San Marcos 9:17 - Alacatlatzala Mixtec New Testament

¹⁷ Ta ñii ta̱táꞌan nani̱vi yóꞌo nda̱kuii̱n ra: ―Tata maestro, ki̱xaa̱ i̱ xíꞌin ta̱loꞌo sa̱ꞌya i̱ no̱o̱ ún, chi níma̱ ndiva̱ꞌa tíin ní ña ra ta o̱n ki̱ví ka̱ꞌa̱n ra.

San Marcos 9:17 Referans Kwoze

San Lucas 11:14

Inka̱ ki̱vi̱ ta̱Jesús táva ra ñii níma̱ ndiva̱ꞌa ña kómí ñii ta̱a ta̱ñíꞌí. Tá ke̱e níma̱ ndiva̱ꞌa, ta saá va̱ꞌa na̱ka̱ꞌa̱n ra. Ta na̱kaꞌnda ini ni̱vi na xi̱ni ñayóꞌo.

San Marcos 9:25

Ta xi̱ni ta̱Jesús kua̱ꞌa̱ ní ka̱ ni̱vi xíno na kixaa̱ na no̱o̱ ra, ta ni̱ka̱ꞌa̱n ra xíꞌin níma̱ ndiva̱ꞌa, káchí ra saá: ―Níma̱ sóꞌó, níma̱ ñíꞌí, yi̱ꞌi̱ xáꞌnda chiño i̱ no̱o̱ ún, kee ún ta̱loꞌo ta o̱n tiin ka̱ ún ra ―káchí ra.

San Juan 4:47

Tá xi̱ni̱ so̱ꞌo ta̱chiño káꞌno yóꞌo ndí ki̱xaa̱ tuku ta̱Jesús ñoo Caná, chi ke̱e ra estado Judea, ta saá kua̱ꞌa̱n ra ta ni̱xaa̱ ra xa̱ku ndáꞌví ra no̱o̱ ta̱Jesús ña ko̱ꞌo̱n ta̱yóꞌo xíꞌin ra ña sandaꞌa ra ta̱loꞌo sa̱ꞌya ra, ta̱ ndeé ní ndóꞌo, ta xa nda̱ yóo ña kivi̱ ta̱loꞌo yóꞌo.

San Lucas 9:38

Ta ñii ta̱táꞌan nani̱vi yóꞌo, xíꞌin ndiꞌi ndee̱ ra ni̱ka̱ꞌa̱n ra xíꞌin ta̱Jesús: ―Tata maestro, kundáꞌví ini ún koni ún ta̱loꞌo sa̱ꞌya i̱. O̱n ko̱ó ka̱ inka̱ sa̱ꞌya i̱,

San Marcos 10:13

Ta ki̱xaa̱ ni̱vi xíꞌin naválí no̱o̱ yóo ta̱Jesús ña chinóo ra ndaꞌa̱ ra si̱ni̱ na, ta ndukú ra ñava̱ꞌa no̱o̱ Ndios xa̱ꞌa̱ na, ta naxíka xíꞌin ra ni̱ka̱ꞌa̱n na xíꞌin ni̱vi yóꞌo: ―O̱n kixi ndó xíꞌin naválí yóꞌo ―káchí na.

San Marcos 7:26

Ñii ñaꞌa̱ o̱n si̱ví ñájudía kúu ñá, naveꞌe ñá ke̱e na ñoo Grecia, ta ka̱ku ñá ñoo Siria Fenicia. Ta xa̱ku ndáꞌví ñá no̱o̱ ta̱Jesús tava ra níma̱ ndiva̱ꞌa sáxo̱ꞌvi̱ sa̱ꞌya ñá.

San Marcos 5:23

ta ndeé ní xa̱ku ndáꞌví ra no̱o̱ ra, káchí ra saá: ―Tata, ndeé ní ndóꞌo ñáloꞌo sa̱ꞌya i̱, xa ñá yóo kivi̱ kúu ñá. Ná ko̱ꞌo̱n ún xíꞌin i̱ veꞌe i̱, ta ná chinóo ún ndaꞌa̱ ún si̱ni̱ ñá, ta ndaꞌa ñá ta kutaku̱ ka̱ ñá ―káchí ta̱Jairo xíꞌin ta̱Jesús.

San Mateo 17:15

Ta ni̱ka̱ꞌa̱n ra, káchí ra saá xíꞌin ra: ―Tata, kundáꞌví ini ún koni ún ta̱loꞌo sa̱ꞌya i̱. Saá chi ta̱ xíꞌi̱ yi̱ꞌí kúu ra, ta ndeé ní kini xóꞌvi̱ ra. Kua̱ꞌa̱ ní yichi̱ nákava ra no̱o̱ xíxi̱ ñoꞌo̱, ta kua̱ꞌa̱ ní yichi̱ nákava ra ini takuií.

San Mateo 12:22

Ta ni̱vi kua̱ꞌa̱n na ña kua̱ꞌa̱n ñii ta̱a ta̱ kómí níma̱ ndiva̱ꞌa xíꞌin na no̱o̱ ta̱Jesús, ta ki̱xaa̱ na no̱o̱ yóo ra. Ta̱a ta̱ ndeé ndóꞌo yóꞌo kúu ra ta̱kuáá ta ñíꞌí ra, ta ta̱Jesús sa̱ndaꞌa ñaꞌá ra, ta saá kúchiño nakoto ra ta naka̱ꞌa̱n ra.

San Mateo 9:32

Tá ke̱e o̱vi̱ ta̱ xi̱kuu ta̱kuáá kua̱noꞌo̱ ra, ta inka̱ ni̱vi ki̱xaa̱ na no̱o̱ ta̱Jesús xíꞌin ñii ta̱a ta̱ñíꞌí chi kómí ra níma̱ ndiva̱ꞌa.

San Marcos 9:16

Ta ta̱Jesús ni̱nda̱ka̱ to̱ꞌon ra ni̱vi yóꞌo: ―¿Yukía̱ náa ndó xa̱ꞌa̱ xíꞌin na?

San Marcos 9:18

Tá tíin ña ra sákana ña ra no̱o̱ ñoꞌo̱, kée chikiño yuꞌu̱ ra, a̱nda̱ nákaxi no̱ꞌo ra, ta ndaꞌa̱ ra xíꞌin xa̱ꞌa̱ ra ñii kútoon ña ta kísin ña. Xa ni̱ndukú i̱ no̱o̱ naxíka xíꞌin ún ña tava na níma̱ ndiva̱ꞌa yóꞌo, ta o̱n vása ní‑kuchiño na ―káchí ra.