Biblia Todo Logo
Bib sou entènèt

- Piblisite -




San Juan 7:20 - Alacatlatzala Mixtec New Testament

20 Ta nda̱kuii̱n na, ni̱ka̱ꞌa̱n na xíꞌin ra, káchí na saá: ―Yóꞌó, ¡ndixa nákaa̱ níma̱ ndiva̱ꞌa ini ún, ta sáka ní ña si̱ni̱ ún! ¿Yu kúu ni̱vi kóni kaꞌni yóꞌó? ―káchí na xíꞌin ra.

Gade chapit la Kopi




San Juan 7:20
11 Referans Kwoze  

Kua̱ꞌa̱ ní nayóꞌo káꞌa̱n na, káchí na saá: ―Ta̱Jesús yóꞌo kúu ta̱a ta̱ sána si̱ni̱, chi kómí ra ñii níma̱ ndiva̱ꞌa. Nda̱ ma̱ni̱ koni̱ so̱ꞌo yó ña káꞌa̱n ra ―káchí na.


Ta nda̱kuii̱n sava najudío, ni̱ka̱ꞌa̱n na xíꞌin ta̱Jesús, káchí na saá: ―¿Án o̱n si̱ví ndixa yóꞌó kúu ún ta̱ñoo Samaria? ¿Án o̱n si̱ví ndixa kúu ún ta̱a ta̱ kómí ñii ñaníma̱ ndiva̱ꞌa ña sáka ní si̱ni̱ ún?


Ta saá najudío ni̱ka̱ꞌa̱n na xíꞌin ra, káchí na saá: ―Vitin xíni̱ va̱ꞌa ndi̱ ndí ndixa kómí ún níma̱ ndiva̱ꞌa, chi nina to̱ꞌon sána káꞌa̱n ún. Saá chi mi̱i ta̱xi̱i̱ síkuá yó ta̱Abraham xíꞌin ndiꞌi inka̱ naprofeta na ni̱ka̱ꞌa̱n to̱ꞌon Ndios xi̱na̱ꞌá, nayóꞌo ni̱xiꞌi̱ ndiꞌi na. Ta yóꞌó, káchí ún ña táná chikaa̱ so̱ꞌo ni̱vi to̱ꞌon ña sánáꞌa ún, ta nda̱ ñii ki̱vi̱ o̱n kivi̱ na.


Ni̱ka̱ꞌa̱n ta̱Jesús saá xíꞌin na, saá chi na sánáꞌa nda̱yí Ndios ni̱ka̱ꞌa̱n na siꞌa: ―Níma̱ ndiva̱ꞌa tíin ña ta̱yóꞌo ―káchí na xa̱ꞌa̱ ta̱Jesús.


Ta saá nda̱kuii̱n ta̱Festo, xíꞌin ndiꞌi ndee̱ ra ni̱ka̱ꞌa̱n ra xíꞌin ta̱Pablo, káchí ra saá: ―Tata Pablo, ¡ta̱a ta̱ sána kúu yóꞌó! Ndixa xa̱ꞌa̱ ña kua̱ꞌa̱ ní ka̱ꞌvi ún, ñayóꞌo sásána ña si̱ni̱ ún vitin ―káchí ta̱Festo xíꞌin ta̱Pablo.


Ta xi̱ni̱ so̱ꞌo nafariseo ña ni̱ka̱ꞌa̱n ni̱vi yóꞌo, ta saá ni̱ka̱ꞌa̱n táꞌan na: ―Xíꞌin ndee̱ ñaBeelzebú, ña kúu ñakáꞌno no̱o̱ ndiꞌi níma̱ ndiva̱ꞌa, táva ta̱yóꞌo níma̱ ndiva̱ꞌa ―káchí na.


Ta ta̱ sákuáꞌá kúchiño nduu ra nda̱tán yóo ta̱maestro ra, ta ta̱mozo kúchiño nduu ra nda̱tán yóo ta̱ xáꞌnda chiño no̱o̱ ra. Ñii ki̱ꞌva saá kundoꞌo ndó xíꞌin i̱ chi ni̱vi ni̱ka̱ꞌa̱n na xa̱ꞌa̱ i̱, sa̱kunaní na yi̱ꞌi̱ Beelzebú, ta ñii ki̱ꞌva saá ka̱ꞌa̱n na xa̱ꞌa̱ ndó, chi ndíko̱n ndó yichi̱ i̱ ―káchí ta̱Jesús xíꞌin naxíka xíꞌin ra.


Ta nafariseo na xi̱ni yukía̱ ni̱ndoꞌo ta̱ñíꞌí, káchí na saá: ―Ta̱yóꞌo táva ra níma̱ ndiva̱ꞌa xíꞌin ndee̱ ñandiva̱ꞌa káꞌno ña ndíso chiño xíꞌin ndiꞌi ñandiva̱ꞌa ―káchí na.


Ta nda̱kuii̱n ta̱Jesús, ni̱ka̱ꞌa̱n ra xíꞌin na: ―O̱n ko̱ó níma̱ ndiva̱ꞌa kómí i̱, ta ndixa kísa to̱ꞌó i̱ Yivá i̱ Ndios. Ta ndóꞌó, nda̱ loꞌo o̱n vása kísa to̱ꞌó ndó yi̱ꞌi̱.


Swiv nou:

Piblisite


Piblisite