Matayo 11:3 - Morokodo

³ Zë ako'jonnï ha Yësu iyannï henye, “Ayada zi ze, yï ra kora ma omba tayi kɔdɔ dida ze bi vïdï maako?”

Matayo 11:3 Referans Kwoze

Yowani 11:27

Mo alëzë iya henye, “Ɔɔ Yere, moma yï Korisitɔ ra, Wisi 'ba Wïrï. Yï ra vïdï mati da sösu kö'du mo atayi mï damöku ne.”

Yowani 7:31

Mora vïdï kayo mï kutë vïdï nee ï'dïnnï koma 'bënnï mï mo ehe iyannï henye, “Ëzë Korisitɔ ne ayi, mo ako'dɔ kyïnë 'ba kö'du korowe ndra ta da kora nenye?”

Yowani 6:14

Tapëtï vïdï ongɔnnï kyïnë 'ba kö'du korowe ko'dɔ 'ba Yësu nenye, ayeto kiyannï henye, “Nenye atëdï tïnyö Nëbï mati ëdï zi tayi kinye mï damöku ne.”

Yowani 16:14

Lawo akï'dï wayeto zi ma kö'du kise 'bama koba ehe yada mo zi ye.

Yowani 12:13

zë obannï mbili 'ba mbïrö ehe ï'bënnï yaga zi mo mëtë. Zë agbögbö hë nnï henye, “Wayeto zi Wïrï! Wïrï mï'dï ya'da zi vïdï mati ayi mï ru 'ba Yere! Wïrï mï'dï ya'da zi Yere 'ba Yiserele!”

Yowani 4:21

Yësu iya zi mo henye, “Oma mï ma, mbara, kadra mo ëdï atayi mati vïdï amötunnï 'Bu dekpe da döku nenye mandere mï Yerusalema.

Marako 11:9

Here vïdï mati ëdïnnï dagba ne, ehe vïdï mati alö'bö 'bënnï hulëhu ne, ayeto hë nnï gbögbö, “Wayeto zi Wïrï, Wïrï mï'dï ya'da zi mo mati ayi mï ru 'ba Yere.

Matayo 21:9

Vïdï kayo ne alagannï dagba komo Yësu, zë mati ëdï tayi 'bënnï ta gɔ mo, ayetonnï hë nnï gbögbö, iyannï henye, “Wayeto zi wisi a Dawidi. Wïrï ï'dï ya'da zi mo mati ayi mï ru 'ba Yere, wayeto zi Wïrï.”

Matayo 21:5

“Ayada zi gawo kyedre 'ba Ziyɔnɔ, ongɔ'e vo damöku 'be'e ëdï tayi zi ye. Mo umbë dënï dë, ëdï taho da mokakya, wisi mokakya ëdï zë aba.”

Matayo 11:4

Yësu aya'ba da me'do iya henye, “Ï'bë'e a'ba'e hulëhu ayada'e zi Yowani kö'du ma ëdï akowo'e kongɔ mo aba.

Matayo 11:10

Here kö'du yöru ra iya kö'du ga kö'du mo, ‘Ma kutu vo lö'bö ama dagba komo yï zi gërï yëhu zi bi yï.’