San Marcos 14:70 - Alacatlatzala Mixtec New Testament

⁷⁰ Ta ta̱Pedro tuku ni̱ka̱ꞌa̱n ra: ―O̱n vása xíni̱ i̱ ta̱kaa̱ ―káchí ra. Ta ni̱yaꞌa ñii káni̱ loꞌo, ta nani̱vi yíta yatin no̱o̱ ta̱Pedro, ta ni̱ka̱ꞌa̱n tuku na xíꞌin ra saá: ―Ndixa yóꞌó kúu ún ñii ta̱táꞌan ta̱Jesús, chi ki̱xi ún estado Galilea, saá chi nda̱tán káꞌa̱n nakán saá káꞌa̱n ún ―káchí na.

San Marcos 14:70 Referans Kwoze

Hechos 2:7

Ndixa nákaꞌnda ini na no̱o̱ ña xíni̱ so̱ꞌo na, ta káꞌa̱n xíꞌin táꞌan na, káchí na saá: ―¿Nda̱chun va̱ꞌa ní káꞌa̱n nayóꞌo to̱ꞌon mi̱i yó? ¿Án o̱n ndixa kúu nayóꞌo ni̱vi nañoo estado Galilea?

San Marcos 14:68

Ta ta̱Pedro ni̱ka̱ꞌa̱n ra, káchí ra saá: ―O̱n vása xíni̱ i̱ ta̱kaa̱, ni o̱n vása kúnda̱a̱ ini i̱ yukía̱ káꞌa̱n ún xíꞌin i̱. Ta saá ke̱e ra yéꞌé ke̱ꞌe veꞌe yóꞌo. Ta ka̱na ñii nduxú chée.

San Marcos 14:69

Ta ñáñaꞌa̱ kísa chiño yóꞌo xi̱ni tuku ñá ra, ta ni̱ka̱ꞌa̱n ñá xíꞌin nani̱vi, káchí ña saá: ―Ta̱yóꞌo kúu ñii ta̱táꞌan ta̱Jesús ―káchí ñá.

San Marcos 14:71

Ta ki̱xáꞌá ta̱Pedro xíꞌin ndiꞌi ndee̱ ra ni̱ka̱ꞌa̱n ra, káchí ra saá: ―Xa ni̱ka̱ꞌa̱n i̱ xíꞌin ndó, o̱n vása xíni̱ i̱ ta̱kaa̱. ¡Ndios ná saxo̱ꞌvi̱ ra yi̱ꞌi̱ tá ñavatá káꞌa̱n i̱! ―káchí ra.