San Lucas 12:14 - Alacatlatzala Mixtec New Testament

¹⁴ Ta nda̱kuii̱n ta̱Jesús, ni̱ka̱ꞌa̱n ra saá: ―Tata, ¿nda̱chun xáni ini ún yi̱ꞌi̱ kúu ta̱chiño án juez ta̱ táꞌví ñakuíká xíꞌin ndó? ―káchí ta̱Jesús xíꞌin ra.

San Lucas 12:14 Referans Kwoze

Romanos 2:3

Ta sava ndóꞌó kúu ni̱vi na ñii ki̱ꞌva saá kéꞌé ña o̱n váꞌa nda̱tán kéꞌé ni̱vi na káꞌa̱n ndó xa̱ꞌa̱ ndíso ní kua̱chi no̱o̱ Ndios. Ta saá, ¿nda̱chun xáni si̱ni̱ ndó ndí Ndios o̱n vása kasa nani ra xa̱ꞌa̱ kua̱chi mi̱i ndó?

Romanos 9:20

Ta yi̱ꞌi̱ ndakuii̱n i̱, kachí i̱ saá xíꞌin ndó: Ta ndóꞌó, ¿yu kúu ndóꞌó? ¿Án xáni si̱ni̱ ndó ndí kúu ndó nanáꞌno no̱o̱ Ndios, ta saá kómí ndó nda̱yí ndukú ndó no̱o̱ Ndios ña taxi ra ña kunda̱a̱ va̱ꞌa ini ndó nda̱chun chi̱tóni̱ ra saá keꞌé ra xíꞌin ni̱vi? O̱n vása kómí yó nda̱yí ka̱ꞌa̱n yó saá xíꞌin Ndios, chi nda̱tán yóo ki̱si ñoꞌo̱ ña ku̱va̱ꞌa, saá yóo ndiꞌi ni̱vi. Ta ñii ki̱si o̱n vása kómí ña nda̱yí ka̱ꞌa̱n ña xíꞌin ta̱a ta̱ ki̱sa va̱ꞌa ñaꞌá, kachí ña saá: “¿Nda̱chun ki̱sa va̱ꞌa ún yi̱ꞌi̱ nda̱tán ndasaá yóo i̱ vitin?”, kachí ki̱si ñoꞌo̱ yóꞌo xíꞌin ta̱a ta̱ ki̱sa va̱ꞌa ñaꞌá.

Romanos 2:1

Ta ndóꞌó, o̱n vása va̱ꞌa káꞌa̱n ndó ndí ndasaá kuiti inka̱ ni̱vi kúu na o̱n váꞌa, ta ndíso na kua̱chi no̱o̱ Ndios. Tá káꞌa̱n ndó to̱ꞌon o̱n váꞌa yóꞌo xa̱ꞌa̱ inka̱ ni̱vi, ta ñii ki̱ꞌva saá sákuiso ndó kua̱chi sa̱ta̱ mi̱i ndó, chi mi̱i ndó ñii ki̱ꞌva saá kéꞌé ndó ña o̱n váꞌa nda̱tán kéꞌé ni̱vi yóꞌo.

San Juan 8:11

Ta nda̱kuii̱n ñá, ni̱ka̱ꞌa̱n ñá: ―O̱n ko̱ó ka̱ nda̱ ñii ni̱vi na káꞌa̱n xíni̱ ñóꞌó kivi̱ i̱ yíta yóꞌo, Tata. Ta nda̱kuii̱n ta̱Jesús, ni̱ka̱ꞌa̱n ra saá: ―Ta ni yi̱ꞌi̱, o̱n ka̱ꞌa̱n i̱ ndí xíni̱ ñóꞌó kivi̱ ún, nana. Ta vitin kua̱noꞌo̱ ún, ta o̱n ki̱ꞌvi ka̱ ún kua̱chi ―káchí ta̱Jesús xíꞌin ñá.

San Juan 6:15

Ta kúnda̱a̱ ini ta̱Jesús ña xáni si̱ni̱ ni̱vi yóꞌo ña kasa ndu̱xa̱ na xíꞌin ra nduu ra rey no̱o̱ na, ta saá kama ke̱e matóꞌón ra kua̱ꞌa̱n ra, ta kua̱ꞌa̱n ndaa ra ñii xi̱ki̱.

San Lucas 5:20

Tá ta̱Jesús xi̱ni ra ko̱mi̱ ta̱a yóꞌo kándixa na ndí kúndeé ra sandaꞌa ra ta̱táꞌan na, ta ni̱ka̱ꞌa̱n ra xíꞌin ta̱ ndeé ndóꞌo, káchí ra saá: ―Ñani, vitin xa ki̱sa káꞌno ini i̱ xa̱ꞌa̱ kua̱chi ún ―káchí ta̱Jesús xíꞌin ra.

San Lucas 22:58

Ta ni̱yaꞌa ñii káni̱ loꞌo, ta saá ñii ta̱a xi̱ni ra ta̱Pedro, ta ni̱ka̱ꞌa̱n ra xíꞌin ra: ―Saá tuku yóꞌó kúu ún ñii ta̱táꞌan ta̱Jesús ―káchí ra. Ta nda̱kuii̱n ta̱Pedro, ni̱ka̱ꞌa̱n ra: ―Tata, o̱n si̱ví yi̱ꞌi̱ kúu ta̱ ni̱xika xíꞌin ra ―káchí ra.

San Lucas 12:13

Ñii ta̱a ta̱ yóo xíꞌin ndiꞌi ni̱vi na ndóo xíni̱ so̱ꞌo ña káꞌa̱n ta̱Jesús, ki̱xaa̱ ra no̱o̱ ra ta ni̱ka̱ꞌa̱n ra xíꞌin ra saá: ―Tata maestro, ka̱ꞌa̱n ún xíꞌin ñani i̱ ndí xíni̱ ñóꞌó nataꞌví ra ñakuíká ña ki̱ndo̱o ki̱vi̱ ni̱xiꞌi̱ yivá ndi̱, ta taxi ra loꞌo ñakuíká yóꞌo ndaꞌa̱ i̱ ―káchí ra xíꞌin ta̱Jesús.