Aposol 13:47 - Mape

⁴⁷ Ofonji ore buŋoine iŋi mitiga noreya, ‘Nonji bapakare gube kotu kantri yoŋore tatama fukeru munaŋqoqore fuŋne mitaniŋgaru gokande moreŋ qaŋaŋine sosowo saga foreko mobemobe paibe yukube yoŋoji qowirieru Sombunde biŋe fukenimiŋ.’”

Aposol 13:47 Referans Kwoze

Bobiaŋ Biŋe Lukji quraŋgaya 2:32

Goji Munaŋqoqo Rauinere tatama yadunde kotu kantri yoŋore maŋ bapakareko mane taniŋganimiŋ eru tinabiŋegoji gakere kufufuŋ Israel niŋore botugo oŋuakoŋ sogueiŋ.”

Aposol 26:23

Anutuji buru ruame Munaŋqoqo Rauine Kristo iŋoji joiserereŋ maneru komeru ŋi fuŋfuŋgaine komegone pakereiŋ. Pakereru Anutu tatamainere fuŋne oi Juda kubu eru kotu kantri oi barariŋga yareru mitaniŋga yareru gobemiŋgo najiya.”

Aposol 22:21

Oŋu mibe Ofonji najiya, ‘Nonji sore gugo go joroineo kotu kantri ŋiŋigo yoŋoreo raigoŋ.’ Oŋu.”

Aposol 9:15

Oŋu bokirieyayoŋ, Ofonji iŋi ojiya, “Nonji ŋi oi roosoeru manebe buŋone osigaru nonde jigo qaku goiŋ. Oŋu goku moreŋine moreŋine roregaru nonde Biŋe misaueme Israel eru kotu kantri ŋiŋigoji maneenimiŋ. Buŋo koroine koroine oo porebi ŋi ofoŋ kokoine yoŋore jiŋoyaŋuŋgo roperu nonde Biŋe yajiko manenimiŋ. Ore eru jibu raigoŋ.

Aposol 1:8

Oi matayoŋ, Moro Tiriineji wakiru maŋ-ŋaŋuŋgo rakaiŋ, iŋoji usuŋ ŋareme qowirieru nonde fuŋne kitiŋgaku miku goinebi. Oi Jerusalem sitio fuŋgaru Judia prowins sagaru Samaria prowinsgo raru roregaru jikigaru moreŋ qaŋaŋineo paibe yukube mobemobe rabi saga foreku raiŋ.”

Bobiaŋ Biŋe Makji quraŋgaya 16:15

Yesuji iŋi yajiya, “Ŋoŋo kantri so raru moreŋine moreŋine roregaru ŋiŋigo go ragobi ore so Bobiaŋ Biŋene mitaniŋgabi maneinebi.

Matyu 28:19

“Ore eru ŋoŋo moreŋ so raru ŋiŋigo kubu sosowo iŋi ro yabebi nonde kiŋariŋpune fukenimiŋ: Oi Mama, Made eru Moro Tiriine niŋore tinao miti meso rau yareinebi

Bobiaŋ Biŋe Lukji quraŋgaya 24:47

Ore eru ŋoŋoji Jerusalem sitio fuŋgaru Biŋe buŋo nonde tinao mitaniŋgaru kantri sosowo sagaru raru maŋbapakare eyareeinebi. Uri yoŋo maŋyaŋuŋ kerisienimiŋ, Anutuji yoŋore agiburaŋ jureru bokeiŋ.