Ta xíꞌin ña o̱n kandixa na ra, ki̱sa ndivi na ña ni̱ka̱ꞌa̱n to̱ꞌon Ndios ña ni̱taa ta̱profeta Isaías kui̱ya̱ xi̱na̱ꞌá, ña káchí saá: Yivá yó Ndios, loꞌo ní ni̱vi ka̱ndixa na to̱ꞌon ún ña nda̱to̱ꞌon i̱ xíꞌin na. Ni o̱n vása ní‑kunda̱a̱ ini na ndí xíꞌin ndee̱ mi̱i ún kúu ña ki̱sa ndivi i̱ ndiꞌi chiño náꞌno ña xi̱ni na, káchí to̱ꞌon ña ni̱taa ta̱Isaías xi̱na̱ꞌá.
San Mateo 12:17 - Alacatlatzala Mixtec New Testament17 Ñayóꞌo ni̱ka̱ꞌa̱n ra, ta saá ku̱ndivi to̱ꞌon ña ni̱ka̱ꞌa̱n Ndios xíꞌin ta̱profeta Isaías xi̱na̱ꞌá. Ta to̱ꞌon yóꞌo ni̱taa ta̱Isaías ña ni̱ka̱ꞌa̱n Ndios xa̱ꞌa̱ ta̱a ta̱ tiꞌví ra saka̱ku ni̱vi ñoyívi yóꞌo, káchí ña saá: Gade chapit la |
San Mateo 12:17
15 Referans Kwoze
Ta saá ni, ni̱vi nañoo Jerusalén ta xíꞌin nachiño náꞌno no̱o̱ na, ni̱‑kunda̱a̱ ini na yu kúu ta̱Jesús, ni o̱n vása ní‑kunda̱a̱ ini na yukía̱ káchí to̱ꞌon Ndios ña ni̱taa na xi̱na̱ꞌá xa̱ꞌa̱ ta̱a ta̱ tiꞌví Ndios saka̱ku ra mi̱i yó. Vará mi̱i to̱ꞌon Ndios yóꞌo káꞌvi najudío veꞌe ño̱ꞌo sinagoga ñii ñii ki̱vi̱ yi̱i̱ ña nákindée na, ta o̱n vása ní‑kunda̱a̱ ini na ndí ta̱Jesús kúu ta̱a ta̱ káꞌa̱n to̱ꞌon Ndios xa̱ꞌa̱. Ña̱kán ni̱ka̱ꞌa̱n na ndí xíni̱ ñóꞌó kivi̱ ta̱Jesús. Ta xíꞌin ña ke̱ꞌé na saá, ki̱sa ndivi na to̱ꞌon Ndios ña ni̱taa naprofeta xi̱na̱ꞌá.
Ta xíni̱ yó to̱ꞌon Ndios ña ni̱taa na xi̱na̱ꞌá ñanda̱a̱ ndinoꞌo kúu ña, ta nda̱ ñii ki̱vi̱ o̱n vása násama ña. Ta to̱ꞌon yóꞌo káchí ndí mi̱i Ndios kúu ta̱a ta̱ ni̱ka̱ꞌa̱n xíꞌin ni̱vi na na̱kiꞌin to̱ꞌon ra kui̱ya̱ xi̱na̱ꞌá, ta káchí ra saá: “Ta ndóꞌó, nda̱tán yóo ndios válí, saá yóo ndó”, káchí ra xíꞌin na.
Ta ni̱ka̱ꞌa̱n ta̱Jesús xíꞌin na: ―Ta ki̱vi̱ ni̱xika i̱ xíꞌin ndó, ta nda̱to̱ꞌon i̱ xíꞌin ndó ndí xíni̱ ñóꞌó xo̱ꞌvi̱ ní i̱, chi saá kasa ndivi i̱ ndiꞌi to̱ꞌon Ndios ña káꞌa̱n xa̱ꞌa̱ i̱, ña kúu nda̱yí ña ni̱taa ta̱Moisés xíꞌin tutu ña ni̱taa inka̱ naprofeta, xíꞌin tutu na̱ní ña Salmos. Ta ñii ki̱ꞌva nda̱tán káchí to̱ꞌon Ndios yóꞌo xa̱ꞌa̱ i̱, saá ki̱sa ndivi i̱ ―káchí ta̱Jesús xíꞌin na.
Piblisite