San Lucas 1:11 - Alacatlatzala Mixtec New Testament

¹¹ Ta saá ñii ángel ki̱xi no̱o̱ Ndios ki̱xaa̱ ña no̱o̱ ta̱Zacarías, ñíndichi ña sii̱n kuaꞌá mesa tón yi̱i̱ no̱o̱ xíxi̱ xuxa va̱ꞌa.

San Lucas 1:11 Referans Kwoze

Apocalipsis 9:13

Ta ñaángel ñai̱ño̱ ti̱vi ña tón trompeta, ta saá xi̱ni̱ so̱ꞌo i̱ to̱ꞌon ña ki̱xi ma̱ꞌñó na̱ma̱ yi̱i̱ ñaoro ña yóo yatin no̱o̱ Ndios. Ta ñii ñii ti̱to̱n na̱ma̱ yi̱i̱ yóꞌo yóo ñii ña náꞌa nda̱tán náꞌa ndi̱ki̱ tíkiti̱, ta to̱ꞌon ña ni̱ka̱ꞌa̱n ki̱xi ña ma̱ꞌñó no̱o̱ yóo ndi̱ki̱ yóꞌo.

Hebreos 1:14

Chi ndixa ndiꞌi naángel ndasaá kuiti kúu na níma̱ na xíka chiño no̱o̱ Ndios, ta Ndios tíꞌví ra na ña kixi na chindeé na ni̱vi na kúu na saka̱ku Ndios.

Hechos 5:19

Ta saá tá xa ñoó kúu ña, ta Ndios ti̱ꞌví ra ñii ñaángel ña nakoná ña yéꞌé veꞌe ka̱a, ña kee naapóstol ko̱ꞌo̱n ndíka̱ na. Ta ke̱e na kua̱ꞌa̱n na xíꞌin ñaángel, ta ni̱ka̱ꞌa̱n ñaángel xíꞌin na, káchí ña saá:

San Lucas 2:10

Ta ni̱ka̱ꞌa̱n ñaángel xíꞌin na, káchí ña saá: ―O̱n kuyi̱ꞌví ndó, chi va̱xi i̱ ndato̱ꞌon i̱ ñava̱ꞌa xíꞌin ndó, ta o̱n si̱ví ndasaá ñii ñava̱ꞌa xa̱ꞌa̱ ndóꞌó kúu ña káꞌa̱n i̱, ta vitin káꞌa̱n i̱ ñava̱ꞌa xa̱ꞌa̱ ndiꞌi ni̱vi, xa̱ꞌa̱ ña kusii̱ ní ini na xíꞌin ndó.

San Lucas 1:28

Ta ni̱xaa̱ ñaángel no̱o̱ ñáMaría yóꞌo ta chi̱ndeé ñaꞌá ña, ni̱ka̱ꞌa̱n ña, káchí ña saá: ―¡Kuaꞌa, nana! Yóꞌó kúu ñá ni̱niꞌi ñava̱ꞌa no̱o̱ Ndios, ta yóo ra xíꞌin ún. Ta keꞌé ra ñava̱ꞌa ní ka̱ xíꞌin ún no̱o̱ ndiꞌi inka̱ násíꞌí.

San Lucas 1:19

Ta nda̱kuii̱n ñaángel, ni̱ka̱ꞌa̱n ña xíꞌin ta̱Zacarías. ―Yi̱ꞌi̱ na̱ní i̱ Gabriel, ta ndiꞌi saá ki̱vi̱ ñíndichi i̱ no̱o̱ Ndios. Ta mi̱i Ndios kúu ta̱ ti̱ꞌví yi̱ꞌi̱ va̱xi i̱ ka̱ꞌa̱n i̱ ñava̱ꞌa yóꞌo xíꞌin ún.

San Lucas 2:9

Ta saá ke̱ta ñii ñaángel ña ki̱xi no̱o̱ Ndios, ta livi ní, ta káꞌno ní náyeꞌe ñoꞌo̱ ña ke̱e no̱o̱ Ndios, ta náyeꞌe ña no̱o̱ ndóo na ndáa ndikachi, ta ni̱yi̱ꞌví ní ndiꞌi na.