋi manego.” Oŋu.

Matyu 3:17

Waki roko Sombuŋgone maru mo iŋi fukeya, “Iŋoji nakene yoro made fukega ore eru beune fiame ŋoneru aŋiine manego.” Oŋu.

Hibru 5:9

Oi maneru kuririine sosowo bofukeru seŋgiŋbaŋgiŋ tatariine tomiri gokiminde kukure Rauine fukeya. Ore eru ŋiŋigo iŋore mi reŋgaru gogobi, oi sosowo soine kure yareme seŋgiŋbaŋgiŋ bofukenimiŋ.

Hibru 3:15

Biŋe buŋo oi moke miku iŋi quraŋgago, “Muŋambe Anutuji oŋga ŋareme buŋoinere saŋu bame manegobi ine, maŋ-ŋaŋuŋ so kebojigainebi. Ŋoŋore apa ŋasopuji Anutu qougaru oyowo ebuŋ, ŋoŋoji ore so Anutu so qougaru einebi.”

Hibru 2:3

Yoŋoji yobiŋ bofukebi niŋo oŋuakoŋ buŋo qakimiŋ ine, ore geoinere uruŋu kamieru usenobeŋ? Munaŋqoqo gio sogo oi keta paio qaqouma ekimiŋ ine, ore geoineone kamieru useiŋgo embimbiŋgakimiŋ. Ofonji fuŋgaru munaŋqoqore fuŋne barariŋga ŋareko goineji buŋo oi miineone maneru kitiŋgaku misanaŋgakabi saueru saga nobeya.

Bobiaŋ Biŋe Jonji quraŋgaya 3:16

“Ore fuŋine oi iŋi: Ŋiŋigo oi manesiŋ gaegobi, yoŋoreone moji egu sibirigaiŋgo eru Anutuji moreŋ so jeŋgoma manjoko enoreya. Noŋuŋ sosowo qowirieru gogo sanaŋinere biŋe fukekimiŋ ore eru Madeine moakoŋ yobu oi noreya.

Matyu 12:18

“Ŋoneniŋ, yo nonde gio ŋi fukeko iŋo roosoeboŋ. Nonji yoro ogone iŋore manebe beune fiame maŋneji iŋore jerieego. Nonji Morone Tiriine iŋore maŋgo sagaiŋ ore sorebe kame iŋoji buŋo poretiŋ akoŋ mitariego ore Biŋe buŋo barariŋga ŋareru misaueko kantriine kantriine yoŋoreo raiŋ.

Bobiaŋ Biŋe Makji quraŋgaya 1:11

Oi ŋoneme Sombuŋ kaeone buŋo mo iŋi fukeya: “Goji nakene wombuŋ made fukende beune fiame ŋoneguru aŋi manego.” Oŋu.

Bobiaŋ Biŋe Lukji quraŋgaya 9:34

Oŋu miku dimako kuaŋ moji wakiru konuineo komoŋ yabeme kuaŋ maŋgo goku waragaku gburugburu yabeya.

Bobiaŋ Biŋe Jonji quraŋgaya 12:28

O Mama, go gakere kuririquraŋ nareku tinabiŋego bosogueigoŋ.” Oŋu oŋga wosigako Sombuŋgone buŋo iŋi fukeya, “Nonji kuririquraŋne gareku oo tinabiŋene bosogueba eru jikigaru bosoguebe saueru raiŋ.”