Bobiaŋ Biŋe Lukji quraŋgaya 22:5 - Mape

⁵ Yoŋoji oi maneru “Ayo!” miku maŋyaŋunji fiame furiine moneŋ oteiŋgo ore buŋo kipebuŋ.

Bobiaŋ Biŋe Lukji quraŋgaya 22:5 Referans Kwoze

Juda 1:11

Anutuji qaqaji jijibuine yoŋore geo bokirie yareko joiserereŋ soguine manenimiŋ ore oŋga joroku “Yei!” migo. Ŋiŋigo jijibuine yoŋoji ŋi Kein (Kain) iŋore kadi boyoberu raegobi. Jiki rosi ŋi koito moji ŋi tinaine Balam furi oteme Israel ŋiŋigo eadu yabeko tiŋtuŋ qabuŋ. Qaqaji jijibuine yoŋoji Balam iŋore mosi boyoberu moneŋ bofukenimiŋ ore manjo maneru ya biobio ebibieru kosa jibugaegobi. Ŋi tinaine Kora iŋoji Moses eru Aron qoqomuku paio kiso eyateru oo sibirigaya, qaqaji yoŋoji Kora oŋuine kajegi eru goku sibiriganimiŋ.

2 Pita 2:15

Yoŋoji kadi poretiŋ ŋadi gaku maŋjijibu tiŋtuŋ raru kajeqouŋ ŋi Balam Beor madeine iŋore manjo kadi boyobeegobi. Rosi ŋi koito moji Balam Israel ŋiŋigo eadu eyareiŋ ore furi oteya, maŋ aŋiineji moneŋ oi roiŋ ore fuke teya.

2 Pita 2:3

Qaqaji jijibuine yoŋoji ebu eru binaŋ fuŋne fuŋne momimi (buŋo qouŋgaru) kosa misaueku gonimiŋ. Oŋu gobi ŋoŋoji oi maneru afagaru moneŋ ya roru qojugabi kosa bojiqojibu baru gonimiŋ. Anutuji ŋiŋigo oŋuine yoŋore buŋo ronere ronekoŋgo mitariru geoine bokirieme paiyaŋuŋgo ropeiŋgo pega. Anutuji ketoqototie yabeiŋgo ore etaŋqataŋ niniga so eiŋyoŋ, fofori yobu joiserereŋ maneru gonimiŋ.

Aposol 8:20

Oŋu yasiyayoŋ, Pitaji iŋi ojiya, “Ae! Use! Goji Anuture yauŋ oi monenji furiine baiŋ ore mige. Ore eru go moneŋgoke misi korugo rakaigoŋ.

Aposol 1:18

“Judasji eebobo sembene eru furiine otebi roru oiji moreŋ rondiŋ mo furiine baya. Oi baku oo ubeine bopogaru qoruineji kerisieru moreŋgo igako beuine pougako ata beumaŋgoine kakaine gboine oi sosowo igajiri waperu wakiya.

Bobiaŋ Biŋe Lukji quraŋgaya 22:4

Iŋoji soriŋ gio siŋaŋ eru sorinde sa siŋaŋ qoruine yoŋoreo raru Yesu babae baru meyaŋuŋgo ruainde buŋo yajiya.

Bobiaŋ Biŋe Lukji quraŋgaya 22:6

Buŋo kipebi Judasji Yesu kamiine babae baru meyaŋuŋgo ruainde kadi baaru ŋone yoyoberu goya. Oŋu.