San Lucas 4:12 - Alacatlatzala Mixtec New Testament

¹² Ta nda̱kuii̱n ta̱Jesús: ―Saá tuku káchí to̱ꞌon Ndios: “O̱n váꞌa koto ndoso yó Ndios” ―káchí ta̱Jesús.

San Lucas 4:12 Referans Kwoze

1 Corintios 10:9

Ta saá o̱n váꞌa koto ndoso yó Jesucristo án ndixa saxo̱ꞌvi̱ ra mi̱i yó xa̱ꞌa̱ ña o̱n váꞌa kéꞌé yó. Saá chi kua̱ꞌa̱ ní naxi̱i̱ síkuá yó xi̱to ndoso na Ndios xi̱na̱ꞌá, ta ni̱xiꞌi̱ kua̱ꞌa̱ ní na ke̱ꞌé saá, chi tíko̱o̱ xati̱ xa̱xi rí na ta ni̱xiꞌi̱ na.

San Mateo 4:7

Ta nda̱kuii̱n ta̱Jesús: ―Saá tuku káchí to̱ꞌon Ndios: “O̱n váꞌa koto ndoso yó Ndios” ―káchí ta̱Jesús xíꞌin ñaníma̱ ndiva̱ꞌa.

San Lucas 4:13

Ta ndi̱ꞌi xi̱to ndoso ñaníma̱ ndiva̱ꞌa ta̱Jesús, ta ke̱e ña kua̱ꞌa̱n ña, ta ndáti ña inka̱ ki̱vi̱ ña ndikó ña koto ndoso ña ra.