Bobiaŋ Biŋe Jonji quraŋgaya 9:21 - Mape

²¹ Oi manegobereyoŋ, uruŋu eru muŋambe yo jiŋoine piku ŋonega, oi so manegobere. Moji jiŋoine botigame ŋonega, niko oŋuakoŋ so manegobere. Koko mata, sogueru iŋoyoŋe goku mamane-mukuineke fukega. Ore eru iŋoyoŋune weu tebi fuŋneine soine miiŋ.”

Bobiaŋ Biŋe Jonji quraŋgaya 9:21 Referans Kwoze

Bobiaŋ Biŋe Jonji quraŋgaya 9:20

Weu yatebi iŋi bokiriebire, “Ŋi yo nikore made fukega eru jiŋokombi fukeya, oi soine manegobere.

Bobiaŋ Biŋe Jonji quraŋgaya 9:22

Juda minebobo yoŋore kokoi maneru oŋu yajibu. Yoŋoji botuyaŋuŋgo buŋo iŋi kiperu maŋmoakoŋ eru dimabuŋ, “Moji ‘Yesu Munaŋqoqo Rauine Kristo fukega,’ oŋu miku fukeiŋ ine, iŋo oŋgawowosi pi kubu sogoone yobekimiŋ.”

Bobiaŋ Biŋe Jonji quraŋgaya 9:23

Buŋo ore eru iŋi yajibu, “Koko mata, iŋo maŋkajeineke. Ore eru iŋoyoŋene weu teniŋ.”

Bobiaŋ Biŋe Lukji quraŋgaya 8:43

Ketuŋbotuŋ eteru rabi oo botuyaŋuŋgo ŋigo mo goya. Iŋoji kaindari gosa 12 ore so ŋoneru jibe bame goya. Iŋoji sakisiŋaŋ yoŋore furi moneŋ meboine sosowo bokeru gokame sakisiŋaŋ sosowoji bobiaŋ gaiŋgo embimbiŋgabuŋ.

Bobiaŋ Biŋe Jonji quraŋgaya 5:5

Oo ŋi mo gosa 38:re so jibe bame peku goya.

Bobiaŋ Biŋe Jonji quraŋgaya 9:10

Oŋu miko iŋi weubuŋ, “Jiŋogo uruŋu eru pige?”

Aposol 9:33

Roperu oo ŋi mo tinaine Ainias bofukeya. Mobeine komekiine fukeko ŋeŋeo akoŋ peku gome gosa 8 tariya.