Hibru 1:8 - Mape

⁸ Oi oŋu yajiyayoŋ, Madeine oi buŋo mo iŋi ojime pega, “O Ofoŋ, goji morumboŋ ŋeŋegoo damaŋ tatariine tomiri ŋe ropeigoŋ. Gunugo usuŋineke oiji qotiŋ nobende eebobo poretiŋ oiji qorumaŋgore moge fukeru pe ropeiŋ.

Hibru 1:8 Referans Kwoze

Bobiaŋ Biŋe Jonji quraŋgaya 10:30

Noŋ eru Mama nikoji moakoŋ fukeru gogobere.”

Rom Quraŋ 9:5

Yoŋoji miminenoŋuŋ Abrahamde osigidapu yoŋore ŋaso madepuyaŋuŋ gogobi. Kristoji yoŋoreone moreŋ saki fu roru ŋi fukeya. Kristoji Anutunoŋuŋ fukeru ya sosowo siŋaŋ gako tinaine damaŋ tatariine tomiri miteŋ gaekimiŋ. Buŋo oi fofori.

1 Jon 5:20

Buŋo yo oŋuakoŋ manegobeneŋ: Moji ŋi foriine yobu fukega, noŋuŋ oi manekimiŋ ore Anutuji Madeine soreme wakiru mamanetaniŋ noreya. Moji ŋi foriine yobu fukega, noŋuŋ iŋoke qakatoru moakoŋ fukeru gogobeneŋ. Ŋi foriine yobu oi Anuture Made Yesu Kristo. Iŋoji Anutu foriine yobu eru gogo sanaŋinere kukure Rau fukega.

Matyu 1:23

“Ŋigo jeŋoŋ jumuine moji kuake eru made mo rome tinaine Imanuel minimiŋ.” Tina ore fuŋine oi iŋi, “Anutuji noŋuŋke goga.”

1 Korint 15:25

Kristoji siŋaŋ garu go ropeko Anutuji Biŋe buŋo pega ore so “Rosipuine sosowo gbiŋ eru iŋoyoŋunde kufu rurumaŋgo rua yabeiŋ.” Kristore siŋaŋyayabe gioji oo tariiŋ.

Bobiaŋ Biŋe Jonji quraŋgaya 20:28

Oŋu ojime iŋi bokirieya, “O, go nonde Ofoŋ Anutune!”

1 Timoti 3:16

Anutuji munaŋqoqore fuŋne soŋsoŋine barariŋga noreya, niŋoji Biŋe buŋo oi mane taniŋgaru iŋi miku bofukeegobeneŋ: Biŋe Rauine iŋoyoŋe moreŋ ŋi fukeru botunoŋuŋgo fukeya. Fukeko buŋo koroineo ruaiŋgo buŋo kosa baa bibiekabi Moro Tiriineji fuŋine posiine totogo noduya. Oi noduru bapakareko Ofoŋ fukeru pakereru Sombuŋ mimerereŋ siŋaŋ yabeko kuririine fukeme piku ŋonebuŋ. Oi ŋonebi Anutuji ogagame Sombuŋgo roperu Anutuke ŋeku siŋaŋ nobeegobi. Siŋaŋ nobeme Biŋe buŋoine oi kantriine kantriine roregaru mitaniŋgabi kokoine yoŋoji manesiŋ gaegobi. Oŋu mifukekabeneŋ foriine kuririineke fukega. Oŋu.

Bobiaŋ Biŋe Jonji quraŋgaya 10:33

Mi yareko Juda yoŋoji kerisieru mibuŋ, “Niŋoji mosi qoqowirie soguine emeŋ ore eru so koji bokeru guiŋgo egobeneŋyoŋ, Anutu igosisi etege ore geo egarekimiŋ. Go moreŋ ŋi eru sakigo mo ba ropeku Anutu oŋuine fukeiŋ ore mige.”

2 Pita 1:11

Oŋu eru gokabi Anutuji ŋone ŋabeme sagako kepore ŋabeko Sombuŋ kae mendiineji sosowo aŋgame soine akoŋ maŋineo ropenimiŋ. Ofoŋnoŋuŋ Yesu Kristoji Munaŋqoqo eru qorumaŋ Rauine fukega. Iŋore qorumaŋ maŋgo ropebi damaŋ tatariine tomiri siŋaŋ ŋabeko seŋgiŋbaŋgiŋ fukeru gonimiŋ.

Bobiaŋ Biŋe Lukji quraŋgaya 1:75

Iŋoji buŋonoŋuŋ mitariko posikebeneŋ iŋore jiŋo maio gbagbataeŋine fukeru gogonoŋuŋ foriine poretiŋ oŋu goku komekimiŋ.