Romanos 13:7 - Alacatlatzala Mixtec New Testament

⁷ Ña̱kán va̱ꞌa taxi yó ndaꞌa̱ ñii ñii ni̱vi ña xíni̱ ñóꞌó taxi yó ndaꞌa̱ na. Tá xíni̱ ñóꞌó chaꞌvi yó xíꞌin si̱ꞌún no̱o̱ nachiño xa̱ꞌa̱ ñoꞌo̱ ña kómí yó án xa̱ꞌa̱ inka̱ ñakuíká kómí yó, ta saá va̱ꞌa chaꞌvi yó ndaꞌa̱ na. Tá yóo ni̱vi na xíni̱ ñóꞌó nakiꞌin ñato̱ꞌó, ta saá va̱ꞌa ná taxi yó ñato̱ꞌó ndaꞌa̱ na. Tá yóo ni̱vi na xíni̱ ñóꞌó nakiꞌin ña kasa káꞌno yó na, ta saá va̱ꞌa ná kasa káꞌno yó ni̱vi yóꞌo.

Romanos 13:7 Referans Kwoze

San Lucas 20:25

Ta ni̱ka̱ꞌa̱n ta̱Jesús xíꞌin na: ―Taxi ndó ndaꞌa̱ ta̱rey César ña kúu kuenda ra, ta taxi ndó ndaꞌa̱ Ndios ña kúu kuenda Ndios ―káchí ta̱Jesús xíꞌin na.

San Mateo 17:25

Ta nda̱kuii̱n ta̱Pedro, káchí ra saá: ―Cháꞌvi va ra ña ―káchí ra. Ta saá ta̱Pedro ni̱ki̱ꞌvi ra veꞌe, ta siꞌna ni̱ka̱ꞌa̱n ta̱Jesús xíꞌin ra, káchí ra saá: ―¿Yukía̱ xáni ini ún, Simón? Narey ñoyívi yóꞌo, ¿yo no̱o̱ ni̱vi ndúkú na si̱ꞌún? ¿Án ndúkú na si̱ꞌún no̱o̱ nañoo mi̱i na, án ndúkú na si̱ꞌún no̱o̱ ni̱vi na inka̱ ñoo?

1 Timoteo 5:17

Ta naxi̱kua̱ꞌa̱ na ndíso chiño xíꞌin natáꞌan na na kándixa Jesucristo, tá va̱ꞌa níꞌi na yichi̱ ta va̱ꞌa kísa ndivi na chiño, ta xíni̱ ñóꞌó kasa to̱ꞌó yó nayóꞌo, ta chindeé yó na xíꞌin ña xíni̱ ñóꞌó na. Ta ña xíni̱ ñóꞌó ní ka̱ kúu ña kasa to̱ꞌó ní yó ta chindeé yó ni̱vi naxi̱kua̱ꞌa̱ na káꞌa̱n ndoso to̱ꞌon Ndios, ta sánáꞌa na to̱ꞌon ña nda̱a̱.

San Mateo 22:21

Ta nda̱kuii̱n na: ―Si̱ꞌún yóꞌo kómí ña na̱ꞌná xíꞌin ki̱vi̱ ta̱rey César. Ta saá ni̱ka̱ꞌa̱n ta̱Jesús xíꞌin na: ―Taxi ndó ndaꞌa̱ ta̱rey César ña kúu kuenda ra, ta taxi ndó ndaꞌa̱ Ndios ña kúu kuenda Ndios ―káchí ta̱Jesús xíꞌin na.

Efesios 6:5

Sava ndóꞌó kúu ni̱vi naesclavo na o̱n vása kómí nda̱yí sandakoo ña kísa chiño ndó no̱o̱ ni̱vi na kúu napatrón ndó ñoyívi yóꞌo. Ta saá mi̱i ndó xíni̱ ñóꞌó kasa ndivi ndó ña xáꞌnda chiño napatrón ndó, ta xíꞌin ña yi̱yo ini ndó, ta xíꞌin ñato̱ꞌó ní, ta xíꞌin ña ndinoꞌo ini ndó kasa ndivi ndó chiño no̱o̱ napatrón ndó. Nda̱tán vivíi kísa chiño ndó no̱o̱ Jesucristo, ñii ki̱ꞌva saá va̱ꞌa kasa chiño ndó no̱o̱ napatrón ndó.

1 Pedro 3:7

Ta ndóꞌó, nañani yó na yóo násíꞌí, xíni̱ ñóꞌó vivíi kutaku̱ ndó xíꞌin násíꞌí ndó. Kasa to̱ꞌó ndó ná, vará loꞌo ndee̱ kómí ná no̱o̱ ñandee̱ kómí ndó, chi násíꞌí ndó yóꞌo ñii káchí nakiꞌin ná xíꞌin ndó ñava̱ꞌa ña kúu ña kutaku̱ ndó xíꞌin Ndios ndiꞌi saá ki̱vi̱ ña va̱xi. Tá va̱ꞌa kísa ndivi ndó saá xíꞌin násíꞌí ndó, ta o̱n kóo ña kasi no̱o̱ to̱ꞌon ndó, ña koni̱ so̱ꞌo Ndios ña káꞌa̱n ndó xíꞌin ra.

1 Timoteo 6:1

Tá nañani yó án náki̱ꞌva̱ yó kúu naesclavo, ta nayóꞌo xíni̱ ñóꞌó kasa to̱ꞌó ní na patrón na. Ta xíꞌin ña kéꞌé na saá, inka̱ ni̱vi o̱n ka̱ꞌa̱n na ña o̱n váꞌa xa̱ꞌa̱ Ndios, ni o̱n ka̱ꞌa̱n na ña o̱n váꞌa xa̱ꞌa̱ to̱ꞌon sánáꞌa yó.

Efesios 5:33

Inka̱ to̱ꞌon káꞌa̱n i̱ xíꞌin ndó vitin kúu ñayóꞌo: Ñii ñii ta̱a xíni̱ ñóꞌó kukiꞌvi ini ra koni ra ñásíꞌí ra, ñii ki̱ꞌva nda̱tán kíꞌvi ini ra xíni ra mi̱i ra. Ta ñii ñii ñaꞌa̱ ñá yóo yii̱, xíni̱ ñóꞌó kasa to̱ꞌó ñá yii̱ ñá.

San Lucas 23:2

Ta ki̱xáꞌá na táxi na kua̱chi xa̱ꞌa̱ ta̱Jesús no̱o̱ ra, ni̱ka̱ꞌa̱n na, káchí na saá: ―Xi̱ni ndi̱ ta̱yóꞌo sánáꞌa ra nañoo yó ña sandakoo na yichi̱ va̱ꞌa. Káꞌa̱n ra xíꞌin na ña o̱n váꞌa taxi na kota ndaꞌa̱ ta̱rey César. Ta káꞌa̱n ra mi̱i ra kúu Cristo, ña kóni kachí mi̱i ra kúu ñii ta̱rey ―káchí na xíꞌin ta̱Pilato.

San Marcos 12:17

Ta ni̱ka̱ꞌa̱n ta̱Jesús xíꞌin na: ―Taxi ndó ndaꞌa̱ ta̱rey César ña kúu kuenda ra, ta taxi ndó ndaꞌa̱ Ndios ña kúu kuenda Ndios ―káchí ta̱Jesús xíꞌin na. Ta na̱kaꞌnda ní ini na chi va̱ꞌa ní ni̱ka̱ꞌa̱n ra.

1 Timoteo 5:13

Ta yóo inka̱ ña o̱n váꞌa kéꞌé sava náñaꞌa̱ kuáchí yóꞌo, chi sákuáꞌá ná kuu ná náxúxán, ná xíka si̱i̱ mi̱i ñii ñii veꞌe ni̱vi, ndáto̱ꞌon ná to̱ꞌon visi, ta kóni ná kaꞌnda chiño ná no̱o̱ inka̱ ni̱vi ndasaá xíni̱ ñóꞌó kasa ndivi na chiño mi̱i na, ta káꞌa̱n ná xíꞌin ni̱vi to̱ꞌon ña o̱n vása xíni̱ ñóꞌó.

San Lucas 20:22

Ta vitin kóni ndi̱ nda̱ka̱ to̱ꞌon ndi̱ yóꞌó, ¿án va̱ꞌa chaꞌvi yó kota no̱o̱ ta̱rey César ñoo Roma? ¿Án o̱n váꞌa chaꞌvi yó ña? ―káchí na xíꞌin ra.

Romanos 12:10

Ta nda̱tán kíꞌvi ini yó xíni yó nañani yó xíꞌin náki̱ꞌva̱ yó, na kúu naveꞌe mi̱i yó, ñii ki̱ꞌva saá xíni̱ ñóꞌó kukiꞌvi ini yó koni yó ndiꞌi ni̱vi na kándixa Jesucristo. Kasa to̱ꞌó táꞌan yó, ta chikaa̱ ní ka̱ ini yó keꞌé yó ña chindeé natáꞌan yó na kándixa Jesucristo, ta o̱n vása kundiꞌi ní ini yó xa̱ꞌa̱ ña chindeé xíꞌin mi̱i yó.

Romanos 13:6

Ta xa̱ꞌa̱ ñayóꞌo, xíni̱ ñóꞌó chaꞌvi yó cuota ndaꞌa̱ nachiño na xáꞌnda chiño no̱o̱ yó. Chi nachiño yóꞌo kúu na kísa chiño no̱o̱ Ndios, ta táxi xíꞌin mi̱i na ña va̱ꞌa kasa ndivi na chiño ña ndíso na.