Bobiaŋ Biŋe Jonji quraŋgaya 3:28 - Mape

²⁸ Iŋoke goku iŋi miboŋ, ‘Noŋ Munaŋqoqo Rauine Kristo so fukegoyoŋ, Anutuji sore nume rone warego iŋoji ŋadineo wareiŋ.’ Nonji buŋo oi miboŋ, ŋoŋo oi soine ŋoŋo-ŋaŋe kitiŋgaku miku gonimiŋ ore so fukegobi.

Bobiaŋ Biŋe Jonji quraŋgaya 3:28 Referans Kwoze

Bobiaŋ Biŋe Jonji quraŋgaya 1:20

Fuŋine so mugayayoŋ, totogo iŋi mifukeya, “Nonji Munaŋqoqo Rauine Kristo so fukego.”

Bobiaŋ Biŋe Jonji quraŋgaya 1:23

Weubi iŋi yajiya, “Kajeqouŋ ŋi Aisaiaji buŋo mo iŋi miya pega, ‘Noŋ mimerereŋ fukeru moreŋ buroineo goku iŋi oŋgaeego: Ofonji wareiŋ-oo! Ore eru ŋoŋo bio maŋyaŋuŋ botiŋgaru kadiine boburoru bobiaŋgainebi.’ Noŋ ore kiŋaŋ mimerereŋ fukego.”

Matyu 3:3

Jonde kajeqouŋ ŋi Aisaiaji buŋo mo iŋi miku quraŋgaya, “Kiŋaŋ mimerereŋ moji moreŋ buroineo oŋgaku gome raru buŋo fonuŋine iŋi manenimiŋ, ‘Ofonji warei-iiŋ! Ore eru bio jaueru kadiine bataniŋgainebi. Ŋoŋo maŋ-ŋaŋuŋ botiŋgaru kadiine reuinebi.’”

Bobiaŋ Biŋe Jonji quraŋgaya 1:25

Yoŋoji moke iŋi miku weu tebuŋ, “Go Munaŋqoqo Rauine Kristo so fukege eru Elaija me kajeqouŋ ŋi yoŋoreone mo so fukege, ore go wamore ŋiŋigo miti meso rau yareege?”

Bobiaŋ Biŋe Lukji quraŋgaya 1:76

O kokone Jon, goji sogueru goku bonieru raru ŋiŋigo maŋyaŋuŋ botiŋgaru oŋu oiji Ofonde kadi boburonde wareiŋ. Ore eru tinago ‘Anutu ropekiinere kajeqouŋ ŋi,’ oŋu mibi gomiŋ.

Bobiaŋ Biŋe Jonji quraŋgaya 1:27

Ŋi mo nonde ŋadio wareiŋgo miku goboŋ, iŋoji oi fukega. Iŋoji wareru noŋ nadureru sogunene fukeru goiŋ ore nonji iŋore bembeŋgo raru kopu kekereine ruberu kufu komoŋinere nigiŋ pirueiŋgo embimbiŋgabemiŋ.”