San Marcos 16:10 - Alacatlatzala Mixtec New Testament

¹⁰ Ta saá kua̱ꞌa̱n ñá ndato̱ꞌon ñá xíꞌin na ni̱xika xíꞌin ra. Ta na̱níꞌi ñá nayóꞌo, ndóo na kúchuchú ní ini na ta xáku ní na.

San Marcos 16:10 Referans Kwoze

San Juan 20:18

Ta saá ñáMaría Magdalena ndi̱kó ñá kua̱noꞌo̱ ñá ndato̱ꞌon ñá xíꞌin na ni̱xika xíꞌin ta̱Jesús. Tá ni̱xaa̱ ñá no̱o̱ na, ta ni̱ka̱ꞌa̱n ñá xíꞌin na, káchí ñá saá: ―¡Xi̱ni i̱ ta̱Jesús Ta̱a ta̱Káꞌno no̱o̱ yó! ―káchí ñá, ta nda̱to̱ꞌon ñá xíꞌin na ndiꞌi to̱ꞌon ña ni̱ka̱ꞌa̱n ta̱Jesús xíꞌin ñá.

San Juan 16:6

Ta saá ni, vitin kúchuchú ní ini ndó xa̱ꞌa̱ ña xi̱ni̱ so̱ꞌo ndó ña káꞌa̱n i̱ ko̱ꞌo̱n i̱.

San Lucas 24:17

Ta ta̱Jesús ni̱nda̱ka̱ to̱ꞌon ñaꞌá ra: ―¿Yu kúu ña ndáto̱ꞌon ndó xa̱ꞌa̱, kua̱ꞌa̱n ndó yichi̱ yóꞌo? Ta, ¿nda̱chun kúchuchú ní ini ndó? ―káchí ta̱Jesús xíꞌin na.

San Marcos 14:72

Ta xa̱ndi̱ko̱n ka̱na nduxú chée yichi̱ o̱vi̱. Ta saá na̱káꞌán ta̱Pedro to̱ꞌon ña ni̱ka̱ꞌa̱n ta̱Jesús xíꞌin ra: “Ta̱ꞌán ka̱ kana nduxú chée o̱vi̱ yichi̱ ñoó vitin, ta xa u̱ni̱ yichi̱ ni̱ka̱ꞌa̱n ún xíꞌin ni̱vi ndí o̱n vása xíni̱ ún yi̱ꞌi̱.” Ta kúchuchú ní ini ta̱Pedro, ta ki̱xáꞌá ra ndeé ní xáku ra ña nákáꞌán ra to̱ꞌon yóꞌo.

San Mateo 9:15

Ta nda̱kuii̱n ta̱Jesús, káchí ra saá: ―Tá yóo ñii ta̱a ta̱ tonda̱ꞌa̱, ta ndiꞌi ni̱vi na yóo viko̱ yóꞌo xíxi na, ta o̱n ki̱ví kuchuchú ini na, saá chi yóo ka̱ ta̱yóꞌo xíꞌin na. Ta ki̱vi̱ ña va̱xi o̱n kóo ka̱ ra xíꞌin na. Ta saá kía̱ koo soꞌon na.

San Mateo 24:30

Ta ndiꞌi ni̱vi koni na ñii seña ñoyívi ni̱no ña sanáꞌa ña ndikó yi̱ꞌi̱, ta̱a ta̱ ki̱xi no̱o̱ Ndios, ta saá ndiꞌi nañoo ñoyívi yóꞌo kuchuchú ní ini na, ta kuaku ní na. Ta saá ndiꞌi ni̱vi koni na yi̱ꞌi̱, ta va̱xi i̱ ma̱ꞌñó vi̱ko̱, xíꞌin ndee̱ káꞌno, xíꞌin ndiꞌi ña yéꞌe livi.

San Mateo 19:22

Ta xi̱ni̱ so̱ꞌo ta̱yóꞌo ña ni̱ka̱ꞌa̱n ta̱Jesús, ta kúchuchú ní ini ra, ta ke̱e ra kua̱ꞌa̱n ra, saá chi kua̱ꞌa̱ ní ñakuíká kómí ra.