San Juan 9:8 - Alacatlatzala Mixtec New Testament

⁸ Ta ni̱vi na táku̱ yatin no̱o̱ yóo ra, xíꞌin inka̱ ni̱vi na xi̱ni ñaꞌá ki̱vi̱ xi̱ndukú chiꞌña ra si̱ꞌún no̱o̱ na, nayóꞌo ni̱ka̱ꞌa̱n na, káchí na saá: ―¿Án o̱n si̱ví ta̱yóꞌo kúu ta̱a ta̱ ni̱xi̱yo xi̱ndukú chiꞌña si̱ꞌún no̱o̱ ni̱vi? ―káchí na, káꞌa̱n na.

San Juan 9:8 Referans Kwoze

San Lucas 18:35

Ñii ki̱vi̱ kua̱ꞌa̱n ta̱Jesús xíꞌin naxíka xíꞌin ra, ta kua̱ꞌa̱ ní ni̱vi ndíko̱n na kua̱ꞌa̱n na sa̱ta̱ ra. Ta xa yatin xáa̱ ra ñoo Jericó, ta ñii ta̱kuáá yóo ra yuꞌu̱ yichi̱, ta ndáka̱ chiꞌña ra si̱ꞌún no̱o̱ ni̱vi na yáꞌa yichi̱ yóꞌo.

San Marcos 10:46

Ta ki̱xaa̱ na ñoo Jericó. Tá ke̱e ta̱Jesús kua̱ꞌa̱n ra xíꞌin naxíka xíꞌin ra xíꞌin kua̱ꞌa̱ ní ni̱vi ñoo yóꞌo, ta yóo ñii ta̱kuáá na̱ní ra Bartimeo, sa̱ꞌya ta̱Timeo, yóo ra yuꞌu̱ yichi̱. Ta̱ ndáka̱ chiꞌña si̱ꞌún kúu ra no̱o̱ na yáꞌa yichi̱ yóꞌo.

San Lucas 1:58

Ta saá ku̱nda̱a̱ ini naveꞌe ñá xíꞌin na xíni̱ táꞌan xíꞌin ñá ndí Ndios ke̱ꞌé ñava̱ꞌa xíꞌin ñá ña ka̱ku sa̱ꞌya ñá. Ta saá kúsii̱ ní ini ndiꞌi na xíꞌin ñá.

San Juan 9:9

―Ndixa ta̱yóꞌo kúu ra ―káchí sava na. Ta inka̱ na ni̱ka̱ꞌa̱n: ―Óꞌon, o̱n si̱ví ta̱yóꞌo kúu ra, ndasaá kuiti náꞌa ra nda̱tán náꞌa ta̱ xi̱ndukú chiꞌña ―káchí na. Ta mi̱i ra, ni̱ka̱ꞌa̱n ra xíꞌin na, káchí ra saá: ―Ndixa yi̱ꞌi̱ kúu ta̱a ta̱ xi̱kuu ta̱kuáá ta̱ xi̱ndukú chiꞌña ―káchí ra xíꞌin na.