San Mateo 14:2 - Alacatlatzala Mixtec New Testament

² ta ni̱ka̱ꞌa̱n ra xíꞌin na kísa chiño no̱o̱ ra: ―Ta̱Jesús yóꞌo kúu ta̱Juan, ta̱ sa̱kuchu ni̱vi, ta ni̱xiꞌi̱ ra ta vitin na̱taku̱ ra, ña̱kán kómí ra ndee̱ kéꞌé ra ndiꞌi milagro yóꞌo vitin ―káchí ta̱rey.

San Mateo 14:2 Referans Kwoze

San Mateo 16:14

Ta nda̱kuii̱n na, káchí na saá: ―Sava ni̱vi káꞌa̱n yóꞌó kúu ún ta̱Juan, ta̱ sa̱kuchu ni̱vi. Sava na káꞌa̱n yóꞌó kúu ún ta̱profeta Elías. Ta inka̱ na káꞌa̱n yóꞌó kúu ún ta̱Jeremías án inka̱ ta̱profeta ta̱ xi̱taku̱ xi̱na̱ꞌá.

San Juan 10:41

Ta kua̱ꞌa̱ ní ni̱vi ni̱xaa̱ na no̱o̱ yóo ra. Ni̱vi yóꞌo káꞌa̱n na xíꞌin táꞌan na, káchí na saá: ―Ta̱Juan o̱n vása ní‑keꞌé ra nda̱ ñii milagro, ta saá ni, ndiꞌi to̱ꞌon ña ni̱ka̱ꞌa̱n ra xa̱ꞌa̱ ta̱Jesús yóꞌo kúu to̱ꞌon ña ndixa nda̱a̱ ―káchí na, káꞌa̱n na xíꞌin táꞌan na.

San Marcos 8:28

Ta nda̱kuii̱n na, káchí na saá: ―Sava ni̱vi káꞌa̱n yóꞌó kúu ún ta̱Juan ta̱ sa̱kuchu ni̱vi. Sava na káꞌa̱n yóꞌó kúu ún ta̱profeta Elías, ta inka̱ na káꞌa̱n yóꞌó kúu ún inka̱ ta̱profeta ta̱ xi̱taku̱ xi̱na̱ꞌá.

San Mateo 11:11

Ta ni̱ka̱ꞌa̱n tuku ta̱Jesús xíꞌin na, káchí ra saá: ―Ñandixa káꞌa̱n i̱ xíꞌin ndó, o̱n ko̱ó inka̱ ta̱profeta káꞌno ka̱ no̱o̱ ta̱Juan, ta̱ sa̱kuchu ni̱vi. Ta saá ni, ta̱a ta̱ ni̱no̱ ní ka̱ yóo no̱o̱ ndiꞌi inka̱ ni̱vi na nákiꞌin yichi̱ ña xáꞌnda chiño Ndios, ta ta̱yóꞌo kúu ta̱ káꞌno ka̱ no̱o̱ ta̱Juan ―káchí ta̱Jesús xíꞌin na.

San Mateo 3:1

Ta saá ni̱yaꞌa kua̱ꞌa̱ ní kui̱ya̱, ta ki̱xaa̱ ta̱Juan ta̱ sákuchu ni̱vi, ni̱xaa̱ ra no̱o̱ yóo yuku̱ yi̱chí estado Judea. Ta ni̱xaa̱ kua̱ꞌa̱ ní ni̱vi xi̱ni̱ so̱ꞌo na ña ni̱ka̱ꞌa̱n ndoso ra xíꞌin na.

San Marcos 6:14

Ta ta̱rey Herodes xi̱ni̱ so̱ꞌo ra ña kánóo va̱ꞌa to̱ꞌon xa̱ꞌa̱ ta̱Jesús xa̱ꞌa̱ ndiꞌi ñava̱ꞌa ña ke̱ꞌé ra. Ta ni̱ka̱ꞌa̱n ra saá: ―Ta̱yóꞌo kúu ta̱Juan, ta̱ sa̱kuchu ni̱vi, ta ni̱xiꞌi̱ ra ta vitin na̱taku̱ ra, ña̱kán kómí ra ndee̱ kéꞌé ra ndiꞌi milagro yóꞌo vitin ―káchí ra.

San Lucas 9:7

Ta ta̱rey Herodes, xi̱ni̱ so̱ꞌo ra xa̱ꞌa̱ ndiꞌi ñava̱ꞌa ña ke̱ꞌé ta̱Jesús, ta o̱n vása xíni̱ ra yukía̱ kúu to̱ꞌon ña ndixa xa̱ꞌa̱ ta̱Jesús. Saá chi sava ni̱vi káꞌa̱n na siꞌa: ―Ta̱Jesús kúu ta̱Juan, ta̱ sa̱kuchu ni̱vi, ta ni̱xiꞌi̱ ra ta vitin na̱taku̱ ra ―káchí na.