San Lucas 3:10 - Alacatlatzala Mixtec New Testament

¹⁰ Ta saá ni̱nda̱ka̱ to̱ꞌon na ta̱Juan: ―¿Yukía̱ va̱ꞌa xíni̱ ñóꞌó keꞌé ndi̱ ña o̱n xo̱ꞌvi̱ ndi̱ saá? ―káchí na.

San Lucas 3:10 Referans Kwoze

Hechos 2:37

Tá ni̱vi na xi̱ni̱ so̱ꞌo ña káꞌa̱n ta̱Pedro yóꞌo, ki̱xáꞌá na ndíꞌi ní ini na, ta̱nda̱ ni̱ta̱ꞌvi̱ sava níma̱ na xa̱ꞌa̱ ña xi̱ni̱ so̱ꞌo na káꞌa̱n ra xíꞌin na. Ta saá ni̱nda̱ka̱ to̱ꞌon na ta̱Pedro xíꞌin inka̱ naapóstol táꞌan ra, káchí na saá: ―Natáꞌan yó, ka̱ꞌa̱n ndó xíꞌin ndi̱, ¿yukía̱ kasa ndivi ndi̱ vitin? ―káchí na.

San Lucas 3:14

Ta sava natropa ki̱xaa̱ na ni̱nda̱ka̱ to̱ꞌon na ra: ―Ta mi̱i ndi̱, ¿yukía̱ va̱ꞌa xíni̱ ñóꞌó kasa ndivi ndi̱? Ta nda̱kuii̱n ta̱Juan, ni̱ka̱ꞌa̱n ra xíꞌin na: ―O̱n kasa kuíꞌná ndó si̱ꞌún inka̱ ni̱vi, ta o̱n ka̱ꞌa̱n ndó ñavatá xa̱ꞌa̱ na. O̱n ka̱ꞌa̱n kuáchí ndó xa̱ꞌa̱ yaꞌvi ndó, ta kusii̱ ní ini ndó xíꞌin ña cháꞌvi na ndóꞌó xa̱ꞌa̱ chiño kéꞌé ndó ―káchí ta̱Juan xíꞌin na.

Hechos 16:30

Ta saá na̱kundichi ra, ta ta̱va ra ta̱Pablo xíꞌin ta̱Silas, ta kua̱ꞌa̱n na xíꞌin ra ke̱ꞌe, ta ni̱ka̱ꞌa̱n ra xíꞌin na, káchí ra saá: ―Ndóꞌó tata, ka̱ꞌa̱n ndó xíꞌin i̱, ¿yu kúu ña xíni̱ ñóꞌó keꞌé i̱ xa̱ꞌa̱ ña saka̱ku Ndios yi̱ꞌi̱?

San Lucas 3:8

Tá ndixa na̱ndikó ini ndó ta kóni ndó ko̱ꞌo̱n ndó yichi̱ Ndios, ta xíni̱ ñóꞌó kasa ndivi ndó chiño va̱ꞌa nda̱tán kóni Ndios. Saá chi o̱n váꞌa kani si̱ni̱ ndó ndí xa̱ꞌa̱ ña kúu ndó sa̱ꞌya ñani síkuá ta̱Abraham, Ndios saka̱ku ra ndóꞌó. Ta káꞌa̱n i̱ xíꞌin ndó, Ndios kúchiño ra ndasa ra yu̱u̱ yóꞌo ni̱vi na nduu sa̱ꞌya ñani síkuá ta̱Abraham.

Hechos 9:6

Ta saá ta̱Saulo ñii kísin ni̱no ra, ta yíꞌví ní ra, ta ni̱nda̱ka̱ to̱ꞌon ra, káchí ra saá: ―Tata, ¿yukía̱ kóni ún keꞌé i̱ vitin? ―káchí ra. Ta nda̱kuii̱n ta̱Jesús, káchí ra saá: ―Ta vitin nakundichi ún ta ko̱ꞌo̱n ún ki̱ꞌvi ún ñoo Damasco, ta saá tiꞌví i̱ ñii ta̱a xaa̱ ra ndato̱ꞌon ra xíꞌin ún xa̱ꞌa̱ ña xíni̱ ñóꞌó keꞌé ún ―káchí ta̱Jesús xíꞌin ta̱Saulo.

San Lucas 3:12

Ta sava ni̱vi na káya si̱ꞌún no̱o̱ nagobierno ñoo Roma ki̱xaa̱ na no̱o̱ ta̱Juan chi kóni na sakuchu ra na, ta ni̱ka̱ꞌa̱n na xíꞌin ra: ―Maestro, ¿yukía̱ va̱ꞌa xíni̱ ñóꞌó kasa ndivi ndi̱?

Hechos 2:38

Ta nda̱kuii̱n ta̱Pedro: ―Xíni̱ ñóꞌó nandikó ini ndó ta sandakoo ndó kua̱chi ndó ta ki̱ꞌvi ndó yichi̱ no̱o̱ xáꞌnda chiño Ndios. Ta saá ki̱ꞌvi ndó kuchu ndó xíꞌin nda̱yí ki̱vi̱ ta̱Jesús ta̱a ta̱ kúu Cristo. Ta saá Ndios kasa káꞌno ini ra xa̱ꞌa̱ kua̱chi ndó ta nakiꞌin ndó Níma̱ ra kutaku̱ ña ini ndó,